YEHEZKIEL 13:2 - Allah Wene Fano Wene Hupla Inane

² ”Afuni wa'lagaikharek mene yi re, nabi Israel mene andoma inane nen lalogo hobuk hilinglasigin mene yagahisikhi lago iluk ineranen wene agarek mene andoma inoba wenagisan o. Iren An nane ikhi lagi mene andoma holuageluk yagaisano,” iluk yaganete.

YEHEZKIEL 13:2 Referans Kwoze

YEHEZKIEL 13:17

Tuhan nen ikhi logolik, ”Afuni wa'lagaikharek mene yi re, yogondak hat he afuni hat hunggulenu mene inanggelekwe andoma mene nen nit he nabiage hemi welago iluk hilingitarek mene andoma heilenggen woginabimbik he wenagisan o,

YEREMIA 37:19

Neisena haren mene nabi nen ikhi logolik raja Babel mene nen he o yoma pin talogo kwi wagik, neisena hat hebe fakhobagagik ugun lego, iluk ikhi lagaikha mene omanogo koma werek?

YEHEZKIEL 22:28

It nabi nen he weak andoma hinago logolik were'ma re, afuni nen o hobat ebene sinduk werek kwelek timeng tamulharek hak hilingiri'lagwi. Iren inabikanggo wokhagarek hak hikhi lago iluk agarek mene andoma re ineranhogo wene ili'lagwi. Iren ikhi logolik wene yi'nogo ti'nogo iluk ili'lagwi mene andoma re, Tuhan Lego Mondok welagarek mene a'nogo nen uageluk yaganisikhe mene ikhi lago, iluk ili'lagwi oba nen he andi re mondogat ineranhogo, An nen it ninom ninane mati lago lek oba nen.

YEHEZKIEL 22:25

It inogogwi kaindek ferinarek welagaikharek inaben he mene singa nen paik senggelfuluk ane kouwaterek higit hilingiri'lagwi. Iren he afuni mondogat inoa'luk he it inangge inelokhoma agarek mene omanogo hogoukhogo helaluk wagaikharek andiba re, hemi sogwe hokhorogo sogwe mene nek agaikharesik werek andi.

YESAYA 9:15

Afuni andoma inogogwi ferinarek welagaikharek mene nen he, it inunggulenu andi mene inendawinggen nong-hong isigik wene weak mene yagaisigik, hilingiri'lagwi.

YESAYA 1:10

Hit Yerusalem mene hinogogwi fethinarek mene hinom he afuni o Sodom Gomora mene inobabut wanhigipsik welagebo. Nineisena Tuhan en wene yagahisikherek mene andi furogo holfuluk he nit nineisena Allah nen wene yaga hisikherek mene andi fanorogo wanhi logoni o.

ZEFANYA 3:4

It nabi re yabu iren hilingitarek hakhogo hilingiri'lagwi lek, nen, it inane eberogo mene ili'lagwi iluk angga lek hak, nen it imam mene re Tuhan obaget enogo fugu mene omanogo emetfuluk he, it inonggwarek sumburogo helugu mene faget Allah wene melalek omanogo agaum-fagaum isagarek inap werek.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MIKHA 3:6

”Hiren a'nogo hilingiti lagep andi nen he, hit hinobaget mo yaterek mene andi re mondogat ubuk igin o. Nen, a'nogo ubuk ugunem he o mum agik, nen An nendawimo anggigirek mene omanogo inabikanggo wokhagarek hak oba higi'legat welagik, nen hit hinafe nonghong umo hiren yi'nogo ti'nogo iluk ekhe ugun mondok lego,” iluk ikhe isikhe.

YEHEZKIEL 34:9

Enggere hit ap gembala-gembala yoma hinesanggo fanorogo holini.

YEHEZKIEL 34:7

Andi nen he hit gembala-gembala yoma sani, An Tuhan Lego Mondok welagi mene a'nogo nen hit hinoba ikhi lagi mene yi holini o:

YEHEZKIEL 13:3

Tuhan Lego Mondok welagarek mene a'nogo nen ikhi logolik, ”Nabi kembu mene andoma re alomat lakhowak! Iren menenei ebetaresigen he amurogo ekhe hogosik igik, inabikanggo wokhagaresigen he ineranhogo wene igik, ili'lagwi.

RATAPAN 4:13

Oba nen it ap imam inom nabi inom inaweak oba re andi mene mondogat hilinglaga. Iren he ap weak hilingitu lek mene omanogo inoatama hilinglaga andi.

YEREMIA 27:18

Nen, it andoma eberogo nabi werek halok, nen wene Aren yaganisikhemo ugu halok he, iren An kino yaganeti logolik yi mene ti mene An nailokwe inom, raja ebe were'ma inom, andoma o Yerusalem en waluk Babel logoin lek iluk he An Tuhan Nomame Mondok Hokho welagirek mene a'nogo noba yagane'lebo.

YEREMIA 27:14

Ap nabi andoma nen hat neisena lalhafi logolik, raja Babel mene a'ma sebe u fugo iluk elele wokhafi logolik ili'lagwi mene andoma re inane holhu lego.

YEREMIA 8:10

A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

YESAYA 28:14

Hit afuni o Yerusalem oba ferinarek logolik puliarinafi lagep hinap yoma sani! Tuhan ane ikhe mene andi holini o!

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

YEHEZKIEL 13:1

Tuhan nen an noba yaganeti logolik,

YEHEZKIEL 16:35

Yerusalem yanani hilingirik nikhi lagen mene yi re, Tuhan Lego Mondok welagarek mene a'nogo nen ili'lago mene yi holin o, ”Hat hasu hebema mene nonggologore yanani hilingirik nikhi nogoigiluk hat hebe a'nogo it hendawinggen nunggu mene omanogo inom, haren mene tugwi kembu mondok ina'meilo mene a'nogo inom oba wogisegen. Hagainafuri re haren inebe warogo re tugwi kembu omanogo faget fisikhi lagen.