YEHEZKIEL 24:2 - Allah Wene Fano Wene Hupla Inane

² ”Afuni wa'lagaikharek mene yi re, tanggal yogondak yiba re raja Babel mene nen o Yerusalem pin talogo kwi lagaikhe sambul a'nogo hilingi'mo re haren lisu palogo fein o.

YEHEZKIEL 24:2 Referans Kwoze

YEREMIA 52:4

ma re Nebukadnezar inom ap sikhe fisogo inap inebe mondogat inom he, at Zedekia raja logolik ferinarek werek kwelek, tahun sogo meneba were'ma tanggal 10 tugi ogo 10 meneba werek kwelek he o Yerusalem pin kwi wagaukwa. Iren he o kota a'nogo abel endakwe fikhit he o it inebe himbit fuluk werek oba wutukwasik he, ap maserogo kwelaginafi logolik leget pa'leget wanhukwa,

YEREMIA 39:1

Ap Zedekia afuni Yehuda mene faget raja menlagaikhesik melalinafunem en enek he tahun sogo mene tugi nomolo meneba werek kwelek, ap Nebukadnezar raja Babel mene a'nogo agoromi weim yafarek mene esa logalhaluk o Yerusalem pin kwi wagaukwa.

2 RAJA-RAJA 25:1

A'nogo werek kwelek, at Zedekia nen he, ”An he afuni Babel mene inoe raja Nebukadnezar andi re nabit,” iluk isikhe andi nen he, at Nebukadnezar agoromi tentara weim yafarek mene mondogat woginarek, at Zedekia nen 8 tahun inoe raja welagaikhesigen, tahun ekhe 9 oba tugi afuni Israel mene nen inenggi wenati lagaukwa higithogo, 10 meneba, tanggal 10 werek kwelek wagaikhesik, afuni Yerusalem mene inoasigiluk o pin kwi wagaikhe. A'nogo wagaikhesik, inawi tenda ba o kota Yerusalem leget enda'ma andoma wutukwasik, leget pa'leget wurik mene abel endakwe yining-haning te'mekhogo waganogo fesukwasik kagalek welagaukwa.

YESAYA 8:1

Tuhan nen an yaganeti logolik, ”Helep hokho mene lisu palogo fugu mene ekhe wanimbik he lisu obalik hokhorogo yi'nogo palfeino: ”Sorom weak-weak laluk he, yi mene ti mene weak-weak telhu mene,” iluk lisu palfeino o.

YEHEZKIEL 24:1

Nit hele warogo hu'ninabi lagaukwaba nen tanggal 10 tugi ogo 10 mene tahun he 9 meneba were'ma, Tuhan ane an noba yi'nogo yaganete,

YEHEZKIEL 33:21

Tanggal lima bulan sepuluh tahun dua belas meneba nit hele warogo la'ninobagasukwama were'ma andem, ap misik ekhe o Yerusalem en eluk heise wilife mene, An nambit wagasik kota a'nogo re mondogat pikhe o, iluk yaganesi waga.