YEHEZKIEL 19:3 - Allah Wene Fano Wene Hupla Inane

³ Eak misik ekhe re enogo fikheresik, Paik watu mene faget milil melalhogo ambisang huniterek. A'nogo hilingfugunem at a'nogo singa hokho mene agaresik paik senggelhik ap nunggu mene agik ikherek.

YEHEZKIEL 19:3 Referans Kwoze

YEHEZKIEL 22:25

It inogogwi kaindek ferinarek welagaikharek inaben he mene singa nen paik senggelfuluk ane kouwaterek higit hilingiri'lagwi. Iren he afuni mondogat inoa'luk he it inangge inelokhoma agarek mene omanogo hogoukhogo helaluk wagaikharek andiba re, hemi sogwe hokhorogo sogwe mene nek agaikharesik werek andi.

YEHEZKIEL 19:6

Singa eak a'nogo ebe agaresik he, singa fena amu mene inom, kilik makfuluk nikherek. Aren paik heratu mene yanggulheresik, afuni senggelinafu mene ogo agaregat.

ULANGAN 33:22

A'nogo isikhesik, it afuni inunggulenu Dan mene faget Allah mel yagatikhe: ”It afuni inunggulenu Dan mene inobabut he, mene singa ket souge mene nen leget esia'le harogo wagarek andi hak, o Basan nen wulibi waga logouwago,” iluk isikhe.

2 RAJA-RAJA 23:34

A'nogo yagaisasikhesik he, at raja Nekho nen he hun Yosia amlogo enu Elyakim a'nogo afuni Yehuda mene inobaget inoe raja menfesukwasik enu Elyakim a'nogo agamhogo re, Yoyakim salhukwa. Nen, at Yoahas a'nogo hele warogo waluk o Mesir lagaukwama andoma nen wa'lagaikhe.

YEHEZKIEL 19:2

Hagaisa re mene singa holou mene hak along-palonghogo hilingik logolik, wesarogo hilingik welagarek, Aren he, eagwi inebe kulinafi logolik singa ket souge mene omanogo inanggele'ma nen sougerinaferek,

YEHEZKIEL 19:4

Yi afuni ti afuni inunggulenu lombok omanogo nen at abok holiluk he ebe fakfogoin iluk andogetarek. At ebe pogole habuli'mo ubukhogo pelak fuluk hele warogo fagarek, andi nen kwaliok oba salukhogo lisogo liabi we'luk ebe waluk o Mesir lagaikharek.

YEHEZKIEL 32:2

Tuhan ane an noba yi'nogo ikhe: Afuni wa'lagaikharek mene yi re, haren ap raja Mesir mene andiba hane omamerogo wenggeluageluk yagaom. An nen wene at obaget ikhi lagi mene yi yaga'no, ”Hat he mene singa ket souge mene hangge it inunggulenu amu mene inanggelekwe andoma nikhi lagen, oba nen hat he buaya i elema nen fesi sogophogo i eil kulabeterek higit hilingiti lagen nen, heisogen he i mondogat weagerogo fikhi lagen.

ZAKHARIA 11:3

It inomame werek inap omanogo re inenggi omameba hilinginafi lagaikha mene a'nogo mondogat lek agama, le ari'lagwi a'li holini o! I Yordan som mene singa inebe welagaikharekwe omanogo re, mondogat weak agama inane kouwari'lagwi a'li holini.