WAHYU 6:13 - Allah Wene Fano Wene Hupla Inane

¹³ hesagal andi, e ara enggen oan mene sogoi aninirogo funha wagunem, kweangma lologo pi wagarek andi hak, a'nogoat pogoroba nen lologo kweangma pi wagik,

WAHYU 6:13 Referans Kwoze

YESAYA 34:4

Mo, tugi, hesagalenggen, mondogat he wolelenggenhogo legasigin. Pogot he suesingga yinggilharek hakhogo yinggil isagain, hesagalenggen he e engga sawet a'luk lolhigik pikherek hak pi wesigin.

MATIUS 24:29

At Yesus nen a'nogo yagaisasikhesik, hobuk ekhe mel yagaisasikhe: ”Weak hokhorogo a'nogo hambik oba nen inenggi hokhorogo welagi'legat he,” O mo mum agik, tugi yati'lek kamo igik, hesagal pogoroba nen lologo pi wagik, pogoroba inomame hokho mene andi Allah nen inabologet higik igin o.”

WAHYU 9:1

A'nogo malaikat inebe enggaminogo mene inambinggong anet hagasi'mo nen, ekhe ambinggong anet hugunem he, hesagal ekhe nen kweang a'ma ma'lima pagarek mene kwe husuageluk kunci enggen wogetemo pogoroba nen kweangma pi wagunem yethigi.

DANIEL 8:10

Andimuk a'nogo ebe ekhe inom hokho aga logolik omame werek agasik he, aren tentara pogoroba mene ebe hesagalenggen omanogo inom weim yafi logolik, it omanogo inanggele'ma nen fenakwe re o kweangma hugisa pi wagasik, eisogen tandamhogo liliban isikhi laga higi.

YEHEZKIEL 32:7

Hat hebe An nen leget hobagagin sambul andi re pogot An nen huli'libet figik, hesagal enggen mumet figik, mo ambotkwe sugulogo anggulok a'ma kwelakfigik, tugi omba'bak eti'legengge welagik, igin.

LUKAS 21:25

At Yesus nen a'nogo yagaisasikhesik he, hobuk ekhe mel yagaisasikhe: ”Hinendawinggen wenggelogo re, mo inom, tugi inom, hesagal inom, andi elokhe hunogoat mene hilinglagunem hogoin o. Nen, kweangma yoma i laut mogwe hokho yenggelek welagarek a'nogo ha'labu omamerogo waga logolik he, i eindep ane hokhorogo ikhi logoumo re, it afuni inunggulenu lombok inailo asimbik inendawinggen fisigin o.

YESAYA 7:2

Afuni nen ikhi logolik, ”Ap Siria mene esa fologo afuni Israel mene were'ma kwi wagaikhasik inom mangotha ugunem raja Ahas inom, afuni mondogat omanogo inom inesanggo holhukwasik inailo hokho mene agaikhemo re e wilibik mene sogoien funhugunem leigeterek hak inoak leigeti lagaukwa.

NAHUM 3:12

Haren haleget pa'leget waganek welagen kwe andoma mondogat he e ara enggen igisogo mondogat yugula'luk welagarek hak hilingi'mo re, enggen ugu mene a'nogo elel hugunem, ap enggen taganigin iluk lagu mene a'nogo ambelema pikhit pi waga logogin.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

YESAYA 33:9

O kweang andoma mondogat herakfisamo re afuni inareng tiring-tereng igin. Tom Libanon ogoi engga andoma mondogat abisigin, o Saron fanggong kwe mondok heiselekwe andoma re leikwe higit hilinglasigin. O Basan kwe inom Tom Karmel oba andoma inom he engga mondogat lolhigik pigin.

YESAYA 13:10

Hesagalenggen mondogat he selegerati'lek logogin, mo wulibi wagarek oba aremnogo mondogat mum asigin, tugi yati'lek logogin.

YOEL 2:31

O mo mum agik, tugi elokhonggen mep hangge hilinglagik, igin. A'nogo mondogat hilinglasigin andi re, An hineisena nawi esin inailo mene wei igin andi re, oan wei igi'lek werek kwelek attak-attak hilinglasigin.

MARKUS 13:25

hesagal pogoroba nen lologo pi wagik, it pogoroba inomame hokho welagaikharek mene andi Allah nen inabologet higik, igin o.

AYUB 15:33

At ebere e anggur enggen taganogo pigik, e zaitun owil lologo pigik, ikherek andi hak werek.