YEHEZKIEL 13:3 - Allah Wene Fano Wene Hupla Inane

³ Tuhan Lego Mondok welagarek mene a'nogo nen ikhi logolik, ”Nabi kembu mene andoma re alomat lakhowak! Iren menenei ebetaresigen he amurogo ekhe hogosik igik, inabikanggo wokhagaresigen he ineranhogo wene igik, ili'lagwi.

YEHEZKIEL 13:3 Referans Kwoze

RATAPAN 2:14

It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.

HOSEA 9:7

Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.

YEHEZKIEL 34:2

Afuni wa'lagaikharek mene yi re, haren ap raja Israel faget werek mene wenagisaluk he An Tuhan Lego Mondok welagirek mene nen it inoba ikhi lagi mene yi yagaisan o, ”Hit gembala Israel mene inobaget welagep mene andoma re alomat lakhikhi logoni o. Hiren he domba inobaget wenggelhi'legengge we hit hinonggwarek mene faget enek wenggelhi lagep.

YEREMIA 23:1

Tuhan Allah Israel mene ineisena a'nogo nen ikhi logolik, ”Hit afuni ferinarek welagep hinaben An nagainafuri weagerinafik, nalek falek hilingfisigik ikhi lagep mene andoma re alomat lakhikhi logoni o! Hiren he An nagainafuri andoma fanorogo halinafi'lek, we yugunat linggi longgo uageluk herak fisikhi lagebo. A'nogo hilingiti lagep andiba re yogondak he hiren hinaniniba hilingiti lagep mene andi faget An nen unggum wokhisagain o.

AMSAL 15:14

Ap hebelek mene re nelu asuageluk heraterek, ap kembu mene re aren kembu-kembu aple omanogo faget asengsenghogo hilingitu welagarek.

1 TIMOTIUS 6:4

It andi nen he, wene ebe inonggot meneat he, inonggwarek fogerakhikhi logolik afuni ekhe inawene mene faget inane sagalhik, wene hokhorogo palhik, ikhi logouwogeluk, inabit aga logogun mene esinet fili'lagwi andi nen, wurep oba re, afuni ekhe inendawinggen lek agunem ebe wene inonggot a'luk, it-it inom wene palhik, pou igik, ineranenat inabok weak palhik, inendawimo nen tulemat wene weak mene it ekhe inoba figik, yei-yei wene-wene palfigi'lek ugu mondok welagaikharek andi. A'nogo hilingiti logolik inendawimo nen he: ”Nit Allah awe a'ma kuluk hilingiti lago andiba, ninenggi werek asugun,” iluk, eberogoat iluk anggili'lagwi andi.

1 KORINTUS 9:16

Fano wene yagaisilik nigirek andi re, yagaisagain meneat yagaisilik nigirek andi nen he, fogerakhagain mondok lego. Yagaisigi'lek kamo umo re, eige. Nonggwarek nebe weaget lagi hanogo o.

LUKAS 11:52

Halok he, hit ap Allah ane lisu palek yagaisikhi lagep mene yi, oloba kwe hurogo kuogeluk walhagarek hak, it afuni ekhe yi wene ti wene inelu asuogeluk walhugunem, hiren kunci telaluk fisogo logolik hinonggwarek hinelu asuogeluk yanggulhi'lek logolik, it ekhe yangguluogeluk ugunem, hiren he: Yanggulugun lego, iluk wenagisikhi lagep andi nen Allah nen weaget hinabigin o,” iluk a'nogo yagaisaluk he,

LUKAS 11:40

Eige! Hit andi hinebe kembu hilingiti lagep. Ninagap endakwe hilingisogo ninobagasikhe mene nenat, ninendawimo hilingisogo ninobagasikhe lek nogo? At Allah nenat hilingisogo ninobagasikhe anggigi.

ZAKHARIA 11:15

Andi nen Tuhan nen an noba yaganeti logolik, ”Hat hebe nekhengge gembala welagaikharek hak hilingla'luk logoin o, oba nen yogondak andi re, gembala weak mene hakhogo hilingla'no.

YEHEZKIEL 13:18

a'nogo hilingisimbik he An Tuhan Lego Mondok welagi mene a'nogo nen ikhi lagi mene yi it inoba yagaisano: ”Hit he alomat lakhouwogeluk welagebo! Hiren he afuni inebe mondogat yenggerugwi inom inaluendek inom inoba harane ikfisaluk inendawinggen wanuogeluk yanggwik inenggi bene kelfisigik, inunggulasu harasu igisogo inunggul kwe puget fisigik ugunem iren afuni amu mene inomame a'ma sebelinarek logouwageluk hilingiti lagep. Hiren he An nagainafuri andoma inebe ineluk were'ma inom, wa'lagunem inom, hit hinawe a'ma logouwageluk hilingiti lagep, nen hit hinalongen hilingiti lagep mene andiba re hit hinonggwarek hinenggi werek asugun iluk hilingiti lagep.

AMSAL 15:2

Ap hebelek mene nen he ane ugunem afuni nen futfikhi logolik inagaiyek agarek, oba nen ap ekhe kembu mene nen ane ikherek mene re kembu-kembu aple nek ikherek.

2 TIMOTIUS 3:9

It Yanes inom, Yambres inom, weak hilingitukwama, it ekhe nen, ”Inendawinggen lek,” iluk enegat futfesukwa hak, it andi a'nogoat inendawinggen lek hilingiri'lagwi iluk, afuni mondogaren inobabut enegat palumo re, it inane andi ebe asigin lego.

YEREMIA 23:16

Afuni o Yerusalem werek mene inoba re Tuhan Omame Mondok Hokho mene a'nogo nen ane ikhi logolik, ”Hiren he it nabi nen yi'nogo ti'nogo iluk yagahisagarek mene andoma inane holu fugo. Iren ili'lagwi mene andoma re An nen ini iluk igirek mene re fuk, oba nen he, it he inonggwarek inendawimo nen wenggelogo ili'lagwi.

YEREMIA 28:15

Andoma mondogat he an nen Hananya ba yagatigisik ekhe inomat yagati logolik, ”Hananya ahwi, hat hesanggo holin! Tuhan nen he hat lakhobagai waga fugo. Haren he ap inunggulenu yi inoba heranhogo wene yagaisugu mene omanogo eberogo anggoageluk hilingiten o.

YEHEZKIEL 13:4

Israel mene yi sani, hit mene nabi andoma re we alomarogo hangge werek, it he mene olomene serigala o kota halik halokhogo hilingik kwe welagarek higit werek.

YEREMIA 23:9

An nen it nabi faget wene ikhi lagi mene re yi: An nen noak leigeti logolik nendawimo warikhi lagi o. Tuhan ebe inom At ane mondok horek mene andoma inomen he, an nebe ap anggur agai hinago hokhorogo naluk lugu lugwi palharek mene hakhogo a'luk welagi o.