YAKOBUS 3:3 - Allah Wene Fano Wene Hupla Inane

³ Andi hak, niren wam kuda ambe onggut oba hele kelfuluk, nit kwe andi kwe logoin iluk, anggogo halok, hele a'nogo lithugunem, ebeat lagarek andi.

YAKOBUS 3:3 Referans Kwoze

MAZMUR 32:9

Wam kuda endawinggen lek andi nen he, kwe higithogo loagaluk, ambelema hele kelogo waluk lagaikharek hak, hat a'nogo hilinghafi logoinogo iluk, yaganetigin andi.

MAZMUR 39:1

Afuni nen wuni wulak fuluk inebe ambine ugunem melalinafarek mene faget, Yedutun faget, Daud en watikhe awuni.

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

2 RAJA-RAJA 19:28

Ma re, o yogondak hat honggwaregen fogerakhikhi logolik, ha'mage lagaluk, An wena'neti lagen mene andi, An nesanggo arat holhirik nelu welagi o. Yogondak An nen he, hat kwe wagen kwe hambotkwe litharek lageluk, hele hambisang elema kelhobagagik, hambeba kelhobagagik, imbik he litharek lagain o,” iluk yagatikhe mene wene warogo lakfei wagaikhe.

YESAYA 37:29

Haren leget fakhikhi logolik wene palhi lagen mene inom, ha'mage lagakhi lagen mene inom andoma An mondogat holhi o. Yogondak he An nen hambisangmangge no mata kail hakhogo wathobagagik, hambeba hele eisel hobagagik, imbik kwe hat wagenkwe andi nen litharek haiba hobagai lageluk hilingiti lagi o,” ikhe iluk lakfesikhe.

YAKOBUS 3:4

Nen, e so i agumkwe lagarek mene andi ebe hokhoba nen sogoien aninirogo waluk lagarek meneat he, at e so waluk lagarek mene andi endawinggen en, ”Kwe yi kwe lagain,” iluk, anggaluk, unggul halhungge e endep mene andi kwanitfikhe halok, andi kweat higit waluk lagarek andi futfeni!

AYUB 41:13

Afuni nen it ekhe inasu endakwe mene tiliphogo lakfisigik, sing ugu were'ma folokhogo inoatik, agarek andi hak, at andi a'nogo hilingisogo wasu mondok elo'lego.