YAKOBUS 1:21 - Allah Wene Fano Wene Hupla Inane

²¹ Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.

YAKOBUS 1:21 Referans Kwoze

EFESUS 4:22

Attak he, hinendawimo yi namolo ti namolo anggikhi lagagip andi nen he, lalhinafunem he, hinebe alomat lakhikhi lagagip andi nen he, hinobabut attak mene andi herakfisano o.

EFESUS 1:13

Andi hagat he, hiren wene ebe wene, fanotninaferek wene a'nogo hinesanggo holhigipsik he, eberogoat iluk hinendawinggen Kristus oba himbiret fesigipmo Allah nen he, ”Nareagun wokhisagain,” iluk, abok yaganisasikhe higithogoat, ”It an nonggwarek nagainafurio,” iluk Areagun wokhisasikhe andi.

1 PETRUS 2:11

Nerugwi nagaila'lak. Hinebe nendawi e. Hit hinebe ap pogat afuni inawilokwe pugulogo laluk andoma logolik he, yi mene ti mene hinendawimo nen kagalogo lagai wagunem, hinendawinggen en nunggunem namolo anggikhi lagep mene andi re, selei mene nen inoatarek andi hak hinebe weagethinabigeluk, hinendawimo nen kagalogo lagai wagarek mene andi herakfisikhi logobagaigeluk yagahisikhi lagi andi o.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

MAZMUR 25:9

It afuni inendawinggen sebel fakhaluk hilingitarek mene re Tuhan nen halogo woginarek nikherek, nen iren he At endawimo anggikherek mene hilingiti logouwageluk yagaisikherek.

1 PETRUS 2:1

Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.

IBRANI 12:1

It afuni attak hilingirik wagaukwa mene inabok ilik wago andi, inebe esa hokhorogo ninera'lukwe yiling-waling ineilenggen kwelakninarek werek andi nen he, sa awewerek-sa awewerek louwogeluk yi mene ti mene inoba enggin mene korogo fuluk lagaikharek andi hak, nit ninoba enggin-fenggin welagarek mene andi inom, ninobabut weak hilingitorek mene ninoba laberek mondok welagarek mene andi inom, mondogat korogo herakfisaluk, Allah nen, ”Huli yi huli lano,” iluk yaganisasikhe andi, ninendawimo nen he, ”Ninelokhoma pikhit huli andibaat louwok,” iluk, ninomamerogo laga logouwogo.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

TITUS 2:11

It mondogaren a'nogo hilingiti logogun andi re, Allah obabut fano nen yi afuni ti afuni mondogat telinabigeluk ili'logo mene andi obabut enegat weinamet fesikhemo werek andi nen aro.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

IBRANI 4:2

Wene fano wene andi it attak yagaisasikhe andi hagat, nit a'nogo yaganisasikheat. Mene re, wene yagaisasikhe mene andi, it inesanggo holhukwasigat he, futfigi'lek hilingiti lagaukwa andiba, wene andi it faget he, elo'lek agaikhe andi.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

1 KORINTUS 15:2

Fano wene yagahisa wagagi wene andiat hinenggi ninghogo fisogo logogun halok he, andiba at telhinabi'logo. A'nogo meneat he, hit we tulemat alemarogo hinendawinggen Allah oba himbiret fegepsik welagep halok he, elo'lego.

ROMA 6:17

Hit attak he, weak hilingitarek andi awe a'ma kuluk were'ma, hobuk, wene yagahisugunem, wene andi hinendawinggen oba wanhigip andi nen he, Allah hai wasuogo.

YESAYA 29:19

Ap inenggi lek mene inom, li'norinafarek mene inom he Israel mene ineisena Mondok Horek mene a'nogo nen inagaiyek hoageluk wogisikherek mene a'nogo hogoin.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

YESAYA 30:22

Hit hinanggembu emas meneba elalegengge inom perak meneba misikwe mulelogo hilingik engge inom andoma weagen hugisagarek hakhogo hiren hugisouwogeluk he, hinane yi'nogo ikhi logolik hugisugu nogo, ”An welagiba ya nen hela lan!” iluk ugu nogo.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

1 PETRUS 1:9

Hinendawimo nen he, ”O wurep oba fanotninabuak,” iluk hinendawinggen at oba himbirik logolik, yogondak eisewerek aga lagebaro.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

KISAH PARA RASUL 10:33

Andi nenat, an nenggi ekhe welagi'legat he, ap ekhe hayonggo hoba lakfisigimo, hat hobabut fano nen kamo igi'lek fano wagen, noe. Nit mondogat yogondak Allah eilhanem welago yoma re, Aren wene yagaisano, iluk yagahete mene, wene andi mondogat ninesanggo holuogeluk welago, noe,” iluk yagatikhe.

MATIUS 5:5

Nen, afuni inobabut enago mene andi, Allah nen o abok yaganisasikhe mene andi irat eise asugun andi nen he, inendawimo inagaiyek hikhi logouwak.

ZEFANYA 2:3

Yago, hit afuni o kweang yiba welagep mene nen hinendawinggen sebelfakhaluk hilingiti lagep mene inom, nen Tuhan Awene melalek hologo hilingiti lagep mene inom, sugulogo Tuhan ambit waga logoni o. At elokhoma sebe iluk At endawimo anggikherek mene nek hilingiti logoni. A'nogo hilingisugun halok he, At Tuhan awi mondok anini oba louksek awi a'nogo weinamet fei wesigin sambul andi re hit hinagap telhinabigin logou hak.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

YEHEZKIEL 18:31

Hiren weak hilingiti lagep mene andoma mondogat palfeni o, palfuluk he hinendawinggen wenggelhu mene inom, menenei ebetu mene inom he ket mene asuak. Nenahalok hinaweak onggo hinebe wa'lasugun nogo?

1 TESALONIKA 1:5

Nit fano wene waluk yagahisa wagagu a'nogo re, ninaneba nek yagahisikhi lagagu fuk. We, Allah Areagun a'nogo ninendawimo logolik, omamerogo lebetnisugu kwelek, ninendawimo nen: ”Wene yi eberogoat,” iluk ninendawinggenma futfesugusigenat yagahisikhi lagagu andi. Nit o andoma ninom logolik, hit fagerat hilingiti lagagu a'nogo hineluaro.

EFESUS 5:4

Pailak fakfisagarek mene abok igik, wene inendawinggen lek agarek mene igik, inenggalimo mene faget asegen abok igik, u lek mene andi igi'legat, Allah at hai watu mondok logoino o.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

YAKOBUS 5:20

wene yi hinendawimo futfogoin. Sa nen weak hilingiti logolik, onggwaregen kwanirogo nong asi lagunem, at ekhe nen ambotkwe Allah oba waluk waga halok he, ebe wa'lasigin higit meneat telhik, weak hokhoat hilingite mene andi sebelogo legetfisigik igin o, iluk ikhemo werek andi nen he, hinendawimo futfikhi logoino o.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.