YEHEZKIEL 26:12 - Allah Wene Fano Wene Hupla Inane

¹² Hinaselei mene andoma nen he hangge henggi werekhogo fetaluk welagen mene andoma inom, onggo wanhu mene faget fisogo welagen mene andoma inom, telogoin. Iren he hat haleget pa'leget waganek mene inom, hawi femhogo wurik mene inom, meisalogo lakfisogoin. Arigin fuluk iren he helep omanogo inom, e inom, kweang inom mondogat waluk lambik i laut agumo hugesi logoin.

YEHEZKIEL 26:12 Referans Kwoze

YESAYA 23:8

Yi mene ti mene onggo heligik, saburigik hilingirik nikharek mene andi re ap kaindek inenuwerek andi re lek nogo a? Tirus kota omame mondok hokho werek aiba ari re sa nen leget fisagain iluk wene kagalhe nogo?

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

2 TAWARIKH 32:27

At raja Hizkia re mondok enggi werek agun hilingi'mo re, yi afuni ti afuni nen along anggaluk legeisogo fikhi lagaukwa. Aren angge yi mene ti mene emas, perak inom, helep permata mene inom, amben-amben engge inom, tok kwepalengge inom, yi mene ti mene onggo werek engge fena omanogo inom, omanogo fuguba iluk he, obalik senggelek-senggelek engge wurilik lagaikhe.

ZAKHARIA 7:14

Sogoi sielu nen hakhogo An nen furisugunem he ninggi'nogo hilingisugun iluk o kweangma afuni pok mene inaiba omanogo laluk welagaukwa. Kweang mondok fano mulire'ma yi nogore afuni werek lek oba, inareng tiring-terengse'ma unggulasili wagane'ma hilinglaga andi o,” iluk yaganetunem holhi.

NAHUM 2:9

O kota yiba re inangge yi mene ti mene mondok hokho-pokhorogo hilingik enggere, inangge emas inom, perak inom mondogat andoma hugul hela kwino!

HOSEA 13:15

Israel mene re kweang muli fanoma engga mondok muli welagarek andi hak, fano mondok werek meneat he, An nen sogoi aganhan hokho mene o leimo mo liabi wagarek fikhiren inoba lakfei wesigin o. A'nogo lakfei wesumo, sogoi andi nen i elesi wiliferek mene inom, i mogo habulikwe yenggelek mene andoma inom mondogat firok ilik lagunem, yi mene ti mene onggo hokho mene andoma mondogat lek arik lagain o,” ikhe.

DANIEL 11:8

Andem sambul he, at ebe ambotkwe sugulogo o Mesir laga logolik, aren it aselei mene inanggembu dewa ilirengge hilingik omanogo inom, iren dewa andi faget inangge emas, perak meneba hilingik engge wogota mene omanogo inom helaluk lagain. A'nogo helaluk lambik he, tahun miren hakhogo andem oba re aren raja o Siria utara fikhit mene andi inom weim yafi'lek logogin.

YEHEZKIEL 28:8

Hat hebe re pinggi hoasimbik waganogo re i laut a'ma salhabugun.

YEHEZKIEL 26:5

It ap ikan enek warik nikharek mene omanogo nen helep andi unggulmo ikan su watarek mene andoma leti logogun. An Tuhan Lego Mondok welagirek mene a'nogo nane mondogat igi. Tirus andi re ap unggulenu hokhorogo omanogo inombaik higit asigin.

YEREMIA 25:34

Yago, hit ap kaindek ferinarek welagep mene inom, hit ap gembala lak Tuhan againafuri halinafi lagep mene inom yoma sani! Hit hinebe hinoasigin huli a'nogo arat horogasi wagik, nen longgo uageluk nalek-falek hilinghinobagagin oba a'nogo horogasi wagik, ikhe andi nen he, hinane kwi kwerogo le aga logoni o! Wul ebene limbik lambagengge laga logoni. Hit he iwak kweang meneba fanorogo pugunsek meneba nen kobokhogo pikhi logolik halok ikherek andi hangge asugun.

YESAYA 32:12

Hineabu yagoma mondok fano heiselekwe omanogo inom, hineabu anggur faget enggen si'nogo kwani iterek mene omanogo inom he kweang an nunggulenu mene inanggweang omanogo mondogat he engga inom alok-alogengge inom wilife andi nen he, le yakhikhi logoni o.

YESAYA 23:11

Tuhan enggi i laut agumkwe pisarogo lakfikhesik he, o kerajaan omanogo mondogat enggimo yinggilogo wanhemo werek. Nen Aren o Funisia leget pak waganek mene omanogo meisa'lambukhogo leget fisoageluk wene mondogat tekhogo fikhe.

2 TAWARIKH 36:10

Tahun ket mene kugu kwelek he, at raja Nebukadnezar en he Yoyakhin a'nogo hele warogo waluk o Babel laga logolik he, o Tuhan Awi wuri'mo yi mene ti mene onggo mondok hokho mene welagaikhe mene omanogo inom mondogat waluk lagaikhe. At Nebukadnezar en he Zedekia Yoyakhin oe a'nogo it afuni Yehuda mene inom, Yerusalem mene inom, inobaget raja menfesikhe.

YEREMIA 52:14

A'nogo hilingitikhesik, at agoromi mondogaren he o kota leget pa'leget a'nogo langgukhogo lakfesukwa.