YEHEZKIEL 10:6 - Allah Wene Fano Wene Hupla Inane

⁶ Tuhan nen ap asu linen su meneba laberek mene a'nogoba endu enggen kerub a'ma eisok pirim etungge honggole'ma omanogo nen wanuageluk mimingitemo re, ap a'nogo hukhogo lagasik eisok roda omanogo misik ekhe era'lu mendek welaga.

YEHEZKIEL 10:6 Referans Kwoze

YEHEZKIEL 10:2

Andi nen Allah ane ap asu linen su meneba laberek mene a'nogoba ikhi logolik, ”Hat hebe kerub a'ma kwimbik he eisok pirim etungge honggole'ma andoma nen endu enggen endebengge ekhe waganogo re, o kota andi bene telfol isilik lan o,” iluk ugunem higi. A'nogo yagatunem he ap a'nogo nen higithogo hilingitunem, an nen fut figi.

MAZMUR 99:1

Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.

MAZMUR 80:1

Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

YEHEZKIEL 10:5

Kerub andoma inogolabi lambun hugunem abolok he, Allah Omame Mondok Hokho mene a'nogo ane ugunem hangge o senggelek hokho mene a'nogo abel endakwe fikhiren holhi lagaikha.

YEHEZKIEL 10:7

A'nogo mendek were'ma re kerub omanogo mene misik ekhe enggi endu nonggwale'ma it inanggele'ma weregengge a'nogoba kwelakfikhesik, endu ambisang omanogo fena endebat ekhe waganogo ap su linen su mene laberek mene a'nogoba wogeti laga. A'nogo wogetemo re ap a'nogo nen wanhesik lagunem higi.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.