YAKOBUS 3:1 - Allah Wene Fano Wene Hupla Inane

¹ Nerugwi nagaila'lak. Nit wene yagaisogorek mene weak hilingitu halok he, hobuk Allah nen afuni ekhe inanema waganogo wene endebat hangge inoba fagain meneat he, nit enek he, wene hokhoat ninoba fagain hinelu andi nen, hinebe hokhorogoat wene yagaisagarek mene asuogeluk anggagubo.

YAKOBUS 3:1 Referans Kwoze

1 TIMOTIUS 1:7

It andi nen he, ”Wene Allah nen komotninafikhe wene a'nogo, niren yagaisikhi logogun,” iluk inamolo nen yagaisikhi logoligat he, wene ebe futfigi'lek inonggot logoligat he, ”Wene ebe yi'nogo, eberogoat furogo yagaisogo,” iluk ili'lagwi meneat he, futfigi'legat ili'lagwi andi.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.

1 KORINTUS 12:28

At Allah nenat he, againafuri ninobalik lombok ninobagakhi logolik, attak he, nit at ane yagaisilik nikhi logouwageluk ninayonggo figik, ninombo'ne re, at ane yagaisikhi logouwageluk it ekhe inayonggo figik, it inombo'ne re, wene yagaisikhi logouwageluk it ekhe inayonggo figik, it inombo'ne re, elalin mene hilingiti logouwageluk it ekhe inayonggo figik, it inombo'ne re, afuni ekhe ou mene higirinafi logouwageluk it ekhe inayonggo figik, nen, yi mene ti mene leberisikhi logouwageluk it ekhe inayonggo figik, inogogwi kain mendek logouwageluk it ekhe inayonggo figik, afuni o yi awi ti awi inane inonggot meneba wene ikhi logouwageluk it ekhe inayonggo figik, ninebe lombok a'nogo ninayonggo fesikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

1 TIMOTIUS 2:7

A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

LUKAS 16:2

A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

2 TIMOTIUS 1:11

A'nogo isikhesik, an fano wene andiat yagaisigik, komorinafik, ilik nikhi logouwageluk nayonggo fesikhesik laknobagai wagaikhemo nikhi lagi andi.

YOHANES 3:10

at Yesus nen he, mel yagatikhe: ”Noe. Hat hebe re, afuni Yahudi mene wene yagaisegendek meneat he, an nen wene yagaheti andi futfegen le'ma higi. I a?

MATIUS 10:24

It guru lak wene yagaisagarek mene sebelek hak werek kwelegat he, it inagainafuri yagaisagarek mene andi lego hak po ya welagaikharek mondok lego. Andi hagat he, it ap kaindek sebelek hak werek kwelek, inamingmingengge mene andi re, lego hak welagaikharek mondok legaro.

LUKAS 6:37

A'nogo yagaisasikhesik he, wene ekhe mel yagaisasikhe: ”Allah nen wene hinoba feinogo iluk he, hiren afuni ekhe wene inoba fugubo. Allah nen wene hinoba fembik he, weaget hinabinogo iluk, hiren afuni ekhe wene inoba fuluk he, weagerinafubo. Halok he, hiren weak hilingiti lagep mene Allah nen sebelogo legetfisoageluk he, afuni nen weaget hinabi'lagwi mene hiren sebelogo legetfisikhi logoino o.

MATIUS 9:11

A'nogo nunggu were'ma, it ap Farisi mene nen ineilenggen kwelagisasukwasik he, it ap Yesus ane wanhi lagaukwa mene omanogo mel yagaisasukwa: ”Hit hinoe wene yagahisili'logo mene ari, it ap uang pemerintah faget kino iluk wanharek mene inom, it ekhe afuni nen inabok weak agarek mene inom, sumburu misi'mo nili'lagwi yi nenahalok,” iluk yagaisasukwa.

MALEAKHI 2:12

Ap a'nogo hilingiri'lagwi mene andoma re, it afuni Israel mene were'ma nen, Tuhan nen waganogo wulakfisikhi logouwak. It andi re, afuni inunggulenu nit mene inom o Tuhan Omame Hokho mene a'nogo obaget wam yi mene ti mene warogo nolesi lagaikharek oba omanogo ninom logoin hanogo.

KISAH PARA RASUL 13:1

Allah againafuri o Antiokhia andogoti lagaukwa mene omanogo, it ekhe nen Allah ane yagaisigik, it ekhe nen yagaisigik, ikhi lagaukwa mene inebe ap ekhe Barnabas andi, ekhe Simeon enu Ebe muli ikhi lagaukwa mene andi, ekhe Lukius o Kirene mene andi, ekhe Menahem, Herodes kain gubernur agailak emberek ambine kulinafukwa mene andi, ekhe Saulus andi, welagaukwa.

YAKOBUS 1:16

Nerugwi nagaila'lak. Hinebe nendawi e. Hinonggwaregen hinebe lalegep hanogo iluk yagahisigi andi.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

YAKOBUS 3:10

Ero ninambe misik mene andi nenat, Allah fogeratik, afuni homan fisigik, ogorek andi. Nerugwi nagaila'lak. A'nogo hilingisu lek meneat hilingitorego.

MATIUS 23:14

Hit ap Allah ane lisu palek eisewerek mene inom, Farisi mene inom, hinagap oba nek fano logolik hinendawinggen pire mene yi ri! Allah nen weagethinabigin o. Hit he, hemi sogwe mene inawi wurik inom, inagarek inom, sebelikhi logoligat he, afuni nen, inesanggo holiluk, it fano anggoageluk samban uan-awan lithilik laga lagep a'nogo hilingiti'lek logoilepma re, Allah nen wene endebat hinoba feilepsik logoilep. Mene re, a'nogo hilingiti lagep andi nen he, wene enggin mene hinoba fembik weagethinabigin o.