WAHYU 4:9 - Allah Wene Fano Wene Hupla Inane

⁹ A'nogo ikhi logolik, hundik-handik at kain eluk mondok welagarek mene a'nogo ebe obuluk oba were'ma fogerati logolik, ”Nineisena kain welagendek mene harat hai wathafik, fogethafik, esinethafik, ikhi logogun o,” ugunem he,

WAHYU 4:9 Referans Kwoze

WAHYU 10:6

Allah nen pogot ebe inom, oba welagarek mene inom, kweang ebe inom, oba welagarek mene inom, i laut yenggelek inom, elonggoma welagarek mene inom, mondogat elalhikhesik eluk mondok welagarek mene at enuba hombuk palhunem holhi: ”Allah nen hilingisigin andi yi sambul igik, ti sambul igik, aninurogo logogun lego.

WAHYU 15:7

A'nogo wulibi wagaikhama re, it Allah nen elalinafikhemo ineluk welagaikharek mene inebe enggaminogo omanogo ekhe iwak ebe 7 nen emas oba hilingik meneba Allah eluk mondok welagarek mene a'mage i hak hinago a'nogo, Allah nen it malaikat inebe 7 mene omanogo wogisikhi laga yethigi.

MAZMUR 47:8

At Allah re o kweangma yi awi ti awi mondogat inobaget Raja werek. Andi nen he, wuni inendawinggen wanherek awuniba fogerati logoni.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

DANIEL 12:7

A'nogo heinok wokhugunem an nesanggo holhugunem en he malaikat a'nogo enggi pogoroba liak fikhi logolik Allah eluk mondok welagarek mene a'nogo enuba hombuk palhi logolik yi'nogo ikhi laga, ”A'nogo hilinglari'lago mene andoma re hilingiti logolik werek kwelek enek he tiga setengah tahun asigin o. Nen, afuni Allah againafuri mene inoba enggin-fenggin hilingfisikhi logogun mene andoma mondogat ambisangma asi lamo nek he, yi'nogo ti'nogo elalin mene ari'logo mene andoma ogo wurep kobokhogo asi lagain o,” ikhi laga.

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

KELUARAN 15:18

Andoma werek kwelek, Hat nit nineisena Henupogot kain logolik, Fetninarek mondok logogin, iluk wuni felalogo watukwa.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

IBRANI 7:8

It ap Allah eisewerek logolik, it afuni ekhe nen yi mene ti mene inenggi wenagaisogo fenakwe minggilogo 10 ba lagai wagunem, Allah faget fisugunem inebe afuni wa'lagaikharek mene nen wanhi lagaukwa meneat he, ap Melkisedek andi nek he, eluk welagarek mene nen a'nogo wanhikhe, iluk Allah aneba lisu palek werego.

ULANGAN 32:40

An Allah nali'-nalegat, neluk mondok welagirek mene, An nenggi liakfulugen, nonggwarek nenu hombuk palogo, ikhi lagi.

YESAYA 6:1

Tahun hun raja Uzia ebe wa'lagaikhe andiba re, Tuhan ebe takhta mondok fano mene uanhogo wurogo liabek meneba hurek were'ma, asu jubah su a'nogo re o Tuhan Awi a'nogo abirengge salogo were'ma neilenggen higi.

WAHYU 4:2

A'nogo yaganetu kwelek aremnogoat, Allah Areagun noba louk i wagama neilenggen yethigi re, pogoroba at kain welagarek obuluk oba were'ma yethigi. At ebe re obulu'mo aremnogo hurek welaga.

WAHYU 4:8

It andi inebe enggaminogo mene re, inebe lombok inogolabi falfaligen were'ma re, inomak abel endakwe inom, a'makwe inom, ineilenggen mondok hokhorogo welaga, were'ma re, inane kamo igi'lek, lingge hundik, hup hundik, Allah apne wanhi logolik he, ”Nineisena Tuhan Allah omame hokho mene, Attak tegelek welaga, Yogondak tegelek werek, Hobuk tegelegat logogin,” iluk fogeratu mondok welagaikha.

WAHYU 5:1

A'nogo hilingitunem neilenggen isigirik oba nen, ombo'ne re, at kain a'nogo ebe obuluk welagarek oba logolik, suesingga uan meneba lisu elonggoma inom endakwe inom palek mene yinggilik were'ma, ”It ekhe ineilenggen yethogoin lek,” iluk silo fagarek hak, amusu 7 ba te'merogo fesukwa mene enggimo fisogo were'ma neilenggen higi.

WAHYU 6:16

A'nogo hinago logolik, tom inom, helep inom, inoba re mel yagaisikhi lagaikha: ”Allah anini ninoba fagain a'nogo arat horok asi waga yoma re, sa hagen endawinggen puk asimbik sebelhaluk logogin anggegep? Elo'lego. Andi nen he, hiren, at kain welagarek obuluk oba werek andi nen elokhe age watnisigik, Domba Eak andi a'mage ninoba fuluk ninoatik, ugun yi re, sanokhogo ninebe sebelninabimbik he, hina'ma hinakninobagani o,” iluk kino yagaisugunem nesanggo holhi o.

WAHYU 7:15

A'nogo hilingitasik andi nen he, Allah kain welagarek mene obuluk oba ebe were'ma eilhanem mendek logolik, at awi wuri'mo at faget linggene hubanggo hilingitu were'ma, at kain welagarek obuluk oba werek a'nogo nen, afuni nen mo aik inoasinogo iluk, o wutarek andi hak, at ebe nen it sebelogo ferinarek logogin o.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.