WAHYU 7:2 - Allah Wene Fano Wene Hupla Inane

² It a'nogo werek kwelek, malaikat hunogoat ekhe o mo yegelogo liabi wagare'ma a'lima nen Allah eluk mondok welagarek mene asilo waluk wulibi wagasik, Allah nen it malaikat inebe enggaminogo mene nen kweang inom, i laut yenggelek inom, weagetfouwageluk eisewerek fisasikhe mene omanogo mel yagaisugunem holhi:

WAHYU 7:2 Referans Kwoze

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

WAHYU 9:4

It pulue andi yagaisikhi logolik he, ”E ebe inom, engga inom, yi mene ti mene awi yago hunogoat mene ekhe inom, mondogat weagetfagain mondok lego. We, afuni Allah enegengge inelhaba lisu pale'lek mene halok weagerinabino,” iluk liakfisa waga lagaikha isigi.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

EFESUS 1:13

Andi hagat he, hiren wene ebe wene, fanotninaferek wene a'nogo hinesanggo holhigipsik he, eberogoat iluk hinendawinggen Kristus oba himbiret fesigipmo Allah nen he, ”Nareagun wokhisagain,” iluk, abok yaganisasikhe higithogoat, ”It an nonggwarek nagainafurio,” iluk Areagun wokhisasikhe andi.

WAHYU 5:2

Higirik were'ma, at malaikat omame hokho mene ekhe nen ane hokhorogo ikhi logolik he, ”Suesingga uan meneba lisu palek yinggilik yi, Fikhaligin lek, iluk silo fagarek hak, amusu te'merogo fesukwa mene yi, sa eisewerek logolik elok wokhambik fikhaligin anggegep?” iluk heinok wanhe.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

WAHYU 1:3

Wene andi mondogat he, weak-weak hilinglasigin andi nen he, it afuni ekhe wene lisu palek mene yi enu salugun mene inom, it ekhe inesanggo holimbik, wene andi hologo higithogo hilingiti logogun mene inom, Allah nen inebe fanorinafunem inendawimo inagaiyek hikhi logogun o.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

WAHYU 10:1

A'nogo isigiri'mo nen hobuk he, at malaikat omame hokho mene ekhe asu higit he ohena mene huliliphogo. Nen, unggulkwe re kware-kware uware higit pukhogo. Nen, elokhonggen he, mo hangge. Nen, eisok he, endu amulok mot lagaikherek hangge mene, lisu palek yinggilik mage mene fikhalegengge enggim waluk pogoroba nen pi wagasik, eisok ebekwe re, i laut yenggelek oba figik, nen eisok harekwe re, kweang oba figik, ikhi logolik,

WAHYU 8:3

A'nogo werek kwelek, malaikat hunogoat mene ekhe nen, lemesak emas meneba hilingik engge waluk he, yi mene ti mene Allah faget noletarek oba wagasik mendek welaga. A'nogo were'ma, Allah nen he, at againafuri mondogaren samban agarek mene inane inom, kemenyan inom, inomat nolesuageluk, kemenyan hokhorogo wogetemo, yi mene ti mene Allah noletarek oba andi, ebe at kain welagarek oba obuluk a'nogo elokhoma were'ma fei lagunem yethigi.

KIDUNG AGUNG 8:6

Enggere an nebe yi re hat hendawinggen tulem mene hilingnabin o, Amu mene ekhe inoba hendawinggen tulemhogo logou fuk, we an namu nek pukhogo fetnarek logoino. Nendawinggen ninggerek mene andi re wa'lagaikhare'ma pagarek andi higit omame mondok werek, nen inoba aganhan eterek mene andi re endu wabunak ninggi logolik amulok lagaikherek andi hak hilinginaferek.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

2 RAJA-RAJA 19:4

Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

ULANGAN 5:26

Allah eluk mondok werek mene a'nogo nen enduba nen ane ugu kwelek he afuni koma mene nen ekhe ineluk welagaukwa anggegep?

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

YESAYA 41:2

Ap sa nen timur fikhit omame werek mene a'nogo abologet higik, hundik-hundik at enek omame aga logouwageluk hilingitik, ikherek nogo? Ap sa nen hilingituba aren it ekhe inunggulenu mene omanogo mabenet fisigik, nen it raja-raja omanogo at a'ma nek sebelogo pelak fisigik, ikherek nogo? At enggarok oba nen he, ap at aselei mene wul hakhogo wolelenggenhogo fisigik, Nen At andok oba nen he it inebe engga iringik mene sogoien funhugunem hilingiterek hak telfol isigik, ikherek.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

WAHYU 9:14

At ane andi nen he, at malaikat ekhe, falfalik mene a'nogo ambinggong anet fikhe mene a'nogo anet hugunem enggimo fisogo were'ma mel yagate: ”Malaikat inebe enggaminogo mene i hokho enu Efrat era'lu hele warek werek omanaga hele fikhalinabi lan o,” iluk yagate.

WAHYU 16:12

A'nogo werek kwelek, at malaikat falfalik mene nen he Allah a'mage i hak hinago a'nogo mene ekhe kweisalogo, it ap inenupogot o mo lagai wagare'ma mene wesuageluk, i hokho enu Efrat oba pelafunem he, it wesugunkwe i ebe firitok ikhi laga.