WAHYU 4:2 - Allah Wene Fano Wene Hupla Inane

² A'nogo yaganetu kwelek aremnogoat, Allah Areagun noba louk i wagama neilenggen yethigi re, pogoroba at kain welagarek obuluk oba were'ma yethigi. At ebe re obulu'mo aremnogo hurek welaga.

WAHYU 4:2 Referans Kwoze

WAHYU 1:10

A'nogo were'ma, o ninoe Enupogot awi wei ikhemo re, Allah Areagun noba louk ikhemo, nambotma nen at ekhe ane pinggong hokho mene ane hangge oba mel yaganetunem nesanggo holhi:

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

YESAYA 6:1

Tahun hun raja Uzia ebe wa'lagaikhe andiba re, Tuhan ebe takhta mondok fano mene uanhogo wurogo liabek meneba hurek were'ma, asu jubah su a'nogo re o Tuhan Awi a'nogo abirengge salogo were'ma neilenggen higi.

YEHEZKIEL 1:26

Huli palek mene a'nogo ambolkwe re, ap inenupogot inebe hurek welagaikharek oba takhta obalik hangge ekhe were'ma, elokhe helep onggo hokho mene enu nilam andi hangge hilingik welaga, nen takhta a'nogoba re afuni hangge mene hurek welaga higi.

WAHYU 5:1

A'nogo hilingitunem neilenggen isigirik oba nen, ombo'ne re, at kain a'nogo ebe obuluk welagarek oba logolik, suesingga uan meneba lisu elonggoma inom endakwe inom palek mene yinggilik were'ma, ”It ekhe ineilenggen yethogoin lek,” iluk silo fagarek hak, amusu 7 ba te'merogo fesukwa mene enggimo fisogo were'ma neilenggen higi.

WAHYU 4:9

A'nogo ikhi logolik, hundik-handik at kain eluk mondok welagarek mene a'nogo ebe obuluk oba were'ma fogerati logolik, ”Nineisena kain welagendek mene harat hai wathafik, fogethafik, esinethafik, ikhi logogun o,” ugunem he,

WAHYU 4:5

A'nogo were'ma, at kain welagarek obuluk andiba nen eilabut hobugalep yararethigik, unggunggu ane hokho pak ilugen ane lulu lagik, ugu kwelek, at kain welagarek obuluk a'nogo elokhoma re, esage ibilik eisok telek 7 nen welaga. Andi ebe re, Allah Areagun mondok higitsek mene ebe 7 nen a'nogo.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.

WAHYU 21:10

A'nogo yaganetu kwelek, Allah Areagun noba louk i wagama re, at malaikat a'nogo nen wo'narek tom hokho uan meneba lagaikhesik, Allah onggwarek awi o kota Yerusalem pogoroba Allah nen pelabi waga mene a'nogo yaganetemo yethigi.

IBRANI 8:1

Nit wene ikhi lago andi esin he yi o, nit ninoe kain Allah eisewerek ogo andi higit werek. At ebe re, nineisena Enupogot Allah welagarek oba era'lu kainat werek.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

YEHEZKIEL 10:1

Andi nen an neilenggen liakhigi re helage palek mene ambolkwe it kerub inunggulmo andoma re, no ekhe takhta hu'lagungge helep nilan meneba pugunhogo hilingik mene hangge were'ma higi.

YEHEZKIEL 1:28

a'nogo hilingitunem elokhonggen hunik-hunik uare o meiso nunggunem ohena anggelegelekwe lagaikherek hangge hilingi'mo yethigi. Wene andi re At Tuhan ebe ombak-bak hokho meneba logolik yararet hugunem neilenggen higi menere, andi.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 19:4

A'nogo ugu kwelek, it ap inaluendek inebe 24 en omanogo inom, it Allah nen elalinafikhemo ineluk welagaikharek mene inebe enggaminogo nen omanogo inom, inomen at Allah ebe kain welagarek obuluk oba were'ma awe a'ma kuluk, ineindep awi yagaisogo fogerati logolik mel ikhi lagaikha: ”Ebe asuak,” u hak, ”Amin,” igik, ”Fogethafi lago,” u hak, ”Haleluya,” igik, ikhi lagaikha.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.

WAHYU 17:3

A'nogo yaganetunem he, Allah Areagun noba louk i wagama, at malaikat a'nogo nen wo'narek, o afuni le'ma leimo laga. A'nogo wo'narek lagama logolik, yethigi hak he, he a'nogo mene olomene hokho mene esi mep sagalek mene amboroba hurek nugunem yethigi. Mene olomene andi unggul he 7 nen were'ma andimuk unggul oba re, 10 nen wulibik, nen, ebene mondogat he Allah enu wiik-weakhogo hilingitarek mene lisu mondok peterogo palek were'ma yethigi.

WAHYU 12:5

A'nogo werek kwelek, afuni nen sige tomuk waluk wam konharek andi hak, at he a'nogo eak ap mene tatikhesik he, sige tomuk posiemanggen mene waluk afuni inunggulenu lombok mondogat awe a'ma fisaluk omamerogo ferinarek logogin mene takhikhe. A'nogo tatu kwelek, aremnogoat omalik a'nogo telogo waluk Allah kain welagarek oba obuluk a'nogo elokhoma fei lagunem yethigi o.

WAHYU 6:16

A'nogo hinago logolik, tom inom, helep inom, inoba re mel yagaisikhi lagaikha: ”Allah anini ninoba fagain a'nogo arat horok asi waga yoma re, sa hagen endawinggen puk asimbik sebelhaluk logogin anggegep? Elo'lego. Andi nen he, hiren, at kain welagarek obuluk oba werek andi nen elokhe age watnisigik, Domba Eak andi a'mage ninoba fuluk ninoatik, ugun yi re, sanokhogo ninebe sebelninabimbik he, hina'ma hinakninobagani o,” iluk kino yagaisugunem nesanggo holhi o.

YEREMIA 17:12

Nit nineisena Tuhan ebe welagarek obare takhta fano horek andi hangge werek, nen o eroma nenat At ebe tom uan meneba welagarek.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MATIUS 22:43

A'nogo yagatukwama, at Yesus nen he ”Halok he, Allah Areagun en Daud endawimo kagalhikhemo, aren he,

WAHYU 4:10

it ap inaluendek inebe 24 omanogo nen, at kain eluk mondok welagarek mene a'nogo ineindep awi yagaisogo fogerati logolik, kware-kware inunggulmo ugu mene kirik-korokhogo, at kain welagarek obulu'mo a'nogo elokhoma yethikhi logolik he, yi'nogo ikhi lagaikha: