YEHEZKIEL 12:2 - Allah Wene Fano Wene Hupla Inane

² ”Afuni wa'lagaikharek mene yi re, hat hebere afuni unggulenu wene sagalhu mene inanggele'ma welagen. It andi re wene sagalhu mene faget inagaiyek logolik he, ineilenggen werek oba nen he kwelakhili'lagwi lek. Nen inesanggo werek oba nen he holi'lagwi legat andi.

YEHEZKIEL 12:2 Referans Kwoze

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

MAZMUR 78:40

O leimo andoma nen he iren At endawimo ou pou aple nek hilingfigik, At ane oak sagalogo nek hilingitik, hilingiti lagaukwa.

EFESUS 4:18

inendawimo mumat werek. Inendawinggen helep hangge abirengge nen he, fano wene inonggorat logolik, Allah nen afuni inelugerinaferek mene a'nogo inom hundik lek it ekhe mene welagaikharek andi.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

2 KORINTUS 3:14

Mene re, it andi inendawinggen nonget fesikhemo welagaukwa. Yogondak ogo re, Allah nen, ”Yi'nogo hilinghinabigin,” iluk wene inom watukwa mene lisu palek mene andi, iren enu salhunem he, inendawinggen wenggelagi'lek nong agaikhesik inendawimo kwe palek werek. A'nogo kwe palek mene andi, at Kristus inom hunetunem enek he, inendawinggen kwe palek mene andi elok hu'lagarek andi.

YOHANES 12:40

”At Allah nen he, it ineilenggen en furogo haluk, inendawimo ebetfuluk inobabut hebela'luk he, an nawe a'ma wagunem, an nen it fano hilinginafi hanogoluk, an nenat it ineilenggen mumet fisigik, endawimo puget fisigik isigi o,” iluk isikhemo, Yesaya nen lisu palogo fesikhemo werek andi.

YEREMIA 5:23

Oba nen hit he hinendawinggen omamerek logolik hundik-handik wene sagalhi lagep. Hiren he taganhogo hilingiti logolik An herak nobagegep.

YESAYA 65:2

An he nagainafuri woginabigin iluk hundik-hundik fouget fuluk welagiba nen he iren wene oak sagalugun mene nek inamolorogo hilingiri'lagwi. Unggulenu andi mene re wene kwanirek mene nek hilingiti logolik inendawimo nen anggaluk wene melalogo fagarek mene a'nogo murok lili'lagwi.

YESAYA 30:9

It andi re inunggulenu Allah ane sagalugun mene inagaiyek logolik he, ineranhogo wene lalinafik, Allah nen yagaisikherek mene furogo holhi'lek hilingitik, agarek inap.

YESAYA 30:1

Tuhan nen ikhi logolik, ”Afuni Yehuda mene ferinarek welagaikharek inap andi nen An nane oak sagali'lagwi mene andi re inebe alomat lakhoago. Iren he An nen hilingisigin iluk anggigirek mene omanogo hilingiti'lek he it inendawimo nen anggaluk hilingitik, nen iren An nendawimo angga lek hak mene omanogo inom inane misik seberogo ma'luk he inenggi amusu figik, hilingiri'lagwi andiba re it inaweak he kabok-kabogengge andogorogo liafi logolik werek andi.

LUKAS 8:10

at Yesus nen he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene andi, hit enek he, wene andi hinelu asubagaigeluk fakhogo yagahisagain iluk, anggasikhe meneat he, it afuni ekhe andi re, at Allah nen he, Ineilenggen hikhi logogun meneat he, furogo hikhi logogun lego. Nen, inesanggo holhi logogun meneat he, furogo futfikhi logogun legaro, iluk isikhe andi higit asuageluk wene andi oba lithigigat yagaisikhi lagi o,” iluk yagaisasikhe.

YEHEZKIEL 2:3

”Afuni wa'lagaikharek mene yi re, An nen hat hayonggo fembik, afuni Israel mene inobabut An nawe a'ma logou inabiren inombalagen hera'nobagaluk weak hilingiti lagaukwa andi hak, iren ogo a'nogo weak hilingitu mondok werek mene andi inoba lakhobagagin o.

YEHEZKIEL 44:6

Afuni Israel mene it inane sagali'lagwi andoma inoba yagaisano, An he Tuhan Lego Mondok welagi mene hilingik welagimo re it inebe emetlakhoageluk herakfugu aple andi re mondok nabit welagi.

YEHEZKIEL 24:3

An Tuhan nen walhigik wene ekhe it An nagainafuri nane sagali'lagwi mene yi yagaisanogen iluk foukhogo fisogo welagi. Waruk isatungge elema i keralogo fuluk endu amboloba hutfeino.

YEHEZKIEL 17:12

”Wene oak sagalharek inap andoma nen he henarogo wene andi fanorogo fut faga a, lega? Iluk heinok wogisan. It inoba yagaisikhi logolik, raja Babel mene re o Yerusalem arat kwi wagasik he raja Yehuda mene inom, ap o kota andiba yi kain ti kain omanogo inom, felelenghogo woginarek he o Babel laga ino.

YEHEZKIEL 3:9

Hat he An nen helep uk haroweak andi hakhogo inom, nen no intan wurik weak kengsek welagarek andi hakhogo inom hilingisogo hobagagin enggere, it wene sagalharek inap andi faget hailorinabu fugo,” iluk ikhe.

ULANGAN 31:27

It inobabut he, inungguloak mondok helep hangge logolik, ninabit iluk folim hibit fisagarek mene nek inamolo logogun andi, an nelu o. An nebe neluk welagiba re, Nineisena Tuhan ebe ninabit iluk, folim hibitukwa a'nogo. Andi nen he, an wa'lasumo ebenagaik hilingisugun aro.

ULANGAN 29:4

Oba nen he o yogondak huli yaba re hit a'nogo hogoin mene ebe yi'nogo faget hilinglaga iluk futfou re elo'lego.

ULANGAN 9:24

O attagaren an hit hinobabut nelu agaikhe huli nen enggere, hit he nineisena Tuhan ane sagalogo hilingitu mondok welagebo.

ULANGAN 9:7

Hiren o Mesir herakfuluk o leimo afuni inebe lekwe waga lagepsik, pikhit o yoma wagep huli nen, nineisena Tuhan Allah a'mage lagauwageluk hinom weim higit hilingirik wagep a'nogo hinendawimo ebe'ni o.

YEREMIA 4:17

nen o Yerusalem he ap yabu yagoma kagalek werek higit maserogo kwelabuogeluk werek. Andoma mondogat hilinglasigin andi re it inunggulenu Yehuda mene nen Tuhan ane sagalfuluk hilingiti lagaikha andiba hilinglasigin o. Iluk Tuhan ane mondogat ikhe.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

YESAYA 43:8

Allah nen a'nogo isikhesik, ekhe mel isikhe: ”Nagainafuri hineilenggen fano meneat he, hineil mum hangge welagep andoma inom, inesanggo fano meneat he, tagum mene hangge welagep andoma inom hinom seberogo An nelokhoma andogosi wesuagaluk yagaisani o.

YEHEZKIEL 12:1

Tuhan nen ekhe inom an noba yaganeti logolik yi'nogo ikhe,

YEHEZKIEL 12:25

An Tuhan Lego Mondok welagirek mene a'nogo nen hobuk unggulenu Israel meneba nane masigin, An nen mondogat igin mene andoma re higilogo fei lagi'legengge mondogat higirenek asigin. Yago hit afuni wene sagalhi lagep mene yi holini o! Hit hineluk logolik oba An nen hit hinendawinggen wenggelogo iluk yagahisasigi mene andoma higithogo hilingisigin. Iluk An Tuhan Lego Mondok welagirek mene a'nogo nane mondogat igi o,” ikhe.

ULANGAN 29:3

Nen At Tuhan nen enggin-fenggin mondok elo'lek mene hilingfisigik, elalin mene hilingitik, hilingisu elo'lek mene hilingitik, nikbolan mene hilingitik, hilingiti laga mene a'nogo hirogo hasigip aro.

2 RAJA-RAJA 17:14

Oba nen it Israel mene inom Yehuda mene inomen holhi lagaukwa mondok lek. Iren inombawi nen ineisena Tuhan Allahba eberogo anggigi'lek inendawinggen omamerek welagaukwa hakhogo re, iren ogo ariginik welagaukwa.

2 RAJA-RAJA 17:15

It Israel mene inom Yehuda mene inom he Tuhan en wene yi'nogo hilingi'no ti'nogo hilingi'no iluk yagaisasikhe mene omanogo hilingiti'lek, nen Tuhan nen wene it ineisugwi inom wat-wat agaukwa mene a'nogoba tiphogo welagi'lek hilingiti lagaukwa. It he Tuhan en a'nogo hilingusugun lek iluk komo wene yagaisugu mene a'nogo re fut figi'lek he, iren kembu weak mene omanogoba fogerati lagaukwaba it inebe inom weak arik laga lagaukwa. Tuhan nen a'nogo hilingisu fuk iluk yagaisikhi lagaikheba nen iren afuni inunggulenu amu mene it were'ma andoma maserogo welagaukwa mene nen hilingiti lagaukwa mene omanogo inobabut waganogo hilingiti lagaukwa.

YESAYA 44:18

Ibi-eberogo nen ap ariginik mene andoma re mondogat morue! It ineilenggen humunik logolik inendawinggen kwe yagarek were'ma re iren fut fili'lagwi lek.

YEREMIA 7:26

Oba nen he hiren ekhe hinesanggo holhik, fut-figik, ikhi lagep lek. It hinombawi re horok harek hak welagaukwaba nen hit enek he hinungguloak mondok haro logolik, hinanini mondok hokho welagep andi,” iluk ikhe isikhe.