YEHEZKIEL 10:5 - Allah Wene Fano Wene Hupla Inane

⁵ Kerub andoma inogolabi lambun hugunem abolok he, Allah Omame Mondok Hokho mene a'nogo ane ugunem hangge o senggelek hokho mene a'nogo abel endakwe fikhiren holhi lagaikha.

YEHEZKIEL 10:5 Referans Kwoze

YEHEZKIEL 1:24

It ambi tarogo lagunem inogolabi abolok he, i hut ane tulungum eterek hak, nen, ap tentara esa hokho logalek mene lagunem ineisok abolok folongum-folongum ikherek hak igik, nen Allah Omame Mondok Hokho mene a'nogo ane ugunem hak igik, ugunem nesanggo holhi. Nen, it inebe tarogo lagi'lek alokhogo were'ma re, inogolabi yinggilogo welagaikha isigi.

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

2 TAWARIKH 4:9

At raja Salomo nen ogore it ap imam inobaget ambe elokhoma elonggo fikhit ekhe, endakwe fikhit ekhe hilingitikheat. Kwe sou ebe ambe pire andem oba ekhe hilingi'luk ekhe hilingi'luk welagaikhe mene andi re no perunggu ba to'morogo wutikhe.

1RAJA-RAJA 7:9

O wutikhe mene andi mondogat he, O senggelek ambe hokho mene a'nogoet engge, anduli tik watikhe meneba nen pikhit tum palhikhe huli andoma re helep mondok fano meneba nek wutikhe. Helep andoma ebe re tom helep mene serelogo hilingitarek oba omanogo nen ilirengge walhogo hilingitukwa. Nen helep andoma abel endakwe fikhit inom elonggokwe fikhit inom he gergaji ba pugunhogo palhigik hilingitukwa.

KELUARAN 19:19

Pinggong ane ilik-ilik elugun oba mondok hokhorogoat isikhe. Ugunem at Musa nen Allah yagatunem he, aren wene onggo unggunggu aneba yagatikhe.

KELUARAN 19:16

O inenggi henaganek mene weirogo hubet-habet he, unggunggu hokho mene ane pak igik, eilabut kulung higik hilingitikhe. A'nogo hilingiti logolik, ohena mumweak mene tom oba weinam agaikhesik he, pinggong ane hokho mene isikhe. A'nogo ugunem afuni hokhorogo o sabu wurikwe welagaukwa mene omanogo inesanggo holhukwasik he inailo hokho mene agaukwasik inoak lei'leik hilingitukwa.

YEHEZKIEL 46:21

Andi nen an wo'narek abel endakwe fikhit hu'lagaikharek oba andoma lagasik, unggut enggaminogo omanogo hoageluk yaganete. Yaganetemo higi mene re ebe lombok andoma re o ambe we mondok fem endep mene ilirengge walhogo uankwe re 20 meter en, horok fikhit he 15 meter en senggelhigik wurik welaga.

MAZMUR 77:17

Nineisena Allah, Hat hebe ineilenggen healuk he i re leigetik, i laut a'ma ma'lima inom mondogat leik waririm etik, ikhi lagaikhe.

MAZMUR 68:33

Hit o kerajaan ekhema-ekhema welagep mene nen he, Allah obaget wuniba fogerati logoni, At Tuhan obaget wuni anggup wulagaisogo ikhi logoni.

YESAYA 6:8

A'nogo yaganetunem Tuhan ane ugu mene an nen holhugunemen he, ”An nen ap sa ayonggo fembik lak fagain he. Nit ninane waluk lagu mene re ap sa asigin,” iluk ugunem an nesanggo holhirik an nen ikhi logolik, ”An nebe welagi yi o. Anat la'nobagain,” iluk igi.

YEHEZKIEL 10:6

Tuhan nen ap asu linen su meneba laberek mene a'nogoba endu enggen kerub a'ma eisok pirim etungge honggole'ma omanogo nen wanuageluk mimingitemo re, ap a'nogo hukhogo lagasik eisok roda omanogo misik ekhe era'lu mendek welaga.

YEHEZKIEL 40:17

Andi nen ap a'nogo nen Tuhan awi wuri'mo elonggoma nen solombon endakwe fikhit mene a'nogoba wo'narek wulife. O Tuhan awi wurik mene andi hobat era'lukwe maserogo omanogo re o senggelek 30 nen hulithigik wurik welaga. O solombonma andoma elokhe kwe re o hulu helep meneba talogo