WAHYU 20:9 - Allah Wene Fano Wene Hupla Inane

⁹ A'nogo andogotasik, afuni Allah againafuri o kota Allah awi sili endawinggen hundik mene a'nogo esa folhasik were'ma o larogo inebe inoasuogeluk o peterogo kwi wesuogeluk ugunem he, endu pogoroba nen pi waga logolik, inebe hali luphogo ninggi laga isigi.

WAHYU 20:9 Referans Kwoze

YEHEZKIEL 38:16

A'nogo we'luk haren An nagainafuri Israel mene re sogoi sielu nen funhogo leik-kweik isikherek hak inoasi wesigin. Linggene higit asigin sambul he An nen hat hebe An nanggweang oba andoma sebeli lambik logoinogen iluk lakhobagagin. An nen hat Gog hebene nen hilingitunem he, yi afuni ti afuni inunggulenu lombogen he An andi re sa nogo iluk hera'nabimbik, An Allah Tegelek Mondok welagirek mene a'nogo nebe inelu asugun.

YEHEZKIEL 39:6

An nen o Magog kweang oba inom, i esanggokwe andoma inom afuni inendawi hambukhogo welagaikharekwe andoma endu fasigin. Andiba re iren An Tuhan nebe inelu asugun.

YEHEZKIEL 38:22

Athe An nen unggum wogeti logolik, ou amben weak meneba inom, amep wulagaisogo inom, wene oba fagain. Nen meiso sogenggen hokho mene inom, meiso es mene inom, endu belerang mene inom oba re, at oba inom ap agoromi tentara andoma inoba inom it inunggulenu hokhorogo at inom seberek mene andoma inom inoba kweisal fisagain.

YEHEZKIEL 38:9

It inom tentara aren mene inom, it inunggulenu hokhorogo at inendawi mene inom he sielu funha wagarek hak waga logolik inoasi wagik, nen sogoien hakhogo kweang andiba mondogat sebeli wagik ugun o,” iluk yaganete.

MAZMUR 106:18

Ariginhukwa andiba re endu pi waga logolik he, it inom wagaukwa mene andogorek welagaukwa omanogo sebelinabi pi wagaikhesik he, it wene melalek sagalfikhi lagaukwa mene omanogo endu nen inebe mondogat felelenghogo nasikhe.

MAZMUR 97:3

At elokhoma nen he endu amulok kulunghogo lagakhi logolik he, it Aselei mene At eralukwe maserogo werek mene omanogo mondogat endu nolinabi'lago.

WAHYU 13:13

At mene olomene hangge hokho mene hobuk weinam aga a'nogo, afuni nen at ebe futfouwageluk, it ineilhanem elalin mene hilingiti logolik, pogoroba nen endu pelabi wagunem yethigi.

WAHYU 11:5

Nen, it afuni nen, ”It weagerinabuok,” iluk ugun halok he, endu it ap pire andi inambelema nen wulibi waga logolik, it inaselei mene andi inebe endu nen nagain aro. Halok, sa nen, it weagerinabigeluk igin halok he, a'nogo wasu higit obaat a'nogo wasugun o.

LUKAS 17:29

ap Lot a'nogo o Sodom herakfisaluk wulibi lagaikhemo re, Allah pogoroba nen meiso endu mene inom, hendali hangge mene inom, pelakfei wagaikhemo re, it afuni omanogo inebe felelenghogo inoatikhe.

LUKAS 9:54

A'nogo herakfisasukwama, at agoromi ane wanhi lagaukwa mene inebe pire Yakobus inom, Yohanes inom, ineilenggen isasukwasik he, mel isukwa: ”Ninoe! Haren fano anggegen halok he, inebe inoasuageluk pogoroba nen endu pelakfei wesuagen he, kino yagasuok he a?” isukwa.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

BILANGAN 16:35

A'nogo hilingitukwasik it ap inebe 250 nen a'nogo amben engge dupa nolhi lagaukwa mene omanogo Tuhan nen endu lakfei wagaikhemo endu nen nasikhe.

BILANGAN 11:1

Inenggi ekhe sambul he, afuni Israel mene inoba enggin-fenggin hikhi lagaukwa mene omanogo faget he, ”Yigini'mo logou ninabire,” iluk Tuhan oba limamit falhukwa. A'nogo falhukwama esanggo holhikhesik he, a'mage hokhorogo lagasikhesik, endu inoba lakfei wagaikhe. A'nogo lakfei wagaikhemo, inanggele'ma amulok kulung-kalanghogo ninggi logolik, it inawi tenda wurik omanogo abel fenakwe felelenghogo nasikhe.

IBRANI 13:13

A'nogo wa'lagaikhe andi nen, nit kweangma yoma mondok logogun lek. We, nit hobuk o mondok logogun oba herati lago andi nen he, at Yesus afuni nen inane aik weak asegen wokhikhi yagati lagaukwa andi hak, nit a'nogo yaganisugu kwelek, at oba leget abel endakwe wulifi logouwogo.

HABAKUK 1:6

It afuni o Babel mene inobabut mondok weak het-petsek welagaikharek mene andi re, inomame asuagaluk An nenat hilinginabigin o. A'nogo hilinginabumo, inailokwe nen wulibi wesimbik, esa logalogo re, afuni inunggulenu lombok o yi awi ti awi welagaikharek mene andoma iren telogo woginabuogeluk wesugun o.

MIKHA 2:13

An nen hit hinanggwe huthisigik, hele warogo wokhinarek lagaukwama welagep oba andoma nen wokhinarek wilibi wagik, igin o. A'nogo wokhinarek wilibi waga logolik hiren leget pa'leget ambe palek mene andoma langgukhogo lakfisaluk wilibi wesugun. An hineisena Tuhan nebe Raja welagimo re, An nenat hit hinebe wokhinarek wilibi wesigin o,” iluk yagaisasikhe.

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

2 RAJA-RAJA 6:15

A'nogo latukwama, at Elisa amingmingengge a'nogo eluk a'luk o huberat siakhogo wulifikhesik kwelakhasikhe re, ap tentara Siria mene wam kuda inom, kereta weim yafarek mene inom, waluk o latukwasik weregen he, ambotkwe Elisa oba kwisikhesik he, mel yagatikhe: ”Eige noe, nit weaget ninabi'lagwi andi! ninggi'nogo hilingisugun anggegen?” iluk yagatikhe.

KEJADIAN 19:24

Aremnogoat Allah nen meiso endu mene inom hendali al hangge amben weak mene enu belerang inom o Sodom Gomora pelabi wagaikhe.

LUKAS 21:20

At Yesus nen a'nogo yagaisasikhesik, wene ekhe mel yagaisasikhe: ”It ap tentara mene nen o kota Yerusalem ari mondok walingisogo kwelafa halok he, O larogo wulil tagalogo ninoasugun a'nogo arat horok asi waga higi o, iluk, hinendawimo anggano.

LUKAS 19:43

Allah nen fanothinabigeluk hinoba waga meneat he, hit futfigi'lek welagep andi nen, hit hobuk hinaiba nen heise wulibi lanogo iluk he, hinaselei mene nen leget walingisogo waganogo hinobagambik he, fena-fena nen petet hinobagaluk horok-horok kwi wesugun o. Kwi wesimbik he, hinawi helep meneba ambolma a'ma wurik andoma ekhe obali'mo wurik herakfigi'lek meisalhi logolik hinebe mondok felelenghogo hinagainafuri hinom wulil tagalogoat hinoasugun o,” iluk inobaget le agaikhe.

ULANGAN 23:14

At hineisena Tuhan Allah nen hit hinebe hinawi sabu wuri'mo omanogo awe a'ma fethinarek were'ma, it hinaselei mene inelokhoma hit hinebe hinalonget hinobagakhi logogin. Andi nen he hit hinawi sabu wurikwe andoma mondogat fanorogo pugunhogo logoino. Nen a'nogo logogun lek halok he hit hinanggele'ma andoma obabut weak mene ekhe were'ma, At hineisena Tuhan Allah hit hinebe herak hinobagaluk laga logoinogo o,” iluk yagaisasikhe.

MAZMUR 87:2

O kota Israel oba andoma mondogaren we kota Yerusalem enek he endawinggen hundik mene werek.

AYUB 38:18

Hat he, o kweangma yoma, esanggo huli taba werek, iluk helu nogo a? Helu halok he, onggo yaganom o.