YEHEZKIEL 19:2 - Allah Wene Fano Wene Hupla Inane

² Hagaisa re mene singa holou mene hak along-palonghogo hilingik logolik, wesarogo hilingik welagarek, Aren he, eagwi inebe kulinafi logolik singa ket souge mene omanogo inanggele'ma nen sougerinaferek,

YEHEZKIEL 19:2 Referans Kwoze

ZAKHARIA 11:3

It inomame werek inap omanogo re inenggi omameba hilinginafi lagaikha mene a'nogo mondogat lek agama, le ari'lagwi a'li holini o! I Yordan som mene singa inebe welagaikharekwe omanogo re, mondogat weak agama inane kouwari'lagwi a'li holini.

YESAYA 5:29

It mene inagoromi tentara re mene singa nen at ninggeregengge ket senggelfakhaluk ane kouwaterek hak hilingiti logolik he mondok felelenghogo helaluk nanimuk ilagunem he aben ogo ekhe fakfou re elo'lek.

MAZMUR 58:6

ap hareise mondok hibilik hebelek inap omanogo inane ogo, athe it heinogenggeba hakhogo weneane mati logolik agarek mene ogore inane esanggo holherek lek a'nogo hak werek.

AYUB 4:11

A'nogo hilingfisugunem, it andi mene olomene enda'ma mene a'nogo ambe nunggu mene legen ebe wa'lagarek andi hak, ebe wa'lagunem he, inagainafuri heise mondok pugulogo longgo agarek andi.

ULANGAN 33:22

A'nogo isikhesik, it afuni inunggulenu Dan mene faget Allah mel yagatikhe: ”It afuni inunggulenu Dan mene inobabut he, mene singa ket souge mene nen leget esia'le harogo wagarek andi hak, o Basan nen wulibi waga logouwago,” iluk isikhe.

YEHEZKIEL 19:1

Allah nen an mimingnafi logolik, le wuni yi ap raja Israel mene inebe pire aremnogo inobaget wulabuageluk yaganete:

YEHEZKIEL 19:3

Eak misik ekhe re enogo fikheresik, Paik watu mene faget milil melalhogo ambisang huniterek. A'nogo hilingfugunem at a'nogo singa hokho mene agaresik paik senggelhik ap nunggu mene agik ikherek.

YEHEZKIEL 32:2

Tuhan ane an noba yi'nogo ikhe: Afuni wa'lagaikharek mene yi re, haren ap raja Mesir mene andiba hane omamerogo wenggeluageluk yagaom. An nen wene at obaget ikhi lagi mene yi yaga'no, ”Hat he mene singa ket souge mene hangge it inunggulenu amu mene inanggelekwe andoma nikhi lagen, oba nen hat he buaya i elema nen fesi sogophogo i eil kulabeterek higit hilingiti lagen nen, heisogen he i mondogat weagerogo fikhi lagen.