YEHEZKIEL 13:5 - Allah Wene Fano Wene Hupla Inane

⁵ Iren inawi inebe welagaikharekwe leget pa'leget waganek mene langgukhigik laga mene omanogo kagalek welagi'lek, nen leget pak mene omanogo obali'mo pugunhogo wokhigi'legat hilingiri'lagwi. Andiba re linggene An Tuhan nen it inoba unggum fei wesimbik weim liabigin sambul andi re it Israel mene hambuget haluk logou re elo'lek asigin.

YEHEZKIEL 13:5 Referans Kwoze

YEHEZKIEL 22:30

It ap Israel mene inanggele'ma nen ap leget pa'leget wanu higit mene inom, nen An nanini hanghogo leget pak waganek mene wolelenggen isagain iluk hilingitunem, o kweang andi ili waganogo leget pak mene meisalekwe omanogo mendek werek mene inom, ekhe werek hea iluk An nen herati lagiba nen nelokhoma ekhe ari'lago lek.

YESAYA 58:12

Kota endam mene mondogat meisalogo pikhe mene andi re hiren ubule ket mene warogo amboloba nekhengge wusugun. Hit faget he, ”Inunggulenu leget pa'leget nekhengge wanhik, o molulukhogo pikhe mene omanogo halogo wutik, hilingita inabo,” iluk ikhi logogun o isikhe.

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

YEREMIA 23:22

Iren ambi An nendawimo fisogo welagi mene andoma inelu logoumo nen he, iren An nagainafuri inoba wene An nen ikhi lagi mene andoma yagaisikhi logoilep. Nen An nagainafuri inobabut weak hilingitik, inobaharo welagik, agarek mene andoma inobabut hebelilep.

YESAYA 13:9

O Tuhan awi wei igin sambul andi re Tuhan anini a'nogo inoba kweisalogo foumo re, kweangma yi mene ti mene mondogat leget fisambik, afuni inebe lombok weak hilingitu onggo ineiloak leget fisagainat.

YESAYA 13:6

Tuhan Omame Mondok Hokho mene Awi leget fisagain sambul a'nogo arat horogasi wagama andi nen he le aga logoni.

WAHYU 16:14

Munggwarengge andi inebe re, Iblis agoromi mene afuni inoba louk i wagunem hilingisu lek mene elalin hilingitarek mene a'nogo aro. It a'nogo wulibi wagaikhasik he, Allah omame hokho yi mene ti mene hilingisu higit enek a'nogo awi wei igin andiba weim inom yabuogeluk, ap inenupogot yi awi ti awi andogerinabuogeluk, weim yonggo laga lagaikha isigi.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

MALEAKHI 4:5

Oba nen he linggene elalin awi An nen enogo fesigi mene andi oan wagi'lek werek kwelek he, An nen hit hinoba Allah ane yagahisikhi lagaikhe mene nabi Elia a'nogo lakfei wesigin.

YOEL 3:14

An Tuhan nawi tegelinabigin oba a'nogo weak-weagat asigiluk werek andi nen he, afuni inebe mondok hokhorogo inenggi wenasu elo'lek mene o wene inoba figik, kotik igin oba werego.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.

YEHEZKIEL 7:19

Emas inom perak inom he alalengge ebekhe kwe hugisagarek andi hak hugisamo logogin. Andi re linggene Tuhan nen mene anini inoba fisagain sambul andi re, it inangge emas, perak andoma nen inagap telinabigin lek, agaumhogo re it inonggwarek inaweak oba monogoisogo kwelakfisogoin. Iren he ina'mage lagaikherek mene omanogoba inoba homot fakhogoin iluk inom, nen inalabut ninghogo nogoin iluk inom, helogoin lek.

YEREMIA 27:18

Nen, it andoma eberogo nabi werek halok, nen wene Aren yaganisikhemo ugu halok he, iren An kino yaganeti logolik yi mene ti mene An nailokwe inom, raja ebe were'ma inom, andoma o Yerusalem en waluk Babel logoin lek iluk he An Tuhan Nomame Mondok Hokho welagirek mene a'nogo noba yagane'lebo.

MALEAKHI 1:9

Andi nen he, hit ap Allah eisewerek mene yi. Yogondak hit Allah oba yagatunem, Aren endawi hundik hilinghinabuakhogo re walhani o. Hit hinonggwarek weak oba hiren samban At oba yagasugun mene onggo yagaisagain lek a'naga.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

YESAYA 34:8

O andi sambul Tuhan nen Sion ili wanhi logolik, aselei mene inoba a'mage werek mene a'nogo onggo inoasigin mene re a'nogo andi.

YESAYA 27:4

Engga ogo athe alok-alogengge mene ogo werek halok mene ogore, An nen wene ugu aplere nabiro, An nen he warogo taiget fuluk mondogat endumo nolhi logogin.

YESAYA 2:12

Linggene andi sambul he, Tuhan Mondok Omame werek mene a'nogo nen he, ap inonggwaregen leget fagarek mene andi sebelfisigik, afuni winik wonok agarek mene inom, legeisogo fakhagarek mene inom he, unggum wogisigik, igin.

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.

YEHEZKIEL 13:4

Israel mene yi sani, hit mene nabi andoma re we alomarogo hangge werek, it he mene olomene serigala o kota halik halokhogo hilingik kwe welagarek higit werek.