WAHYU 8:10 - Allah Wene Fano Wene Hupla Inane

^10-11 A'nogo it malaikat pire inambinggong anet hagasi'mo nen ekhe ambinggong anet hugunem he, hesagal hokho mene pogoroba nen esage ibilik hak amulok ibilik hangge pi wagasik, i elesikwe inom, i ebe hokho asi wagarek mene inom, henagan oba minggilogo fuluk, pire herakfikhi logolik, ekhe ale weak mene hilingisogo fikhi laga higi. Hesagal andi enu re, Aleweak. Aren a'nogo i ale weak hilingisogo fikhesi'mo andi nen he, afuni i nunggunem inebe hokhorogoat wa'laga lagaikha isigi.

WAHYU 8:10 Referans Kwoze

WAHYU 16:4

A'nogo higiri'mo nen, ombo'ne re, at malaikat henaganek mene ekhe nen Allah a'mage i hak hinago a'nogo mene ekhe kweisalogo i elesikwe inom, nen i ebe hokho asi wagarekwe inom oba pelafunem he, i mondogat elokhonggen mep aga laga higi.

WAHYU 9:1

A'nogo malaikat inebe enggaminogo mene inambinggong anet hagasi'mo nen, ekhe ambinggong anet hugunem he, hesagal ekhe nen kweang a'ma ma'lima pagarek mene kwe husuageluk kunci enggen wogetemo pogoroba nen kweangma pi wagunem yethigi.

YESAYA 14:12

Raja Babel mene yi re, attak hat hebe re hesagal wab o weigiluk ugu kwelek tilelherek a'nogo hanggge welagagin, meneat he yogondak he pogoroba nen halokhogo kweangma mondogat pi wagen! Attak haren ap inunggulenu lombok omanogo sebelogo fisikhi lagagin oba nen, yogondak he hat hebe kweangma hambokhogo pelakhabi wagaikha andi.

WAHYU 6:13

hesagal andi, e ara enggen oan mene sogoi aninirogo funha wagunem, kweangma lologo pi wagarek andi hak, a'nogoat pogoroba nen lologo kweangma pi wagik,

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.

WAHYU 12:4

A'nogo logolik, agenggum oba hesagal pogoroba mene henagan minggilogo fisikhesik, pire herakfisaluk, ekhe lisogo kweangma pelakfisa wagasik, he a'nogo eak takhugunem haumhogo nageluk elokhoma kagalek welaga.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

LUKAS 10:18

at Yesus nen he, mel yagaisasikhe: ”Iblis andi eilabut yegelogo lakfei wagarek hak, pogoroba nen pi wagunem neilenggen higi o.

YESAYA 12:3

I habub mene nen inendawinggenma sakot fisikherek hak, Allah nen hit hinagap telhinabigin andi nen hinagaiyegeti logogun.

2 TAWARIKH 32:3

it ap Asyur inap andoma o Yerusalem horokhogo andoma kwi wesimbik i o andoma agai ekhe nanogo iluk he, at inom, agoromi it sikhe fisogo mene inogogwi perwira omanogo inomen he, i o kota andiba lagu agai omanogo mondogat to'morik loageluk wene lenggalhikhe. A'nogo lenggalhikhemo re i o kota endakwe fikhit wulibi lagarek agai omanogo to'morik loageluk he, afuni mondok hokhorogo inayonggo fesukwa.

HAKIM–HAKIM 15:11

A'nogo yagaisasukwama, afuni Yehuda mene inesanggo holhukwasik he, ap inebe 3.000 nen logalfesukwasik punu Etam andoma at Simson ebe oumo were'ma oba lagaukwasik he, mel yagatukwa: ”Afuni Filisitin mene nen nit fetninarek werek a'nogo honggot agendik yoma welagen a? Haren nit ninggi'nogo halok a'nogo hilingninafi lagen?” iluk yagatukwa. A'nogo yagatukwama, at Simson nen he, ”An he, we it afuni Filisitin mene nen an lalnafa andi nen onggo feigiluk hilingiti lagi o,” iluk yagaisasikhe.

ZAKHARIA 13:8

nen o andoma mondogat afuni logogun mene re inebe minggilogo dua pertiga hakhogo re wa'lasugun.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

MATIUS 25:1

At Yesus nen a'nogo yagaisasikhesik he, wene ekhe mel yagaisasikhe: ”Nineisena Allah nen awe a'ma fisikhere'ma andoma emberek higit he, helimenggerugwi inebe 10 nen lampu ibilogo waluk ap ekhe agwe ikhageluk wagunem elokhoma lagaukwa andi hangge aro.

WAHYU 8:7

A'nogo hebelfuluk he, attak malaikat ekhe ambinggong anet hugunem he, meiso sogonggen inom, endu inom, mep inom, inom nanggelek-hanggelek hilingisogo kweangma woukhogo pelabi wagunem he, kweang inom, e hokhondek inom, ebe henagan oba minggilogo fagasik pire herakfikhi logolik, ekhe hali luphogo ninggik, engga helengga ket mene mondogat ninggik, ugunem yethigi.

WAHYU 9:15

A'nogo yagate andi re, it malaikat andi nen afuni inebe henagan oba minggilogo fisaluk, pire herakfisikhi logolik, ekhe tahun andiba, tugi andiba, inenggi andiba, jam andiba, inebe mondok inoarik logoin o, iluk fageat Allah nen inayonggo fesikhemo kagalek were'ma, hele fikhalinafunem neilenggen isigi.

WAHYU 9:18

A'nogo endu inom, so'le inom, belerang amben weak mene andi inom, ebe henagan weagerinaferek mene andi, inambelema nen wulibi waga logolik he, afuni inebe henagan oba minggilogo fisaluk, pire herakfisikhi logolik, ekhe inebe pinggi mondok inoarik laga lagaikha isigi.