YAKOBUS 4:5 - Allah Wene Fano Wene Hupla Inane

⁵ Endamat Allah ane ekhe lisu palogo fikhi logolik, mel isukwa: ”Hemi inendawirogo logolik, elele waganek mondok welagaikharek andi hak, Allah nen Areagun ninendawimo ninobagasikhemo ninebe endawirogo logolik, elele waganogo fetninarek welagarek,” iluk lisu palogo fesukwa andi, hit hinendawimo nen he, ”We, tulemat isukwa,” iluk anggikhi lageba? Tulemat isukwa lego.

YAKOBUS 4:5 Referans Kwoze

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

1 KORINTUS 6:19

Hiren he, ”Allah nen, Areagun wo'nisasikhemo, ninebe at awi wurik welago,” iluk he, hinonggot nogo? Hinebe hinonggwarek eisewerek fuk. Allah eisewerego.

BILANGAN 11:29

A'nogo yagatikhemo re, at Musa nen he, ”Haren he, at enek ikhi logouwak, iluk noba ebeti lagen andi nenahalok. An nendawimo nen he, nineisena Tuhan Areagun againafuri inebe mondogat wogisaluk he, inebe mondogat at ane yagaisikhi logogun mene nek hilingisogo fiselebe, iluk anggikhi lagi o,” iluk yagatikhe.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

MAZMUR 37:1

Afuni weak hilingitarek mene andi re, inebe engga higit weak-weagat legagik, nen engga ket mene sawet agarek andi hak, hilinglasugun andi nen he, it weak hilingitunem, hinendawinggen warigik, hinamage inoba figik, u fugo.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

KEJADIAN 37:11

A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.

KEJADIAN 30:1

A'nogo meneat he, he Rahel eak takhigi'legat welagaikhe. A'nogo welagaikhe andi nen, oe emberek mondok heksek logolik, Yakub mel yagatikhe: ”An neak ekhe wo'nom o. Wo'neti'lek halok an nebe wa'lasigin o,” iluk yagatikhe.

KEJADIAN 26:14

A'nogo aga logolik at mene amingmingengge inebe hokhorogoat agaukwa, domba, sapi inom hokhorogoat agik ugunem, it Filistin inaben inoba haro oba fikhi lagaukwa.

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

GALATIA 3:8

Attagat wene ebe a'nogo oan hilinglagi'lek werek kwelegat, it afuni endakwe mene inendawinggen Allah oba himbiret fugunem, aren he, ”Wene hinoba mene korogo wokhaluk ninom hobuk hinambotkwe hunogo hinobagagin o,” iluk, wene fano wene oan yagaisigi'lek logolik, Abraham tak wene abok mel iluk yagatikhe: ”Yi afuni ti afuni mondogat an nen fanorinabigin andi, ero hararo,” iluk isikhemo, lisu palogo fesukwa.

KISAH PARA RASUL 7:9

Ninombalak omanogo inagot Yusuf oba wene palhi lagaukwasik he, ebe o Mesir waluk lagaukwasik inamingmingengge logouwageluk, ap ekhe oba onggo wanhukwa. Mene re, afuni ekhe nen at ebe hundik-handik weagetfouwogeluk ugunem he, Allah emberek hundik were'ma yi wene ti wene oba wagunem telhu mondok welagaikhe.

YOHANES 10:35

Wene Allah aneba lisu palek welagarek andi mondogat he, ekhe tagan ikherek lek anggigi. Andi nen he, irat ane yagaisasikhe mene faget, Hinebe allah aro, iluk isikhemo lisu palek werek kwelegat,

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

AMSAL 21:10

Ap weak mene nek hilingiterek mene andi re weak hilingisigin mene nek agaiyek welagarek, ap misik iluk ogo aren endawi hundik welagarek mene ekhe werek lek.

MAZMUR 106:16

O leimo omanogo nen he iren at Musa ebe inom, amingmingengge Harun mondok fano horek agun a'nogo inom inoba li'norogo wenagisasukwa.

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

ROMA 9:17

At Allah nen kain Firaun mel yagatikhe: ”An nen yi fagerat menhobagagi o. Afuni nen an nomame inelu agik, nenu o yi awi ti awi yagaisilik lagik, uageluk menhobagagi o,” iluk yagatikhemo Allah ane lisu palek a'nogoba lisu palogo fesukwa.

YESAYA 11:13

Kerajaan Israel en mene re Yehuda meneba a'marikhogo kwelakhikhi logogin lek. Nen, Yehuda nen mene re Israel mene inom seleirogo logogun legat.

YOHANES 19:37

Nen, ekhe re: ”At ebe sige taukhogo watfuluk ineilenggen logogun,” iluk, isukwama Allah aneba lisu palogo fesukwa mene were'ma higit asuageluk a'nogo hilingitukwa andi.

YOHANES 7:42

At Mesias Allah nen lakfei wesigin isikhe mene andi re, ap Daud en tagongge mene, at Daud onggwarek awi eroma welagaikheba o Betlehem andoma ta'lasigin, iluk Allah aneba lisu palogo fesukwama a'nogo lek nogo?”

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

KEJADIAN 38:9

A'nogo yagatikhe oba nen he at Onan he, ”Omalik tak lasugun mene re an namlogomi asugun lek a'nogo re,” iluk aren oe sogwe a'nogore inom nogogu sambul he at oe nen ambisangmangge tago mene ekhe logogin mondok lek iluk amusu we hesangge wulak fisikhi lagaikhe.