YAKOBUS 4:9 - Allah Wene Fano Wene Hupla Inane

⁹ Hinendawimo weak a'luk, li le aga logoino o. A'nogo le aga logolik he, endo aga lagep mene andi, le agik, Nen, hinendawimo hinagaiyek hikhi lagep mene andi, hinendawimo weak a'luk welagik ikhi logoino o.

YAKOBUS 4:9 Referans Kwoze

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

AMSAL 14:13

Endo agaikharek mene andi hebekhogo re inendawimo le pikherek, nen inagaiyekhogo welagaikharek mene andi ambisangma inendawinggen heiselherek.

LUKAS 6:25

Nen, hit ekhe yogondak elama faget enek hinalabut ninghogo ninggi lagep mene halok, weagethinafunem hobuk nongakhogoin o. Nen, hit yogondak elama faget enek endo aga lagep mene halok, weaget hinafunem hinendawinggen warikhi logolik le asugun aro.

MAZMUR 119:67

Oan unggum wo'neti'le'ma re an nen wene melalek taganhogo nek hilingiti lagagi, yogondak he, Haren wene yi'nogo hilingiti logoino ti'nogo hilingiti logoino iluk isigin mene a'nogo hologo hilingitu welagi.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 7:16

Fena fikhit he ineluk asimbik heise tomkwe andoma lambik logogun, andoma it inebe re sue pel o tonggokwe andoma nen mukhigik wulaginafunem welagarek higit asimbik logogun. Andoma mondogat he it inonggwarek inaweak hilingiti logogun andiba ambisangma heinet wati logogun.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

AYUB 30:31

Attak he pinggong inagaiyek oba watunem holhi lagagi, mene re yogondak he we le agik, fong watik hilingitu mene nek hilingi'mo holhi lagi.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

RATAPAN 5:15

Wuni o silimo watarek awuni omanogo agamhogo le wuni hilingfugunem he, nit ninagaiyek werek mene a'nogo mondogat longgo ikhe.

YEREMIA 31:13

Linggene andi sambul helime silerik he inendawimo inagaiyek oba inawuni warikhi logogun. Nen ap yaman mene inom souge mene inom he, An nen inendawimo konogo hilingfisamo re inagaiyekhogo nek logogun. Fong watu mene andoma agamhogo re inagaiyegetu mene hilingfisagain, nen inendawinggen heiselhi logolik werek mene andoma inendawimo heanerogo werek mene hilingfisagain.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

PENGKHOTBAH 2:2

Andi nen an nelu aga logolik endo agaikharek andi re moruerogo, nen inagaiyegetarek andi ogore furek legengge hilingi'mo hasigi.

MAZMUR 119:71

Haren wene melalek yi'nogo hilingiti logoino ti'nogo hilingiti logoino iluk fesigin mene andi an furogo nelu asuageluk andi re, fano asuak haren unggum noba fikhi lagen.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

NEHEMIA 8:9

A'nogo enu salogo yagaisugunem, afuni omanogo inesanggo holhukwasik, inendawimo mondok weak agaikhesik he le agaukwa. A'nogo le agaukwama, at gubernur Nehemia inom, ap Ezra Allah eisewerek mene wene Allah nen komotninafikhe wene a'nogo elu mondok mene a'nogo inom, ap Lewi mene wene andi pilingisogo yagaisasukwa mene omanogo inom, inomen afuni omanogo mondogat inom yagaisikhi logolik he yi'nogo isukwa: ”O yogondak he, nineisena TUHAN Allah onggwarek awi wei ikhemo welago andi nen he, hit hinendawimo weak a'luk le agubo.

MATIUS 21:41

iren he, ”Ap anggweang eisewerek mene andi wesimbik he, it inobabut weak mene andoma mondok felelenghogo inoasimbik he, yabu anggur yabu andi kagalek logolik, enggen arat wurik agunem palogo wogosi laga logouwageluk he, ap hunogoat mene ekhe inayonggo fagain aro,” iluk yagatukwa.