YEHEZKIEL 20:3 - Allah Wene Fano Wene Hupla Inane

³ Afuni wa'lagaikharek mene yi re, hane afuni inogogwi ferinarek welagaikharek mene oma inoba ikhi logolik he, An Tuhan Lego Mondok welagirek mene nane yi'nogo ikhe iluk yagaisan o, ”Hit he hinailo lek pegengge An nen hit hinoba yi'nogo ti'nogo yagahisoageluk yaganeti lagep ari ambi! An Allah neluk mondok welagi mene nenuba hilingi'mo re, hiren yi'nogo ti'nogo yaganisoageluk kino yaganetu aplere nabitsek welagi! An Tuhan Lego Mondok welagirek mene nen nane mondogat igi andi, ikhe iluk yagaisano,” ikhe.

YEHEZKIEL 20:3 Referans Kwoze

MIKHA 3:7

It ap ekhe wene hobuk hilinglasigin mene iluk yagaisagarek mene andoma inom, nen it ekhe inendawinggen wenggelasuageluk ekhe mene-ekhe mene hiligitarek mene andoma inom he, hobuk Allah nen it inoba ane onggo yagaisagain mondok lek andi nen he, inenggali asimbik inelha pigin o.

AMSAL 28:9

Sa nen Allah awene melalek a'nogo higithogo hilingiti logogin lek halok, Allah nen ogo aren samban ikhi logogin mene andire hebak aferek logogin.

YOHANES 4:24

Allah ebe re, Areagun mene andi nen he, at fogerasuageluk Areagun inom hundik logolik eberogoat fogerasugun meneat fogerasugun o,” iluk yagatikhe.

LUKAS 3:7

A'nogo yagaisilik nikhi lagaikhemo, it afuni omanogo mondok hokhorogo ima pelaginabuageluk Yohanes oba andogosi wagunem, mel yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

YEHEZKIEL 20:31

Andi nek he fuk oba nen he, yogondak huli nen enggere yi mene ti mene inom hinagainafuri omanogo inom kembu ina'meilo mene omanogo obaget warogo fuluk noleti lagep. A'nogo hilingiti logoligen he hinambong sisengge An noba yi'nogo ti'nogo yaganisoageluk kino yaganesi waga lagep ari a? An nonggwarek nebe Allah neluk mondok welagi mene, Tuhan Lego Mondok welagirek mene nenuba hilingi'mo re, hiren yi'nogo ti'nogo yagahisoageluk An noba kino yaganesi wesugun fano iluk he yagahisa lek hago.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YESAYA 1:12

Hiren An nobaget hilingisugun iluk watfuluk An nonggwarek nawi wuri'mo andoma hineisok sebeli kuluk hesangge lak wak ikhi lagep andoma re, sa nen yagahisikhemo hilingiti lagep nogo?

AMSAL 21:27

Tuhan he afuni weak hilingitarek mene nen At obaget fagarek mene andi re apsiri inoba fikherek, ap andi endawimo nen weagasuak anggikhi logolik hilingisigin halok andi re ebenagaik.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

1 SAMUEL 28:6

A'nogo ailo agaikhesik, Tuhan nen, ”Yi'nogo hilingi'no,” iluk yaganesuageluk he, abiba ogo, oagengge hukhagarek mene enu Urim, Tumim oba ogo, athe, ap Allah ane yagaisagarek mene inoba ogo, ekhe yaganesugun hea iluk kino yagatikhe mene re, at Allah nen onggo yagati'lek kamo isikhe.

YEHEZKIEL 20:2

Tuhan ane an noba yaganetunem nesanggo holhi,

YEHEZKIEL 33:30

Tuhan ane ekhe ikhi logolik, ”Afuni wa'lagaikharek mene yi re, hat he it hat hunggulenu mene o leget pa'leget waganekwe horok horokwe inom athe o kwe ambe palekwe inom kaboge'luk, it ekhe nen ekhe inoba ikhi logolik, ”Yago. Nit yogondak yi, Tuhan nen he, Allah wene ninggi'nogo mene ekhe igin he,” iluk agarek mene omanogo nen habok tindel-tandel hafarek mene welagen o.

AMOS 8:12

A'nogo hilingiti logolik, An nane andi herarik he yi awi ti awi o abel utara fikhiren he abel selatan fikhit lagik, nen abel timur fikhiren he barat fikhit lagik hilingiti logogun, oba nen he iren ekhe herati logogun mondok lego.

YESAYA 58:2

Iren linggene An fogetnafik, An nendawimo anggigirek mene inelu asuageluk hilingitik, ugunem iren hilingitu mene omanogo re fanorogo nek hilingiri'lagwi mene hakhogo welagik, An nawene melalek oba tiphogo hilingiri'lagwi mene hakhogo hilingitik,” agarek. Iren ikhi logolik, ”Nit he Tuhan fogerasuogeluk inom, At awene melelek higithogo hilingisuogeluk inom he ninagaiyek welago o,” iluk agarek.

YEHEZKIEL 14:1

Ap it inunggulenu Israel mene inogogwi kaindek ferinarek welagaikharek mene fenakwe an nambit wagaikhasik Tuhan endawimo anggikherek mene faget heinok wo'nabi wagaikha.