YEHEZKIEL 26:3 - Allah Wene Fano Wene Hupla Inane

³ Tuhan Lego Mondok welagarek mene a'nogo nen ikhi logolik, ”An yi re hat Tirus haselei mene welagi o! An nen hat hukhogo kwelakhabuageluk yi afuni ti afuni inunggulenu hokhorogo woginarek wesigin, it andi wesugun he i laut agum founalik lenggalik wagarek hangge hilingirik wesugun.

YEHEZKIEL 26:3 Referans Kwoze

YEREMIA 51:42

I laut kerak-kerak he o Babel huli lagai waga, i agum fonyak lenggak hikhi logolik he o kweang andiba sebeli laga.

YESAYA 5:30

Linggene andi sambul afuni Israel mene werekwe mondogat andoma re weim yabuogeluk hilingitunem iren hilingiri'lagwi mene andi re i laut eindep ane ikherek hak hilingik logogin. Yethani! O kweang andiba selek welaga mene a'nogo o mum en peterogo kuruak teng ikhe andi.

MIKHA 4:11

Hit afuni Yerusalem mene yi. Afuni inunggulenu lombogen he, hit Yerusalem mene hinoasuogeluk inebe arat logalhasik werego. A'nogo logalhasik he iren weim abok ikhi logolik, ”Afuni o Yerusalem mene andi re mondok alperelogo legetfisogoin o. O kota andi re, meisak lambukhogo hilingi'mo nineilenggen hogoin!” iluk ili'lagwi.

LUKAS 21:25

At Yesus nen a'nogo yagaisasikhesik he, hobuk ekhe mel yagaisasikhe: ”Hinendawinggen wenggelogo re, mo inom, tugi inom, hesagal inom, andi elokhe hunogoat mene hilinglagunem hogoin o. Nen, kweangma yoma i laut mogwe hokho yenggelek welagarek a'nogo ha'labu omamerogo waga logolik he, i eindep ane hokhorogo ikhi logoumo re, it afuni inunggulenu lombok inailo asimbik inendawinggen fisigin o.

ZAKHARIA 14:2

Tuhan nen yi afuni ti afuni inunggulenu lombok andoget fisambik o Yerusalem inom weim yabi kuageluk yagaisagain. Ma re kota andi telambik o wurik andoma mondogat sebelogo fakhigik, nen hemi o andi mene pailak hilinginafik, nen it afuni o andi mene inebe fena minggilogo re hele warinarek laluk inamingmingengge hilingisogo fisigik, nen fena minggilik logogun mene re o kota logouwageluk fisigik ugun.

NAHUM 2:12

Attak he, o andoma mene singa nen senggelhu mene senggelikhi laga, a'nogo senggel fuluk he, tulukhogo mene singa he mene inom eagwi inom faget fisikhi laga. Aren he inawi wuri'mo omanogo re eino senggelek senggelherek mene omanogo nen hopot fikhi laga.

YEHEZKIEL 38:3

At oba yagati logolik, An Tuhan Lego Mondok welagirek mene andi re at aselei mene welagi o.

YEHEZKIEL 28:22

It afuni o andi werek mene inoba yagaisikhi logolik An Tuhan Lego Mondok welagirek mene a'nogo nen wene yi'nogo ikhe iluk yagaisano, ”Sidon yi, An yi re haselei mene o. An nen hat hoba hilingisigin mene andi faget afuni nen An fogetnabugun. An nen afuni haren mene andoma unggum wogisagain sambul he, iren An Tuhan horek mondok welagirek mene a'nogo inelu asugun.

YEHEZKIEL 27:26

It ap i agum wathilik lagaikharek mene nen wokharek i laut agum heale'ma hobagai lagunem, hat hebe sogoi timur fikhit mene anini nen opnakhabigin.

YEHEZKIEL 21:3

iluk An Tuhan nen nane yi'nogo ikhi lagi andi, ”An yi re, hit hinaselei mene welagi. An nenggarok lisogo wanimbik hit hinebe mondogat weak hilingiti lagep mene inom fano hilingiti lagep mene inom hinoasigiluk welagi.

YEHEZKIEL 5:8

Andiba re, An Tuhan Lego Mondok welagirek mene a'nogo nen ikhi logolik, An he hat haselei mene asimbik he, it inunggulenu amu-amu mene ineil oba nen hat unggum wokhesigin o.

YEREMIA 50:42

It he, inasikhe inom, inarige inom inenggim fing-fang were'lagwi, it inobabut he mondok weak logolik inendawirinafarek lek inap. Iren afuni Babel mene inoasugun iluk inanggo kuda ba eisok abolok telim-telim wagunem he, i laut foinalhi logolik eindep ane ikherek hak hilingiri'lago.

YEREMIA 50:31

Babel ao, hat he mondogat hendawimo legetfakhikhi lagen! Andiba re An Tuhan Mondok Lego Welagi mene, Allah Nomame Mondok Hokho mene a'nogo nen he hat hoasigin o. Hat unggum wokhesigin oba re arat asi waga.

YEREMIA 21:13

Andi nen Tuhan nen Yerusalem oba yagati logolik, ”Yerusalem, hat hebe welagen he yi'nogo: O tonggo hat hera'lukwe oma re sebelek hak werek kwelek, hat enek he legoma welagen. Hat he lei pirimse'ma erang tonggoma nen punu unggul wolonghogo liabek andi higit hilingik welagen, oba nen he An nen hat ninom wal-wal ugun o. Haren anggikhi logolik, ap misigen iluk ogo o kota yi pin kwi wagik, athe helep leget inalong palogo esiale uanhogo wagane'ma andoma molulukhogo kwi wesu lek hak anggikhi lagen,

YEREMIA 6:23

Ap andi inobabut he mondok weak logolik sikhe sigeba inoatarek inap. Inebe ekhe inendawirinafi'lek inoatarek inap. I laut yenggelek eindep ane ikherek andi hak, it andi inanggo kuda ba lagaluk esa fologo wagunem ineisok ane tap-tap waga logolik, hit afuni o Yerusalem welagep mene hinoasi kwi wesugun o,” iluk ikhe.

MAZMUR 107:25

Aren he yi'nogo hilinglasuak ugunem, sogoi aninirogo funha wagunem, i ha'labu hokhorogo hilingiti lagaikhe.

YEHEZKIEL 26:19

Tuhan Lego Mondok welagarek mene a'nogo ane ikhi logolik, ”An nen hat faget he kota ap welagaikharek lek aiba hakhogo mondogat inareng tiring terenghogo hilinghobagagin. An nen hat hebe mondogat i laut agum en ubukhogo salhabigin.

YEHEZKIEL 29:10

Andiba re eberogo nen An he hat haselei mene agi andi, nen hagai Nil aselei mene agi. O Mesir oba mondogat wolelenggenhogo legetfagain, andi re kota Migdol utara fikhiren erorasimbik laga logombik he, huli o kota Aswan selatan fikhit andomaba nen, hiling-hiling he o Sudan huli andomaba hilingfagain.

NAHUM 3:5

Tuhan Omame Mondok Hokho mene a'nogo nen ikhi logolik, ”Hat Niniwe yi re, An nen hat hoba enggin-fenggin mondogat hilinghobagagin o! An nen afuni inunggulenu ekhe mene ekhe mene inelokhoma nen hasu laberek welagen mene ari nonggol heamo re, afuni nen hat henggalimongge ineilenggen heogoin o.

ZAKHARIA 9:4

Oba nen An Tuhan nen inenggi lek inelagaik mene hilingisogo fisagain. O kota andiba inangge sik-pikhogo werek mene andoma re An nen i laut agum oba hugisagain, nen o kota andi ebe re endu nen al tamukhogo nagain.