YEHEZKIEL 21:5 - Allah Wene Fano Wene Hupla Inane

⁵ A'nogo hilingisigin andiba afuni mondogaren he, An Tuhan nen nenggarok lisogo wilabi wesimbik andi re hobuk ekhe oak waganogo awinggaba kwelabigin lek iluk inelu asugun o,” ikhe.

YEHEZKIEL 21:5 Referans Kwoze

YEHEZKIEL 21:30

Hit afuni Amon mene yi, hinenggarok he awingga elema kwelabini! Hit he, An nen obalik hit hinebe ta'lagik, elalagik isigip oba andoma nen hinawene ayo wurogo pilinghinabigin.

NAHUM 1:9

Iren Tuhan inom weim palek aple nek yi'nogo hilingisugun iluk agarek mene andoma re, ambisangma higithogo hilinglagarek lek. At Tuhan nen he afuni At aselei mene inoba a'mage fikherek mene andoma re enggi pireba inoasigin lek.

YEHEZKIEL 20:48

It mondogaren futfikhi logolik endu andi re An Tuhan nen fakfikhemo re, ap ekhe nen iluk ogo ekhe nagulugun mondok elo'lego, ikhe ino,” iluk yaganete.

YEREMIA 23:20

Tuhan nen hilingisigin iluk wenggelogo werek mene omanogo mondogat hilinglagi'lek werek kwelek he At a'mage lagaikhe mene andi re sebeligin mondok lego. Hobugen enek he, it Tuhan againafuri nen wene andoma senggerogo fut fogoin o,” igi.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

YESAYA 45:23

An naneba wene mondogat wathigimo re An nane isigi mene andi tagan igin mondok lego, iluk An nonggwarek nenuba hombuk palhi andi. Afuni inebe lombogen An nelokhoma ineindep awi yagaisogo agaugwet nafi logolik, it inaneba lombok An noba nek tiphogo hilingiti logogun iluk wene wasugun o.

ULANGAN 32:40

An Allah nali'-nalegat, neluk mondok welagirek mene, An nenggi liakfulugen, nonggwarek nenu hombuk palogo, ikhi lagi.

YEREMIA 25:27

Andi nen Tuhan nen an noba ikhi logolik, ”Haren afuni andoma yagaisikhi logolik, An Tuhan Nomame Mondok Hokho welagirek mene, afuni Israel mene ineisena Allah a'nogo nen he, hit hinebe mondogaren anggur agai hinago andi naluk lugu-lugwi palogo hebak wusuak ikhe o. An nen weim it inoba lakfei wesigin mene andiba nen it inebe warogo hulambethigik taik umo re inambotkwe inelugasugun mondok lego,” ikhe.

YEHEZKIEL 21:6

Afuni wa'lagaikharek mene yi re, it afuni Israel mene inebe mondogat ineilhanem, hendawimo weak agik, hendawinggen warigik, ikhi logolik hakhogo, neneik yabatik, helagaik haneba ugu welagik, ikhi logoin o.

YEHEZKIEL 17:2

An Tuhan Lego Mondok welagirek mene a'nogo nen it yagaisagain iluk nendawimo anggikhi lagi mene re yi: Sue rajawali ekhe ebe mondok hokho mene re esi fano mondok hilingi'mo, ogolabi uanse'ma re omame hokho arue welaga. Sue andi tarogo o Libanon tom oba omanogo lagasik he, e laik unggum tekhogo waluk waga,