Biblia Todo Logo
Bib sou entènèt

- Piblisite -




YEHEZKIEL 23:3 - Allah Wene Fano Wene Hupla Inane

3 It inebe tugum oba re o Mesir welagaukwa. Andoma nen, tugum nailorogo ap agap inonggot engge welagaukwangge a'nogore obokhogo herakfuluk he hesangge yanani hilingitu mene hilinglagaikha.

Gade chapit la Kopi




YEHEZKIEL 23:3
17 Referans Kwoze  

It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.


Hat heluk logolik yanani nilik nikhi lagen mene andi re mondok wiik weak mene hilingirik nikhi lagen o, hat he attak hebe yenggerek logolik welagagin mene aremnogo ebethikhi lagen lega, hat halfulukwa kogouk were'ma hameben yuguk fugukhogo welagagin aremnogo ebethikhi lagen lega?” iluk ikhe.


A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.


A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.


(Hat Oholiba yi sa, hat he hebe tugum oba re ap Mesir mene nen hebene inambe top-top hilingitunem hambenan hilingiti lagagin mene andoma hilingiti logolik hebe weagerogo fakhikhi lagagin omanogo higit hilingiti lagen o,) iluk ikhe.


Ekhe sambul ekhe sambul at babi hilingitu mondok welaga, at he ebe tugum logolik o Mesir en hesangge hilingiti laga mene omanogo inom he agaumsek lek, mondogat higitsek welaga.


Aren hundik-handik hambenan hilingirik nikhi logolik, o Mesir at ebe ap agap onggot were'ma nen attak-attak ap agap elu agaikheba omanogo nen hilingiti lagaikhe hak hilingiti laga. At ebe yenggerek oba nenat ap inom nogoikhemo re hambenan mene hilingisogo faga.


Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.


A'nogo yagaisasikhesik ekhe yagaisikhi logolik, ”Hit o Mesir logolik welagagip aple inom, afuni inunggulenu amu mene werekwe laga lagagip mene inom omanogo mondogat he hit hinonggwarek hinelu welagep.


A'nogo warogo fisambik, inebe warek he, o kota kwe ebekwe ninoe eba menfuluk watukwaba andoma fisogoin o. O kota andi, o Sodom inom, Mesir inom, oba litarek a'nogo aro.


hambenan hilingisigin mene a'nogo murok lagaat andi. Aren helep meneba inom e meneba inom apne wanhunem babi hilingiri'lago andiba o kweang yi emetfili'lago.


Helime andem manggusa mene enu re Ohola, andi Samaria faget ilirenggerogo. Agot he enu Oholiba, at andi re Yerusalem faget ilirenggerogo. It inebe pirenet he An nen woginafirik inebe lombok inagainafuri helime mene inom alage mene inom taginafa.


A'nogo hilingitama An nen wenggel hikhi logolik he, ”Ap andoma nen he hemi hambenan mene, babi hilingitu werek kwelek enek mondogat halongo aga mene andem inom hilingitu mene faget inendawimo inamolo werek hea?” anggasigi.


At Tuhan nen an Hosea nayonggo fikhesik wene afuni Israel mene yagaisoageluk attak-attak yi'nogo yaganete: ”An nagainafuri o yoma re An noba lombokhogo welagi'lek hera'nobagaluk wulibi'lagwi o. Andi higithogo re haren he yanani nilik nikherek mene andi waganogo hagainafuri at obabut hanggeat taginabino o,” iluk yaganete.


Oba nen he, hat heil alili mondok fano welagen mene a'nogo inom, habok ugunem fano laga-laga mene a'nogo inom, haren we alomarogo hangge hilingiti lagen. Hat he ap amu mene lagik wagik agarek mene hinom yugunat nogokhi lagen andi.


An nen it inandugwi kembu elalhigik werek mene mondogat hebak nafe mene omanogoba nen inagaiyekhogo hilingiri'lagwi mene omanogo hugisoageluk yagaisasigi, nen ekhe re An nebe it ineisena Tuhan Allah welagimo re, iren kembu Mesir mene fogerati logolik inebe emetfakhaga hanogo, iluk yagaisasigi.


Swiv nou:

Piblisite


Piblisite