YEHEZKIEL 21:3 - Allah Wene Fano Wene Hupla Inane

³ iluk An Tuhan nen nane yi'nogo ikhi lagi andi, ”An yi re, hit hinaselei mene welagi. An nenggarok lisogo wanimbik hit hinebe mondogat weak hilingiti lagep mene inom fano hilingiti lagep mene inom hinoasigiluk welagi.

YEHEZKIEL 21:3 Referans Kwoze

YEREMIA 21:13

Andi nen Tuhan nen Yerusalem oba yagati logolik, ”Yerusalem, hat hebe welagen he yi'nogo: O tonggo hat hera'lukwe oma re sebelek hak werek kwelek, hat enek he legoma welagen. Hat he lei pirimse'ma erang tonggoma nen punu unggul wolonghogo liabek andi higit hilingik welagen, oba nen he An nen hat ninom wal-wal ugun o. Haren anggikhi logolik, ap misigen iluk ogo o kota yi pin kwi wagik, athe helep leget inalong palogo esiale uanhogo wagane'ma andoma molulukhogo kwi wesu lek hak anggikhi lagen,

NAHUM 3:5

Tuhan Omame Mondok Hokho mene a'nogo nen ikhi logolik, ”Hat Niniwe yi re, An nen hat hoba enggin-fenggin mondogat hilinghobagagin o! An nen afuni inunggulenu ekhe mene ekhe mene inelokhoma nen hasu laberek welagen mene ari nonggol heamo re, afuni nen hat henggalimongge ineilenggen heogoin o.

NAHUM 2:13

At Tuhan Omame Mondok Hokho mene a'nogo nen ikhi logolik, ”An he, hit hinaselei mene welagi o. An nen hit hinangge kereta andoma mondogat endu nolhik, hit hinagoromi sikhe fisogo mene weim oba nen inoatik, nen hiren yi mene ti mene afuni amu mene inangge helikhi lagep mene andoma mondogat he An nen heligik, igin o. Nen, hiren ap yonggo lakfisikhi logolik yi'nogo kinosi lani iluk ikhi lagep mene andoma re ekhe holhi logogun mondok lego,” iluk yagaisasikhe.

YEHEZKIEL 5:8

Andiba re, An Tuhan Lego Mondok welagirek mene a'nogo nen ikhi logolik, An he hat haselei mene asimbik he, it inunggulenu amu-amu mene ineil oba nen hat unggum wokhesigin o.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

ZEFANYA 2:12

Andi nen afuni Sudan mene ogore Tuhan nen unggum wa'lagaikharek mene inoba fagainat.

YEHEZKIEL 26:3

Tuhan Lego Mondok welagarek mene a'nogo nen ikhi logolik, ”An yi re hat Tirus haselei mene welagi o! An nen hat hukhogo kwelakhabuageluk yi afuni ti afuni inunggulenu hokhorogo woginarek wesigin, it andi wesugun he i laut agum founalik lenggalik wagarek hangge hilingirik wesugun.

YEHEZKIEL 21:19

Afuni wa'lagaikharek mene yi re, haren kwelugun pire at raja Babel mene karok waluk wesigin kwe ilirengge hilingfein o. Kwe ebe pirenet he o ebe misik oba nen yagaisogo wulabe'ma re, kwe ekhe re o Raba kota it Amon mene inawi andi fikhit yago logogin, nen misik ekhe re o Yerusalem kota it afuni Yehuda mene nen inawi leget pa'leget haning leget waganek mene andi fikhit yago logogin. Nen kwe handogalma andem he e kagalek meneba ebekwe wurep halek logouwageluk enegengge menfeino.

YEHEZKIEL 14:21

Tuhan Lego Mondok welagarek mene a'nogo nen ikhi logolik, ”An nen unggum ero enggaminogo mene enggin mondok hokho mene o Yerusalem oba pelak foumo re, afuni inom, yi wam ti wam andoma inom, legetfisan o. Unggum andi re weim inom, sumburu ouwak inom, ou amben weak mene inom, olomene aik anini mene inom inoba lakfei wesigin.

YEHEZKIEL 14:17

Ekhere An nen o kweang yiba weim lakfei wesimbik An nen yagati logolik, afuni inom, wam inom, mondogat leget fisan, iluk yagasigin halok legabesu hagaro.

YEHEZKIEL 5:12

Afuni fenakwe ekhe minggilogo re ou amben weak meneba nen inom, sumburu ouwagen inom, o kota yiba asi wesigin mene andiba nen mondogat wa'lasugun. Fena ekhe minggilogo re karogen o kota endakwe fikhiren inobakhe tegethigik inoasigin. Nen fenakwe ekhe minggilogo re An nen o unggut-unggut higithogo telfolisigik, karok fanghogo sikmuk isigik, igin.

YEREMIA 51:25

Babel hat hebe re tom eil nagulogo waga logolik o kweangma mondogat wolelenggenhogo fikherek hak hilingik welagen. Oba nen hat he, An Tuhan nemberek walhogoin. An nen he, nenggi pisarogo lithea wesimbik he, tom helep unggul oba nen limbil habi wesumo re endu nen nambik wul asuageluk herakhobagagin.

YEREMIA 51:20

Tuhan nen ikhi logolik,” Babel ao, hat he, louk hangge welagen, An nasikhe weim yafu mene re hat welagen. An nen hat hebene nen he yi afuni ti afuni inunggulenu lombok welagaikharek mene inom, kerajaan omanogo inom, inoasuageluk hat hebe wokhafi lagi.

YEREMIA 50:31

Babel ao, hat he mondogat hendawimo legetfakhikhi lagen! Andiba re An Tuhan Mondok Lego Welagi mene, Allah Nomame Mondok Hokho mene a'nogo nen he hat hoasigin o. Hat unggum wokhesigin oba re arat asi waga.

YESAYA 34:5

Tuhan he pogoroba karok foukhogo fikhesik werek, enggere yogondak karok andiba re inunggulenu Edom mene inoba unggum wogisambik inebe legaphogo fisa wesigin.

YESAYA 10:5

Tuhan nen ikhi logolik, ”Asyur andi re An nen it afuni na'mage inoba fikhi lagi mene omanogo inoasuageluk fe'nengge inom e payuk inom hak hilingik werek. Arigini'mo re Asyur he alomat lakhoak!

PENGKHOTBAH 9:2

Eberogo nenat, ap mondogat inobabut he misigat asugun: Ap higithogo hilingiterek mene andi ogo, ap kwanirogo hilingitarek mene andi ogo, ap obabut fano mene ogo ap obabut weak mene ogo, ap pugunsek mene ogo, ap emerek mene ogo, ap obaget fikherek mene ogo, ap obaget fikherek lek mene ogo mondogat he higirenek. Ap weak hilingiterek mene inom weak hilingiterek lek mene inom, nen ap ane hombuk palherek mene inom ane hombuk palherek lek mene inom emberek he higirenek.

MAZMUR 17:13

Neisena Tuhan, Hat hebe feisakhogo menla'luk he, an naselei mene oma hinom wal-wal iluk it inomame legetfisikhi logoino o. It afuni weak hilingitarek mene andi nen an noasuogeluk wagunem andi, Hat henggarok oba an nagap telogo nobagakhi logoino.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

IMAMAT 26:25

Hiren An ninom wene katokhogo wato mene a'nogo sagalfuluk hilingitu halok he, An nen hit hinawi kota hinanggele'ma andoma weim liabigin. Nen, hiren o kota ba andoma kaboge'luk koma hina'lasu iluk obalik herasugun oba nen he An nen ou mondok weak mene fano hilinglasu elo'lek mene lakfei wesumo re, hiren ninggi'nogo hilingisugun iluk elo'legen hinaselei mene inenggiba aga logogun.

KELUARAN 15:9

Nit ninaselei mene nen ikhi logolik he, An nen muginarek lambik fakfisagain, Nenggarok lisogo wanimbik inebe legetfisagain. Inebe legetfisambik inangge mondogat telogo helagain, It ekhe sumburogo wogisikhi logolik, An nalawi engginet fakhambik, nalong pi-pe ikhi logogin,

YESAYA 57:1

Ap fanorogo hilingitarek mene inom higithogo hilingitarek mene wa'lagunem he, ap ekhe nen futfisigik halfisigik agarek lek. It mondogat wa'la'luk he enggin-fenggin meneba nen ogal fakhaluk inoba fanorogo set walikhi logolik werek.

YEHEZKIEL 29:10

Andiba re eberogo nen An he hat haselei mene agi andi, nen hagai Nil aselei mene agi. O Mesir oba mondogat wolelenggenhogo legetfagain, andi re kota Migdol utara fikhiren erorasimbik laga logombik he, huli o kota Aswan selatan fikhit andomaba nen, hiling-hiling he o Sudan huli andomaba hilingfagain.

MAZMUR 80:17

Anggur ero lebekhogo endumo nolharek andi hak, nit ninaselei mene nen ninebe weaget ninabi'lagwi mene andi, Hat ha'mage it inoba fembik, it inebe leget fisano o.

MAZMUR 83:15

Endu nen o ogoi ninggerek higit, nen endu amulok tom-tom wialik lagarek higit hilingfisano.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 21:14

oba nen he, hat hobabut hilingiti lagen mene andiba re An nen unggum wokhesigin o. Hat hebe welagen oba hawi istana andi inom, yi mene ti mene era'lukwe werek mene inom mondogat endu noligin. Iluk An Tuhan nen nane mondogat igi o,” ikhe isikhe.

YEHEZKIEL 24:9

Tuhan Lego Mondok welagarek mene a'nogo nen ikhi logolik he, ”Kota ap wa'ni nen hoporek aiba andi re alomat lakhoak! Endu feigiluk he An namu nenat endu eilem wasigin.

AMOS 5:6

Ma re, hit hinebe hinambotkwe nineisena Tuhan oba we'ni o. Wagep halok, hineluk logogun. A'nogo meneat he, wesugun lek halok, At ebe endu amulok melanghogo ninggerek hak waga logolik, afuni Israel mene inebe felelenghogo hinoasigin o. A'nogo inoatunem, afuni o Betel welagaikharek mene ekhe nen ogo endu andi nagulu re mondok elo'lek asigin.

AMOS 7:4

Hobuk an nabikanggoba re At Tuhan Lego Mondok welagarek mene a'nogo nen yi'nogo inuk niikhe. Aren he againafuri endu oba unggum inoba feigiluk mondogat fik-foukhogo hilingfikhesik were'ma higi. Endu andi nen he kweang a'ma i yenggele'ma ma'lima amulok yelang melang ninggi logolik he, kweang elema inom, yabukwe inom mondogat endu nen nunggunem yethigi.