YEHEZKIEL 2:2 - Allah Wene Fano Wene Hupla Inane

² A'nogo yaganetemo nesanggo holhu kwelek aremnogoat, Allah Areagun nendawimo peterogo kwikhesik he, nebe nomamet nobagaikhe. Andi nen ane ekhe inomat an noba mel yaganetunem nesanggo holhiat:

YEHEZKIEL 2:2 Referans Kwoze

YEHEZKIEL 3:24

oba nen Allah Areagun an nendawimo peterogo kwikhesik nendawinggen hambuget nobagaikhesik he, Tuhan ane an noba mel ikhe, ”Sugulogo hambotkwe lambik he, hailoba kwe yagarogo kwimbik alokhogo logoino o.

YEHEZKIEL 3:12

A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

WAHYU 11:11

Inenggi henagan oba re a'nogo hilingiti logombik, inenggi ekhe linggene a'nogo hilingitu were'ma, Allah Areagun inelugerinaferek mene a'nogo it ap pire andem inendawimo kugunem ineluget fisamo menlasumore, afuni mondogat ineilenggen isambik he, inailo hokhorogo asugun o.

DANIEL 8:18

A'nogo aren an yaganetu kwelek aremnogo re an nafe mote. Oba nen aren an lebetniikhi logolik nenggi senegeisogo nambotkwe mennobagaikhe. A'nogo menlagimo aren ikhi logolik,

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

HAKIM–HAKIM 13:25

A'nogo werek kwelek, at ebe afuni inunggulenu Dan mene inaiba tenda meneba salogo o kota Zora honggolek, Esytaol honggolek, tulem andoma were'ma, At Tuhan Areagun nen omalik a'nogo omamet fikhi lagaikhe.

YEHEZKIEL 11:5

Andi nen Tuhan Areagun an noba asi wagama, Tuhan nen againafuri Israel mene omanogo inoba wene yagaisa loageluk an mimingnafi logolik, ”Yago hinunggulenu Israel mene yi re, hiren isigip mene inom melalogo fesigip mene inom andoma re An he mondogat nelu welagi o.

YEHEZKIEL 24:3

An Tuhan nen walhigik wene ekhe it An nagainafuri nane sagali'lagwi mene yi yagaisanogen iluk foukhogo fisogo welagi. Waruk isatungge elema i keralogo fuluk endu amboloba hutfeino.