YEHEZKIEL 1:10 - Allah Wene Fano Wene Hupla Inane10 Ineluk werek mene inebe 4 en aremnogo inebe lombok, inelokhe agaum-fagaumhogo welagaikha, inelokhe fikhit he afuni inelokhe hangge, inabel ebekwe fikhit he, mene singa elokhe hangge, nen inabel harekwe fikhit he no sapi eak elokhe hangge, nen inambotkwe fikhit he sue rajawali elokhe hangge hilingik were'ma isigi. Gade chapit la |
YEHEZKIEL 1:10
20 Referans Kwoze
A'nogo le agunem he, ap inaluendek omanogo mene ekhe nen he, ”Le agu lego. E asimit fulelherek andi hak, ap Daud en tagongge mene unggulenu Yehuda mene ta'lagaikhesigen, ebe mene olomene hangge enu singa a'nogo arat omame agasik eisewerek agasi'mo re, suesingga uan meneba lisu palek yinggilik andi, it ekhe ineilenggen yethanogo iluk silo 7 nen werek a'nogo elok fikhaligin o,” iluk yaganete.
Attak-attak wulibi waga mene re, ebe singa hangge meneat he, ogolabi sue pim ogolabi hangge mene wulibi wagunem yethigi. A'nogo yethigirik yerogo were'ma ferekhogo aremnogoat ogolabi henegeisogo pikhesik he, kweangma nen legeisogo afuni mendek welagaikharek andi hak eisok pireba yagaisogo menfikhesik, obabut he, afuni inobabut hangge wogotunem yethigi.
Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.
At Daud o leimo tom leget hakhogo waganek welagaikheba omanogo were'ma nen he, it inunggulenu Gad mene nen, it ap Daud obaget hilingiti lagaukwa inap, ap inenu weinam mene, weim yafu aple mondok inelu-pinelurek mene hokhorogo at were'ma sebesi wagaukwa. It ap andoma re sige wanhu aple inom, weim kwe palengge wanhu aple inom he, mondok hibilhebelsek logolik inelu-pinelurek inap welagaukwa. It inebe re mene singa ailo lek andi hakhogo logolik, iren hilingitunem he no rusa tomkwe helalue wilik wagarek andi hakhogo ineisok a'ne weak hilingitarek inap welagaukwa.
A'nogo yagaisasikhemo, it ap kota andi mene omanogo nen, o mo oan ubukhogo kwigi'lek werek kwelek Simson mel yagatukwa: ”Kin amusu enduk fano meneat he, enduk mondok ebe fano mene ekhe welagarek nogo? nen, mene singa omame werek meneat he, omame mondok hokho mene ekhe welagarek nogo?” iluk yagatukwa. A'nogo yagatukwama, at Simson nen he, ’Hiren an nagwe endawimo kagalilep le'ma, wene an yagahisigi mene andi ebe, Yi'nogo mene faget egen, iluk yagane'lep legaro,” iluk yagaisasikhe.
It utara fikhit he, esa it Dan mene inangge bendera a'ma seberogo logalek werek mene inawi sabu wuti logolik, inogogwi ferinarek mene palek werek yiba hilingik higithogo wuti logogun menere yi: Inunggulenu Inogogwi kaindek mene Inebe wenagaisogo Dan mene Ahiezer hun Amisyadai amlogo 62.700 nen Asyer mene Pagiel hun Okhran amlogo 41.500 nen Naftali mene Ahira hun Enan amlogo 53.400 nen Inebe seberogo re: 157.600 nen It inunggulenu Dan mene andi re esa logalek mondok fem wurep kobokhogo laga logogun.
Mo ubuk ikherek fikhit it esa Efraim inangge bendera a'ma seberogo logalek werek mene inawi sabu wuti logolik, inogogwi ferinarek mene palek werek yiba hilingik higithogo wuti logogun menere yi: Inunggulenu Inogogwi kaindek mene Inebe wenagaisogo Efraim mene Elisama hun Amihud amlogo 40.500 nen Manasye mene Gamaliel hun Pedazur amlogo 32.200 nen Benyamin mene Abidan hun Gideoni amlogo 35.400 nen Inebe seberogo re: 108.100 nen It inunggulenu Efraim mene inom esa logalek mene andi re it Lewi inap andi inombo'ne laga logogun.
Fena selatan fikhit andoma re it esa inunggulenu Ruben mene inawi bendera telik era'lukwe inebe logalek higithogo inogogwi ferinarek lombok wusugun mene lisu palek werek he yi: It Ruben mene esa logalek he ombo'ne pirenegengge laga logogun. Inunggulenu Inogogwi kaindek mene Inebe wenagaisogo Ruben mene Elizur hun Zyedeur amlogo 46.500 nen Simeon mene Selumiel hun Zurisyadai amlogo 59.300 nen Gad mene Elyasaf hun Rehuel amlogo 45.650 nen Inebe seberogo re 151.450 nen
Fena o mo ero fikhit andoma re it esa inunggulenu Yehuda inap inangge bendera it ineisok erokwe mene lombok a'nogo inogogwi melalinafu mene lombok hinawi tenda salogo wusugun mene palek werek mene re yi: Inunggulenu Inogogwi kaindek mene Inebe wenagaisogo Yehuda mene Nahason hun Aminadab amlogo 74.600 nen Isakhar mene Netaneel hun Zuar amlogo 54.400 nen Zebulon mene Eliap hun Helon amlogo 57.400 nen Inebe seberego re: 186.400 nen It Yehuda mene esa logalek omanogo re attak-attak laga logogun.
Piblisite