YAKOBUS 4:16 - Allah Wene Fano Wene Hupla Inane

¹⁶ hinonggwaregen fogerakhigik, agaugwerakhigik, ilik nikhi lagep andi ri! A'nogo fogerakhikhi lagep andi re, wesa aro.

YAKOBUS 4:16 Referans Kwoze

AMSAL 27:1

Hiren o hobit hilinglasigin mene faget hinonggot welagep andi nen he, hinonggwaregen anggikhi lagep mene andoma faget leget fakhikhi logogubo.

1 KORINTUS 5:6

Afuni nen inane lagakhogo ikhi logolik, ”Enggen sumburu roti mene fisuageluk elonggoma pelafarek mene endebat elonggoma pelabumo nen, roti ebe mondogat fiterego,” iluk agarek a'nogo hinonggot nogo? Hinelu logolik fogerakhikhi lagep andi fano fuk. Weago.

MAZMUR 52:7

Oba nen he, At Allah nen hit hinebe mondok-mondok leget hinobagagin o. Nen hit hinebe hinailoba nen lisogo wulak hinobagai wesimbik he, afuni ineluk werek oba yoma nen hineiloak leget hinobagagin o.

AMSAL 25:14

Afuni ekhe nen it ekhe yagaisikhi logolik, ”Yi mene wokhesigin,” iluk abok yagaisalugat he, ebe wogisigi'lek kamo agarek andi re, ohena salogo figik, sogoi funha wagik, ikheresigenat he meiso ebe ninggi'lek welagarek andi higit werek.

WAHYU 18:7

At he andi onggwaregen ikhi logolik: An nebe kain logolik, afuni nawe a'ma fisaluk ferinarek logolik he, sogwe nobagagama nen nendawimo weak a'luk le aga logogin nogo? Lego, iluk yi mene ti mene oba peterogo logolik onggwaregen hokhorogo fogerakhugu mondok werek andi hagat, heinet hokhorogo wati logolik, endawimo weak a'luk le aga logouwageluk unggum wogo'no o.

YAKOBUS 3:14

Menere, hinendawimo weak a'luk wene palhik, hinonggwarek faget enek ebetik, ikhi logolik he, hinonggwaregen, ”An fano,” iluk hinonggwaregen fogerakhikhi logogubo. A'nogo hilingisugun halok he, Allah ane ebe wene andi mene sagalogo hineranen ugun andi wesa o.

YESAYA 47:10

Haren kwanirek mene hilingiti logolik andoma a'ma fano welagi iluk anggikhi lagen, Hat hobabut hilingiti lagen mene andoma re fut fili'lagwi lek anggikhi lagen. Hebelek welagen andiba inom helu mondok welagen andiba inom nonghonget hobagali'lagwi, haren anggikhi logolik he ap amu mene re an higit mene ekhe werek lek anggikhi lagen.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

1 YOHANES 2:16

Nen, afuni kweangma mene inobabut hilingitarek he, inoba aigage lagagik, yi mene ti mene ineilenggen en haluk inamolo anggigik, kweangma mene faget fogerakhigik, agarek andi mondogat ero re, nineisena Allah fuk. Ero re, kweangma aro.