Tahun falfalik oba tugi ogore falfaligen mene tanggal 5 ba were'ma, nit ninebe hu'ninabi wagaukwaba omanogo nen ap Yahudi mene hu'ninabi wagaukwa mene omanogo inogogwi melalinafarek mene re an naiba nambit wagaukwasik ninom hurek welagagu. A'nogo were'ma ferekhogo aremnogo Tuhan Lego Mondok welagarek mene a'nogo omame an noba louk iwaga.
YEHEZKIEL 20:1 - Allah Wene Fano Wene Hupla Inane1 Tanggal sepuluh tugi fuabengge meneba re nit hele warogo hu'ninabi wagaukwama logolik tahun sabit meneba agaikhemo were'ma, ap Israel mene inogogwi kaindek ferinarek mene fena an nambit wagaukwasik he, Allah endawimo anggikherek mene kinosuageluk miming nabi wagaukwa. Wagaukwama it inebe mondogat an nelokhoma hurek werek kwelek, Gade chapit la |
YEHEZKIEL 20:1
27 Referans Kwoze
”An he, ap Yahudi mene, nebe o propinsi Kilikia o kota Tarsus ta'lagagi meneat he, o Yerusalem yoma nen kulnafukwama nalue agagi. Nalue agagimo, ap kain Gamaliel nen wene Allah nen ninombalak komorinafikhe wene a'nogo furogo yaganeti lagaikhe. Yaganetunem, an nen hit yogondak Allah faget hinomamerogo hilingiti lagep andi hagat hilingiti lagi.
A'nogo yagaisa lagaukwama re, it afuni nen he, ”Ninggi'nogo hilinglagama nen aga,” iluk, ineilenggen houwogeluk Yesus oba wagaukwa. Wagaukwama re, ap munggwarengge inobabut weak mene endawimo nen wulifikhe mene a'nogo afe hebelagaikhesik asu laberogo Yesus awe a'ma hurek were'ma ineilenggen hasukwasik, inailo agaukwa.
Abok palhi lagaukwasik he, ap it inagoromi inane wanhi lagaukwa mene inom, it ap Herodes werekwe mene inom, Yesus oba wene heinok wanuageluk lakfisa wagaukwama it andi wagaukwasik he, mel yagatukwa: ”Yesus noe. Hat hobabut he, wene eberogoat enek ikhi logolik, Allah endawimo nen, Afuni yi'nogo hilingiti logouwak, iluk anggikherek mene eberogoat yaganisikhi lagen andi nit ninelu o. Afuni inebe hailo legat logolik inelokhonggen oba nek isaluk he, ekhe helokhoma fisigik, ekhe hambotma fisigik, hilingisu lek hak hiikhi lago o.
A'nogo were'ma nen he at raja Zedekia nen an nebe wo'narek at oba wesuageluk agoromi lakfisasikhemo wo'narek wagaukwa. Oba nen he aren linglong an heinok wo'niikhi logolik, ”Tuhan ane ikhe mene ekhe werega,” iluk heinok wo'niikhe. A'nogo heinok wo'niikhemo an nen onggo ikhi logolik, ”Werego,” iluk yagati. A'nogo yagatirik ekhe inom yagati logolik, ”Neisena hat hebe re raja Babel mene enggiba asigin o,” iluk yagati.
Iren linggene An fogetnafik, An nendawimo anggigirek mene inelu asuageluk hilingitik, ugunem iren hilingitu mene omanogo re fanorogo nek hilingiri'lagwi mene hakhogo welagik, An nawene melalek oba tiphogo hilingiri'lagwi mene hakhogo hilingitik,” agarek. Iren ikhi logolik, ”Nit he Tuhan fogerasuogeluk inom, At awene melelek higithogo hilingisuogeluk inom he ninagaiyek welago o,” iluk agarek.
A'nogo lagaukwama at Elisa nen raja Israel mene omanogo inoba ikhi logolik he, ”Nenahalok an nen lebethisoageluk kino yaganeti lagep? It hineisugwi inobaget nabi welagaukwa mene omanogo inambit lani re,” iluk yagaisasikhe. Andi yagaisasikhemo at Yoram en he, ”Lego! Tuhan nen he nit raja ninebe henagan ya raja Moab mene enggiba ninobagaigiluk wenggelhemo nen wago o,” iluk yagatikhe.
A'nogo isikhesik, at raja ebe hobuk lagaluk, agot ekhe attak Elisa oba lakfesikhe. O andi sambul he, at Elisa ebe aiba were'ma, ap kaindek ekhe at oba lagaukwama inom logolik, ap raja nen lakfisikhe mene a'nogo oan lagi'lek werek kwelek he, at Elisa nen ap pok omanogo inoba mel isikhe: ”Wene yagahisagain yi futfeni o. Ap inoare mene a'nogo nen he, an nebe noasuagaluk ap ekhe lakfei wagama weri'lago o. Ma re, ap andi ebe waga halok, ebe kwi wesinogo nen he, kwe huthagubo. A'nogo wesumo nen, at ombo'ne re, raja ebe wesigin o,” iluk yagaisasikhe.
”Nebukadnezar raja Babel mene a'nogo agoromi sikhe fisogo inap he, nit ninawi kota yiba labesi wagaikhanggere, Tuhan nen nit faget ninggi'nogo hilingi'ni iluk yaganisoagen kino yagasin o. Tuhan nen nit faget elalin mene ekhe hilingitik, nen at Nebukadnezar agoromi inom mugusogo inambotkwe lakfisigik, hilingisin iluk kino yagaom o,” iluk lakfei waga.
Piblisite