YEHEZKIEL 11:3 - Allah Wene Fano Wene Hupla Inane

^3-4 Andi nen he, afuni wa'lagaikharek mene yi, An nen it inoba unggum wogisagain mene foukhogo figi mene yi re haren it inoba yagaisano. Andi re iren yi'nogo ili'lagwi mene andi faget, ”O yoma re ninenggi aninurogo welagi'legat ambotkwe obali'mo wusugun, o kota yi re i oak, nen nit he eino elonggoma kwalek mene welago. Nit ninebe waruk andi elema kwelabegengge endumo nol ninabumo nen he, ninagap elok telek logou hago iluk agarek andiba,” iluk ikhe.

YEHEZKIEL 11:3 Referans Kwoze

YEHEZKIEL 12:27

”Hat afuni wa'lagaikharek mene yi re, ap Israel mene nen ikhi logolik, haren habiba hikhi lagen mene inom, hobuk asigin mene iluk ikhi lagen mene andoma inom faget he eil uanhogo logombigen hobuk andoma nek he hilinglasigin o ili'lagwi.

YEHEZKIEL 12:22

”Hat afuni wa'lagaikharek mene yi re, ’It afuni Israel mene wene henarogo agarek mene andi nenahalok inagaiyegen ugu mondok welagaikharek nogo? Inenggi ekhe korok ekhe korok ili'lagoba nen, hobuk asigin mene iluk agarek mene omanogo re ekhe tip ili'logo lek omari! iluk agarek.

2 PETRUS 3:4

”Hinoe Enupogoren he, An hobuk wesigin, iluk wene wathisasikhe a'nogo ebe ki waga. Wagi'lek werek kwelek nineisenalak arat wa'lagaukwa meneat he, yi mene ti mene Allah nen omanggum walhasikhemo welagaikhe hagat etok mondok werek yi,” iluk inane asegen wokhisa wesugun o.

AMOS 6:5

Hiren he at Daud en hilingiti lagaikhe hak, wuni anggup hunogo mene felalogo gitar watik, no kecapi ba abologet fuluk watik, ugu aple nek hinagaiyek welagep.

YEHEZKIEL 7:7

Yago, hit afuni hinunggulenu kweang yiba welagep mene yoma, hit faget yi wene ti wene mondogat wurep oba asi waga. Yogondak he hiren o tomkwe nen mezbah oba warogo nolhi logolik hinagaiyegeti lagep mene omanogo ekhe werek lek, meneat he we inane nek sagal pagalhikhi logolik welagaikharek mene omanogo nek werek.

YESAYA 5:19

Hiren ikhi logolik, ”It afuni Israel mene ineisena Tuhan Allah Horek Mondok welagarek mene andi nen weak weakhogo nek hilingisuak! Nen, Aren hilingisigin iluk wenggelhe mene andoma hilingitunem he niren nineil higik, ninelu agik, ugun o,” iluk ikhi lagep.

2 RAJA-RAJA 4:38

Inenggi ekheba re o yi awi ti awi andoma sumburu ouwak lagasikhemo re at Elisa ambotkwe sugulogo o Gilgal wagaikhe. Wagaikhesik aren it ap nabi omanogo andogerinafikhesik yanggulinabigilik he at amingmingengge a'nogoba re belanga hokho mene waluk ap omanogo inobaget nunggu mene isaginabuageluk yagatikhe.

MIKHA 3:3

Hiren he it inagap sapuk-sapakhogo heligik, inoak wolelenggen tagalogo fisigik, nen wam palogo belanga elema kwelafarek hak it inebe kirigi-kurogo liakfuluk, afuni an nunggulenu mene andoma inebe ninggi lagep.