YEHEZKIEL 21:7 - Allah Wene Fano Wene Hupla Inane

⁷ A'nogo hilingitunem iren heinok wokhafi logolik, nenahalok neneik yabatu welagen iluk yagahetu halok it inoba yagaisikhi logolik, wene hobuk hilinglasigin mene faget hilingiti lagi o, iluk ugunogo. Wene andi nen he it inendawinggen abolok igik, inenggi omame legagik, ineindep leigetik, inoba mondogat lebelek agik, ugun. A'nogo asigin mene andi re eberogo nen asigin mo re, hilinglasigin mene arat horogasi waga o. Iluk An Tuhan Lego Mondok welagirek mene a'nogo nen nane mondogat igi o,” ikhe.

YEHEZKIEL 21:7 Referans Kwoze

YEHEZKIEL 7:17

Afuni inebe lombok he inenggi omame legasimbik, ineindep leigeti logogun.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.

NAHUM 2:10

O Niniwe re mondogat wolelenggen tagalogo hilinglagama re, afuni inom, yi mene ti mene mondogat inom inane mondok tiring-terengsekma re, o andoma lei pirimhogo hilingik. It inailo nen inendawimo mondogat maben aga. Ineindep mondogat omame lek agasik inoak leigeri'lagwi. Afuni mondogat he inelokhe heiselogo ofuselogo hilingik.

YEHEZKIEL 7:26

Yi enggin ti enggin inom wene weak mene inom hundik-hundik wagunem, iren ap nabi hobuk yi'nogo asigin iluk agarek mene omanogo inoba heinok woginabugun oba nen he, irogo hilingiesu elo'legat hilingik logogun. Nen, it imam en afuni inoba yagaisa mene ogore elo'legat agik, ap melalinafu mene ogore it inawene komo wene lek agik, ugun.

YEREMIA 50:43

A'nogo wesigin iluk ugunem holhaluk he, raja Babel mene re at oak elekwe hololong ili'logo. At mondogat ailo nek agunem he, hemi ineagwi taginabuogeluk ouen heinet watarek hak hilingiri'lago.

YESAYA 13:7

Ap inebe lombok he ninenggi omame lek agama iluk anggigik, nen it inailo lek hilingiti logogun mene a'nogo longgo igik, hilinglasugun.

LUKAS 21:26

Nen, pogoroba inomame hokho mene inabologet hikhi logoumo, afuni o yi awi ti awi welagaikharek mene nen he: Yi'nogo hilinglagik, ti'nogo hilinglagik, igin a'nogo arat hilinglasigin higi, iluk inailo nen inendawinggen mondok legasigin o.

YEHEZKIEL 24:19

A'nogo hilingitigimo re afuni nen heinok wo'niikhi logolik, ”Nineisena hat nenahalok a'nogo hilingiti lagen? Haren hilingiti lagen mene andiba re nit faget ninggi'nogo asuageluk hilingiti lagen nogo?” Iluk yaganeta.

YEHEZKIEL 20:49

A'nogo ikheba nen an Yehezkiel en nendawinggen enggin nafe mene yagati logolik, ”Tuhan Neisena, Lego mondok welagen mene, an nen wene andi mene yagaisoageluk mimingnafun o! An nen henarogo weneba nek yagaisugunem iren futfigi'lek logolik afuni mondogaren inane mul-mul noba hokhorogo fili'lagwi o,” iluk yagati.

RATAPAN 5:17

Tom Sion a'nogoba re inareng mondogat tereng ikhe, nen aben mondogat herakfisaga; Andoma re olomene nek lakwak ili'logo. Andiba re nit mondogat ninoba sinu ikhe, nit le agunemen enek he nineilenggen mum ari'lago.

YEREMIA 49:23

Tuhan nen Damsyik faget ikhe mene re yi, ”Afuni o kota Hamat inom Arpad inom he wene weak mene holhasik inendawi fiti logolik inoak leigeri'lagwi. It inendawinggen suk sak ikhi logolik i laut founak lenggak hikherek hak nonghong ili'lagwi.

YEREMIA 8:18

Nendawinggen mondok heiselhi logolik weimen kurinafunem hangge hilingnabi'logo, Nendawimo heiseli'lago mene andoma re fano hilingnabu lek hak ari'lago.

YESAYA 35:3

Hineggi omame lek mene re hambuget hani, nen eisok leigeti lagep mene re wuriget feni.

YESAYA 28:19

Hit hinoba weak mene andi asi wagu mondok were'ma re, hiren hinenggi hundik-hundik, hubet inom hubanggo inom enggin-fenggin hugu mondok logogun. Nen, Allah nen yi'nogo hilingi'no iluk ikhe mene andi hit hinesanggo holhaluk he hinailo nen hinoak leigeti logogun.

YESAYA 7:2

Afuni nen ikhi logolik, ”Ap Siria mene esa fologo afuni Israel mene were'ma kwi wagaikhasik inom mangotha ugunem raja Ahas inom, afuni mondogat omanogo inom inesanggo holhukwasik inailo hokho mene agaikhemo re e wilibik mene sogoien funhugunem leigeterek hak inoak leigeti lagaukwa.

2 RAJA-RAJA 21:12

Andiba re, An nebe Tuhan Allah afuni Israel mene nen fogetnafarek mene a'nogo nen enggin hokho mene it afuni Israel mene inom Yehuda mene inom inoba lakfei wesumo, it afuni inebe lombogen andi faget inesanggo holhambik he youk weak logoin o.

2 SAMUEL 17:10

A'nogo ugun halok afuni Israel mene mondogaren he, Daud andi weim mondok aniniweak, nen agoromi tentara mene andi inailo mondok lek logolik, weim inomamerogo mondok yafarek, iluk agare'ma re, ap weim yafu inailo mondok lek mene olomene enu singa obabut hangge mene ogore, mondok inailoat asugun o.

YOSUA 5:1

A'nogo hilinglagaikhemo, afuni nen he, ”Tuhan Allah againafuri Israel mene i palogo wulibi wesuageluk, i Yordan firitokhogo hilingfesikhemo, wulibi wagaikha o,” iluk ugunem afuni Amori mene inogogwi kaindek i Yordan aik yiba mo ubukhogo kwikherek higit welagaukwa mene inom, ap kaindek afuni Kanaan mene inogogwi i Laut Tengah era'lukwe welagaukwa mene mondogat inom, inesanggo holhukwasik he, afuni Israel mene inaleigen inailo agaukwasik, inoagelekwe lei'leik isikhe.

ULANGAN 20:8

It sikhe fisogo mene inogogwi andi nen he wene yi'nogo ekhe inom yagaisogoin, ’Ap hit hinaggele'ma nen ik-ik hilingitu mene inom, hinailo mene inom ekhe welageba? Werek halok he at andi nen it ori fenakwe ko-ap kwelaginabigin enggere at awiba ambotkwe lagain fano,’ Iluk yaga hisogoin.

IMAMAT 26:36

Nen, It hinagaila'lak ap hinaselei mene nen hugisa lamo logogun mene andoma re, An nen inailo mondok hokho mene hilingfisamo e engga sogoi en fun hugunem abolok lelok ugungge faget he inailo nen heise wulifi logogun. It afuni inaselei mene hinera'lu horokhogo werek lek oba nen ogore, it inaselei mene nen weim oba mukhinarek wagunem hak hit hinailo nen yawarilik laga logolik longgo ikhi logogun.

KELUARAN 15:15

Ap Moab mene weim inaniniweak mene a'nogo, inailo nen inoagelekwe abolok igin. Afuni Kanaan mene re inendawinggen legasigin.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

YOSUA 7:5

Ap andi inaben he it Israel mene lagaukwa mene a'nogo o kota Ai kwi lagaikharek oba kwe ambe pale'ma andoma nen muginarek he posie mene kweangma nen habuliluk hilingitarek oba andoma huli fisa lagaukwasik he, it omanogo inanggele'ma nen he ap inebe tiga puluh enam en engge tom alema andoma nen pinggi inoasi lagaukwa. Andiba re afuni Israel mene inendawinggen sebe isukwasik inailo nek agaukwa.

MAZMUR 58:7

Allah neisena, it inaik andoma langgorisan o, Tuhan neisena, mene singa ket souge mene aik tum hak mene andoma langgorisan.

YEHEZKIEL 21:6

Afuni wa'lagaikharek mene yi re, it afuni Israel mene inebe mondogat ineilhanem, hendawimo weak agik, hendawinggen warigik, ikhi logolik hakhogo, neneik yabatik, helagaik haneba ugu welagik, ikhi logoin o.

YEHEZKIEL 21:8

Tuhan ane an noba yaganeti logolik,

YEHEZKIEL 21:15

Karok andi nen hilingik enggeba re An nunggulenu mene inailo asuageluk youk kwelakfikhemo re inailo legengge inambong serogo werek mene a'nogo lek hilingisogo figik, tunghogo warigik aga. An nen it inawi kota andi weaget fagain iluk karok andiba eilaburen kulunget hikherek hak hilingiti logolik ap wasigin iluk hilingik engge andi hinoasigin iluk nane walhogo figirik welagi.

YEHEZKIEL 22:14

An nen hat unggum mondogat wokhesumo henggi hailo legengge liafik, homamerogo welagik, hilingisu hak anggegen? An Tuhan Lego Mondok welagirek mene a'nogo nen igi hilingi'mo re, Nane igi mene andem higithogoat hilingisigin.

DANIEL 5:6

A'nogo hasikhesik ailo agaikhemo re elokhe heiselogo, eindep leik-leigenggeti logolik he oak omame mondogat lek agaikhe.

YEREMIA 26:12

A'nogo ugunem an nen yagaisikhi logolik, ”An he Tuhan nen mimingnafi logolik o Tuhan awi inom kota yi inom asigin mene faget yagaisa lan o, iluk la'nobagai wagama an nen yagahisugunem holhep anggigi.

YEHEZKIEL 6:2

”Afuni wa'lagaikharek mene yi re, hat he helokhe hebekhogo o Israel tomkwe andoma yetlasimbik he unggum it inoba wogisagain mene hat hoba ikhi lagi mene yi, haren it inoba yagaisa lan o.