YEHEZKIEL 19:1 - Allah Wene Fano Wene Hupla Inane

¹ Allah nen an mimingnafi logolik, le wuni yi ap raja Israel mene inebe pire aremnogo inobaget wulabuageluk yaganete:

YEHEZKIEL 19:1 Referans Kwoze

YEHEZKIEL 26:17

Andi nen he iren wuni afuni salinafi logolik agarek awuni hat hobaget yi'nogo ikhi logogun: Kota fogeratu mondok werek awi a'nogo mondogat wolelenggenhogo hilinglaga o! Kapal aren mene omanogo mondogat he i laut en felelengete. Afuni andoma attak he i laut oba andoma inomame hokho mene were'ma, it afuni i aikwe werek mene nen he inailorinafi lagaukwa inap.

YEHEZKIEL 19:14

Anggur oak andi re endu nen libunget hamo re, enggi inom, enggen inom he, mondogat wera'lasigin. Yogondak he e enggi andire omame lek were'ma tomuk kerajaan faget hilingisu re elo'lego. Iluk le wuni andi it afuni Israel mene nen up sagalfagal hikhi logolik wati logogun mene re andi.

YEHEZKIEL 2:10

Noba pisarogo lakfei wagasik, funggulhunem kwelakhigi re, abel fena-fena wene ebe re, le asugun mene inom, Eige, nabire, iluk ikhi logogun mene inom, heinet wati logolik inane kweti logogun mene inom, palek were'ma higi.

2 RAJA-RAJA 24:12

Wagaikhemo, ap Yoyakin ebe inom, agaisa inom, againafuri inom, agoromi tentara inogogwi kaindek inom, agoromi at aiba lebethikhi lagaukwa mene inom, mondogat at Nebukadnezar oba wulibi wagaukwasik he, nit elo'lego. Hat henggiba logogun, iluk yagatukwama, at Yoyakin ebe enggi hele watikhe. A'nogo hilingitikhe andem sambul he, at Nebukadnezar afuni Babel mene inoe raja 8 tahun ferinarek were'ma hilinglagaikhe andi.

2 RAJA-RAJA 23:34

A'nogo yagaisasikhesik he, at raja Nekho nen he hun Yosia amlogo enu Elyakim a'nogo afuni Yehuda mene inobaget inoe raja menfesukwasik enu Elyakim a'nogo agamhogo re, Yoyakim salhukwa. Nen, at Yoahas a'nogo hele warogo waluk o Mesir lagaukwama andoma nen wa'lagaikhe.

YEHEZKIEL 32:18

”Afuni wa'lagaikharek mene yi re, afuni Mesir mene inobaget fong wasin o. It andi re kweangma afuni wa'la'luk lagaikharek oba andoma afuni inunggulenu amukwe mene inomame mondok hokho mene andoma inom seberogo lakfisano.

YEHEZKIEL 32:16

Ebeti logouwageluk, mondok omamerogo igi mene yi re, wuni sinurek awuni wulafi logogun. Hemi inunggulenu ekhe mene-ekhe mene amu mene nen wuni andi Mesir inom afuni andoma werek mene inom inobaget fong warogo sinurek awuni ikhi logogun. Iluk An Tuhan Lego Mondok welagirek mene nen nane mondogat igi,” ikhe.

YEHEZKIEL 27:32

Andi nen iren wuni ap warek salhi logolik agarek awuni ikhi logolik, yi'nogo ugun, ”Tirus yogondak hat he i laut oba nen hane mondogat lek agama re sa hinom ilirengget habu hak?

RATAPAN 5:12

Nit ninogogwi kaindek omanogo re aben fakfisagasik he e ba porogo fisaga, ap yaman agaikha mene omanogo re afuni nen ekhe agaugwet fisili'lagwi lek.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

YEREMIA 24:8

Oba nen he hun Zedekia raja o Yehuda ba werek mene andi inom, ap yabu legoma hilingiri'lagwi inap at ebe inom horokhogo hilingik inap andoma inom, nen afuni Yerusalem mene fena o yoma logoligen o Mesir o kuluk logoin mene inom he, An nen e ara enggen fili mene, na mondok elo'lek oma higit hilingfisagain o, iluk An Tuhan nane mondogat igi,” isikhe.

YEREMIA 24:1

Linggene ekhe sambul at Yoyakhin hun Yoyakim amlogo afuni Yehuda mene inobaget inoe raja welagaikhe mene a'nogo inom, ap pemerintah Yehuda mene inobaget yabu legoma hilingitarek inap omanogo inom, yi mene ti mene elalharek inelu inap omanogo inom, yabu hilingitu inelu inap omanogo inom he, raja Babel mene Nebukadnezar a'nogo nen o Yerusalem en hele warogo o Babel woginarek lagaukwasik were'ma nen, Tuhan nen inabikanggo wokhagarek hak ekhe weinamet fikhe. Weinamet fikhemo hugunemen he si ugu pire meneba re e ara enggen kwalogo o Tuhan awi wuri'mo elokhoma omanogo were'ma higi.

YEREMIA 22:30

Tuhan nen he yi'nogo ikhe, ”Ap andi againafuri re mondogat longgo igik, nen aren hilingitu mene re ambisangma fano mene ekhe agi'lek logogin iluk anggomo palek werek hilingi'mo re, aren tagomangge ambisangma mene andoma re o Yehudaba yoma raja Daud ambisangma mene iluk ferinarek logolik logogun mondok legaro. Iluk An Tuhan nen nane mondogat igi,” iluk ikhe o igi.

YEREMIA 22:28

A'nogo ikhemo an Yeremia nen ikhi logolik, ”Yago, hun Yoyakin andi re iwak halok ugunem hugisagarek andi hak agama re inendawirasugun lek nogo a? Ero andiba at inom againafuri inom o kweang inonggotma andoma hugisa logoin nogo a?”

YEREMIA 9:10

A'nogo ikhemo an Yeremia nen ikhi logolik, ”An he engga o leikwe inom, tomkwe andoma inom mondogat pukliok ikhe, nen afuni ogo andoma kwe lagaikharek legat, andem faget an he le agik, fong watik, hilingiti lagi o. Wam tatharek mene inom, nen ekhe amu mene inom he mondogat longgo agama, inareng tiring tereng ikhe andi faget he le aga lagi o.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

2 TAWARIKH 36:10

Tahun ket mene kugu kwelek he, at raja Nebukadnezar en he Yoyakhin a'nogo hele warogo waluk o Babel laga logolik he, o Tuhan Awi wuri'mo yi mene ti mene onggo mondok hokho mene welagaikhe mene omanogo inom mondogat waluk lagaikhe. At Nebukadnezar en he Zedekia Yoyakhin oe a'nogo it afuni Yehuda mene inom, Yerusalem mene inom, inobaget raja menfesikhe.

2 TAWARIKH 36:6

A'nogo hilingitunem he at raja Babel mene Nebukadnezar a'nogo o it afuni Yehuda mene were'ma omanogo mikha kwi wagaikhesik he, at Yoyakim a'nogo enggi hele warogo waluk he o Babel lagaikhe.

2 TAWARIKH 36:3

Ap raja Mesir mene Nekho a'nogo nen he Yoahas ebe fakfesikhesik, hele warogo waluk o Mesir lagaikhesik he it afuni Yehuda mene omanogo ogore at oba onggo perak mene enggin 3.400 kilogram hilingik engge inom, nen emas mene enggin 34 kilogram en hilingik engge inom, fouwageluk yagaisasikhe. A'nogo yagaisasikhesik he, aren he hun Yoahas agailak Elyakim a'nogo enu agamhogo Yoyakim salogo re, at ebe raja logouwageluk menfesikhe. Nen, at Yoahas re' hele warogo waluk o Mesir lagaikhe.

2 TAWARIKH 35:25

At Yosia wa'lagaikhe mene andi faget he nabi Yeremia nen le wuni misik ekhe felalhikhe mo re, yogondak huli nen he wuni andi at Yosia wa'lagaikhe wuni a'nogo faget ebetu sambul he ap inom, hemi inom, it afuni Israel mene andoma wuni wulafarek inaben wuni andi wulafu mondok werek. Wuni andi re iren buku le wuni andogorogo palogo fesukwa mene a'nogoba kwelakfesukwama werek.

YEHEZKIEL 19:2

Hagaisa re mene singa holou mene hak along-palonghogo hilingik logolik, wesarogo hilingik welagarek, Aren he, eagwi inebe kulinafi logolik singa ket souge mene omanogo inanggele'ma nen sougerinaferek,

YEHEZKIEL 28:12

”Afuni wa'lagaikharek mene yi re, raja Tirus mene faget le aga logoin o. An Tuhan Lego Mondok welagirek mene a'nogo nen at faget ikhi logolik, ”Hat he afuni mondok fanorogo welagaikharek mene faget ilirengge agagin o, attak hat hebe re mondogat hebelek logolik mondok pigin pugunsek mene welagagin!

YEHEZKIEL 32:2

Tuhan ane an noba yi'nogo ikhe: Afuni wa'lagaikharek mene yi re, haren ap raja Mesir mene andiba hane omamerogo wenggeluageluk yagaom. An nen wene at obaget ikhi lagi mene yi yaga'no, ”Hat he mene singa ket souge mene hangge it inunggulenu amu mene inanggelekwe andoma nikhi lagen, oba nen hat he buaya i elema nen fesi sogophogo i eil kulabeterek higit hilingiti lagen nen, heisogen he i mondogat weagerogo fikhi lagen.

AMOS 5:1

Hit afuni Israel mene yi. An nen hit hinobaget le wuni misik ekhe wasigin mene yi hinesanggo fanorogo holini o: