WAHYU 22:9 - Allah Wene Fano Wene Hupla Inane

⁹ A'nogo meneat he, aren mel yaganete: ”A'nogo fuk! An a'nogo fogetnabugun lego. An nebe re, hat inom hagaila'lak ekhe at Allah ane yagaisagarek mene inom, it ekhe inebe mondogat wene lisu palek yi inesanggo hologo higithogo hilingiti logogun mene inom, ninom higit, ninebe at Allah amingmingengge nek hilingi'mo re, hendawinggen at Allah oba eberogoat himbiret fuluk, at enek fogerasugun o,” iluk yaganete.

WAHYU 22:9 Referans Kwoze

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

WAHYU 4:10

it ap inaluendek inebe 24 omanogo nen, at kain eluk mondok welagarek mene a'nogo ineindep awi yagaisogo fogerati logolik, kware-kware inunggulmo ugu mene kirik-korokhogo, at kain welagarek obulu'mo a'nogo elokhoma yethikhi logolik he, yi'nogo ikhi lagaikha:

KELUARAN 34:14

An hineisena Tuhan Allah re, it afuni nen he, yi mene ti mene faget, Allah emberek higit, iluk fogeratarek mene andi mondok napsiri welagirek andi nen he, hiren afuni ekhe nen fogeratarek mene andi fogeratubo.

WAHYU 22:10

A'nogo yaganetesik, hobuk yaganeti logolik: ”Yi wene ti wene Allah nen ikhe mene yi weak-weagat hilinglasigin andi nen he, silo fagarek andi hak, afuni yagaisagain lek, iluk wene hendawimo asimbik kamo igi'lek yagaisikhi logoino o.

WAHYU 15:4

Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.

WAHYU 9:20

A'nogo meneat he, it afuni fenakwe inoati'lek mene andi nen, munggwarengge obabut weak mene oba himbirik logolik, inenggi nen tugwi kembu emas mene inom, perak mene inom, tembaga mene inom, helep mene inom, e mene inom, wurogo hilingitarek andi. A'nogo wurogo hilingitarek andi, it tugwi andi nen, ineilenggen isagarek legat, inesanggo holharek legat, kwe lagaikharek legat, meneat he, a'nogo wurogo fesukwasik,

MAZMUR 45:11

A'nogo logolik mel ikherek, yago hat hele yi re, an nane ikhi lagi mene yi hesanggo holin o, it hat hunggulenu mene inom, hat werekwe mene inom, andoma inoba honggoret fisan o.

ULANGAN 4:19

Hiren he, pogoroba welagarek mene, mo inom, tugi inom, hesagal inom, hineilenggen hikhi lagep mene andi amingmingengge asimbik fogerati logolik weak hilingitubo. Andi mene re nineisena Tuhan Allah nen, afuni inunggulenu hunogoat mene nen fogerakhikhi logonik he, iluk herakfisasikhe andi.

WAHYU 22:18

An Yohanes nen hit ekhe wene hobuk hilinglasigin wene an yaganete mene andi hinesanggo holugun mene hinebe lombok, wene ekhe yi yagahisak: ”Sa nen wene lisu palhi mene yi werek kwelegat, wene hunogo mene oba labelhe halok he, Allah nen afuni wene inoba fembik weagerinabigin iluk ikhe mene lisu palogo figi mene yi higithogoat, Allah nen at andi wene ekhe inom mangorogo oba fembik ebe weaget fagain aro.

LUKAS 4:7

hat heindep awi yagaisogo nawe a'ma kwi wesimbik fogetnabigin halok he, mondogat hat eise logoinogeluk wokhesigin o,” iluk yagatikhemo,

2 RAJA-RAJA 17:36

Hiren he An Tuhan nomame hokho meneba o Mesir en wokhinarek wulibi wagagi mene a'nogo nalong anggaluk legeisogo nobagakhi logoni. Nen hiren An enek fogetnafi logolik wam he an nobaget enek warogo wo'neti logoni.

MATIUS 4:9

”Yesus. Hat heindep awi yagaisogo nawe a'ma kwi wesimbik fogetnabigin halok, heilenggen yethegen mene aroma mondogat felelenghogo hat wokhesigin o,” iluk yagatikhemo re,

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.