YEHEZKIEL 11:1 - Allah Wene Fano Wene Hupla Inane1 Andi hilingi'luk he an a'nogo Allah Areagun nen wo'narek Tuhan Awi wuri'mo kwe ambe timur fikhit folele'ma andoma nobagai laga. Oba nen he an neilenggen higi re, ap inebe 25 nen mene were'ma it inanggele'ma re, ap inunggulenu andi melalinafu mene ap inebe pire mene, hun Azur amlogo Yaazanya inom, hun Benaya amlogo Pelaca a'nogo inom welagaikha. Gade chapit la |
YEHEZKIEL 11:1
23 Referans Kwoze
A'nogo ikhemo an wene andi faget nane ugu kwelek aremnogo re, hun Pelaca a'nogo talorogo hulambetesik ebe pinggi wa'laga. A'nogo wa'lagama re an neindep awi yagaisogo sagaum etirik, hombuk palhi logolik, ”Eige Tuhan Lego Mondok welagen mene neisena, Israel mene abu'nengge werek mene ya re haren mondok inoasigin a?” iluk yagati.
A'nogo ikhesik an wo'narek Tuhan Awi wuri'mo senggelek mondok hore'ma kwagarek mene kwe ambeba horokhogo mezbah wurik mene nen hilingi'luk folelek ekhe hilingi'luk honggole'ma andem ap inebe dua puluh lima nen mene were'ma lagaikhe. It inebe re Tuhan awi mondok hore'ma a'nogo inambot wogotasik inelokhe mo liabi wagarek fikhit andoma logolik ineindep awi yagaisogo fogerati lagaikha.
Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.
Ap a'nogo nen an hondo'narek lagasik he senggelek tulem meneba andoma kwi laga, senggelek hokho mene Obalik Mondok Hore'ma a'nogo wo'narek laga. Lagasik, aren he o andoma abel elikwe yikwe inom tiang ninghogo liagaisogo wurik mene omanogo ilirengge walhikhe mene re fena-fana andoma uanhogo re tiga meter en hilingik welaga,
An neilenggen hugunemen he it kerub andoma re inogolabi langhogo kweangma herakfuluk tarogo lagunem he, eisok pirim etu mene omanogo ogore inomat laga lagaikha. A'nogo lagunem he it inebe kwe sou o Tuhan Awi wuri'mo kwi lagaikharek mene abel timur fikhit mene a'nogoba andoma alok ilagunem higi, nen ombak-bak etungge a'nogo re it inamboloba andoma mondok welaga.
Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.
Afuni Yehuda mene ap tentara inom, inogogwi kaindek mene inom, inenu re, ap Netanya amlogo Isimael andi inom, ap Kareah amlogo Yohanan andi inom, ap Tanhumet awi kota Netofa mene amlogo Seraya andi inom, ap Yazanya awi kota Maakha mene andi inom, ap Babel mene yagaisikhi logolik, ”Nit maben ago, hat henggiba logogun,” iluk igi'lek mene were'ma, afuni nen he, ”Nebukadnezar en he, ap Gedalya ebe gubernur logouwagaluk menfikhe,” iluk isukwama, inesanggo holhukwasik he, it inebe mondogat at Gedalya ebe o Mizpa were'ma oba andogotukwa.
A'nogo hai wati logolik mel yagatukwa: ”Nit ninebe 50 nen yi, ninomame hokho mene nek welago andi nen he, hat hoe Elia a'nogo Tuhan Areagun nen tom oba hea, athe kweang tonggoma hea, waluk lambik andoma herakfisamo logoinogo re herasi logoin o,” iluk yagatukwa. A'nogo yagatukwama, at Elisa nen he, ”Lagubo,” iluk yagaisasikhe.
An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.
Piblisite