WAHYU 9:3 - Allah Wene Fano Wene Hupla Inane

³ So'le andi elonggoma nen he, yi pulue ti pulue ililim aigen libilinaferek andi hak, afuni aigen libilinafi logouwageluk eisewerek fisagama, so'le anggele'ma nen lagai waga lagaikha.

WAHYU 9:3 Referans Kwoze

WAHYU 9:5

A'nogo liakfisa waga logolik, ”Afuni inebe mondok pinggi inoasugun lek. We, ililim aigen libilinafunem heinet weak watarek andi hak, tugi fuaben logolik, heinet likwano wati logouwago,” iluk yagaisagama isigi o.

YOEL 1:4

Pulue esa inenggi wenasu mondok elo'lek mene yonggo palek logalfuluk yabukwe yi mene ti mene yago meneba labogilik laluk, nilik laga-laga andi. It pulue esa attak mene andi nen ando fugu mene re, pulue esa logalek ekhe hobuk waga logolik ninggik, it andi nen ando fugu mene re hobuk ekhe waga logolik ninggik, hilingirik-hilingirik mondok felelenghogo nengga andi.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

ULANGAN 8:15

At nineisena Tuhan hit hinebe wokhinarek, o leik hokhokwe afuni inebe le'ma, inailorekwe, kisu afuni inoaterek mene inom, elilim aik anini weak mene inom, mondok hokhorogo were'ma wokhinarek waga laga andi. i mondok le'ma kweang amusu mondok le'ma wokhinarek waga logolik, hit hinoba hambukhogo nobagaigeluk, i helep elema nen elesi wulibisogo wokhisikhe andi.

1RAJA-RAJA 12:11

An neisena nen yabu enggin mene hinoba fikhi lagaikhe andi, endebat se hangge meneat he, an nen enggin hokho mene hinoba fikhi logogin o. Aren yei posiemanggen we meneba lambisogengge hinoati lagaikhe meneat he, an nen yei posimanggen alok werek meneba nenggi ekhe inomat hinoati logogin aro, iluk yagaisano o,” iluk yagatukwa.

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

LUKAS 10:19

Halok he, Yethani! Kisu inom, ililim inom, hineisogen alperelogo hebisigik, Iblis ninom weim palek mene a'nogo omame legetfisigik, hilingiti logobagaigeluk, an nomame wokhisigirik eisewerek hilinghinafi o. Eisewerek hilinghinafiri'mo, yi mene ti mene ekhe nen weagethinabigin mondok lego.

NAHUM 3:17

Nen, it inogogwi kaindek mene inom ap inenu werek mene inom he pulue sogoi en leget pa'leget waganek ebene hina'lagarek oba nen mo lakfei wagunem it inebe tathigik lagunem he, aben ogo koma lagaikha iluk futfisagarek lek andi hakhogo asugun.

NAHUM 3:15

Haren a'nogo hilingisigin oba nen he hat hebe endu ninggik, weim oba nen wa'lagik, igin enggere yi'nogo ti'nogo hilingisigin mene andoma re we alomarogo nek hilingisigin. Nen, hat hebe yi mene ti mene yago mene pulue nen ninggerek hak legasigin. Nen, hat hebe re pulue esa hokhorogo welagarek hak hilingik welagen oba nen wilibu re elo'lego!

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

YESAYA 33:4

It he pulue esa logalek mene nen hilingiterek higit it were'ma monhaluk kuluk inangge telikhi logogun o.

2 TAWARIKH 10:11

An neisena nen hit hinoba re kombi ugu meneba fe'nengge hinoati lagaba nen, an nen he, posiemanggen kombi aik mondok ngili-ngelerek meneba lambisok hinoati logogin o!” iluk yagaisano, iluk yagatukwa.

2 TAWARIKH 10:14

Woginafikhesik he it ap ket souge mene nen komotukwa mene a'nogo higithogo re, aren ap omanogo inoba ikhi logolik he, ”An neisena nen he hit hinebe kombi ugu meneba lambisogengge hinoati laga, oba nen he an nen posiemanggen kombi aik mondok ngili-ngelengge meneba lambisok hinoati logogin. An neisena nen he enggin-fenggin mondok elo'lekhogo hilinghinobagakhi laga, oba nen he an nen enggin-fenggin andi mondok ekhe inom anggolo rogoat hilinghinobagakhi logogin o!” iluk yagaisasikhe.

WAHYU 9:7

Nen, it pulue andi inebe re, wam kuda, afuni nen amboroba hu'la'luk weim yabi louwogeluk esa fologo fisugunem welagaikharek andi hak welagaikha. It andi inelokhonggen he afuni inelokhonggen hangge. mene inunggul oba re kware-kware hangge emas mene ugu.