WAHYU 21:10 - Allah Wene Fano Wene Hupla Inane

¹⁰ A'nogo yaganetu kwelek, Allah Areagun noba louk i wagama re, at malaikat a'nogo nen wo'narek tom hokho uan meneba lagaikhesik, Allah onggwarek awi o kota Yerusalem pogoroba Allah nen pelabi waga mene a'nogo yaganetemo yethigi.

WAHYU 21:10 Referans Kwoze

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.

YEHEZKIEL 11:24

Inabi wokhagarek mene hak higi mene andiba re Allah Areagun nen an legeisogo wo'narek lagasik he nebe nambotkwe sugulogo re it ap hele warogo huginabi lagaukwama Babel werek mene omanogo inambit nobagai laga. A'nogo nobagai lagasik he an neilenggen higi mene a'nogo re koma lagahe longgo ikhe.

WAHYU 17:3

A'nogo yaganetunem he, Allah Areagun noba louk i wagama, at malaikat a'nogo nen wo'narek, o afuni le'ma leimo laga. A'nogo wo'narek lagama logolik, yethigi hak he, he a'nogo mene olomene hokho mene esi mep sagalek mene amboroba hurek nugunem yethigi. Mene olomene andi unggul he 7 nen were'ma andimuk unggul oba re, 10 nen wulibik, nen, ebene mondogat he Allah enu wiik-weakhogo hilingitarek mene lisu mondok peterogo palek were'ma yethigi.

WAHYU 1:10

A'nogo were'ma, o ninoe Enupogot awi wei ikhemo re, Allah Areagun noba louk ikhemo, nambotma nen at ekhe ane pinggong hokho mene ane hangge oba mel yaganetunem nesanggo holhi:

KISAH PARA RASUL 8:39

Ima pelakfikhesik, aik oba wulibi wagunem, at Allah Areagun nen he, Filipus a'nogo hambokhogo waluk o hunogoma fei wagaikhemo re, ap kain a'nogo nen Filipus ebe hobuk eilenggen hasikhe lek. A'nogo hasikhe lek meneat he, endawimo agaiyek hilik-hilik kwe pigeluk pisikhe kwe a'nogo pisikhe.

YEHEZKIEL 11:1

Andi hilingi'luk he an a'nogo Allah Areagun nen wo'narek Tuhan Awi wuri'mo kwe ambe timur fikhit folele'ma andoma nobagai laga. Oba nen he an neilenggen higi re, ap inebe 25 nen mene were'ma it inanggele'ma re, ap inunggulenu andi melalinafu mene ap inebe pire mene, hun Azur amlogo Yaazanya inom, hun Benaya amlogo Pelaca a'nogo inom welagaikha.

YEHEZKIEL 8:3

Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.

WAHYU 4:2

A'nogo yaganetu kwelek aremnogoat, Allah Areagun noba louk i wagama neilenggen yethigi re, pogoroba at kain welagarek obuluk oba were'ma yethigi. At ebe re obulu'mo aremnogo hurek welaga.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

2 RAJA-RAJA 2:16

A'nogo hai wati logolik mel yagatukwa: ”Nit ninebe 50 nen yi, ninomame hokho mene nek welago andi nen he, hat hoe Elia a'nogo Tuhan Areagun nen tom oba hea, athe kweang tonggoma hea, waluk lambik andoma herakfisamo logoinogo re herasi logoin o,” iluk yagatukwa. A'nogo yagatukwama, at Elisa nen he, ”Lagubo,” iluk yagaisasikhe.

GALATIA 4:26

Mene re, he onggwarek agwe ebe mene hangge, o Yerusalem pogoroba mene andi, nit ninagaisa aro.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,

WAHYU 11:2

A'nogo henggi wenasi lagain meneat he, o silimo Allah awi wuri'mo abel endakwe nek he, Allah nen it afuni at ebe inonggot mene wogisikhemo, iren o silimo andoma inom, Allah onggwarek awi kota ari inom, ineisogen al perelhu kwelek tugi 42 nen logogun. Nen, ninenggi re 1.260 nen logogun andi nen he, haren walhagain mondok lego. It a'nogo werek kwelek, an nen ap inebe pire su pelagwi su labetarek andi hak laberek logolik, an nane fakhogo yagaisikhi logouwageluk lakfisa wesigin o,” iluk yaganete.