WAHYU 20:6 - Allah Wene Fano Wene Hupla Inane

⁶ It afuni attak wa'lagaukwa mene ekhe hobuk warek mondok logouwageluk wene inoba fembik inoasumo wa'lasugun. Meneat he, it ekhe attak inambotkwe inelugerinabimbik, inebe Allah faget inobagagin mene andi nek he, inendawimo mondok inagaiyek hogoino. It andi hobuk wa'lagi'lek logolik, inebe Allah inom, Kristus inom, emberek eisewerek a'luk, o mo lagagik, pigik, ugu kwelek 1.000 tahun oba, it Kristus inom afuni ekhe inawe a'ma fisaluk ferinarek logogun isigi.

WAHYU 20:6 Referans Kwoze

WAHYU 1:6

A'nogo fikhalninafikhesik, nit at eisena faget hilingiti logouwageluk, ninebe kain Allah eisewerek menninobagasikhemo welago. A'nogo menninobagasikhemo logolik ninendawimo nen he, ”At Yesus Kristus andi, omame hokho werek,” iluk nit at ebe eberogoat fogeratu mondok logouwogo, iluk, u hak, ”Amin,” igi andi.

WAHYU 2:11

Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.

WAHYU 20:14

Wene a'nogo inoba fagain andi re, suesingga it afuni ekhe inebe lombok ineluk mondok logouwageluk inenu lisu palek a'nogoba pale'lek mene halok i laut endu mene yenggelek andiba hambokhogo pelakfisikhi logolik, kweang a'ma inom, wa'lagaikharek ero inom, inomat hambokhogo andomaat pelakfisikhi laga higi. A'nogo pelakfisikhi laga andi re, attagat elama faget wa'lagunem en, hobuk wa'lasugun menere, i endu mene yenggele'ma pelakfisagain andi aro.

WAHYU 5:10

It andi inonggo palogo fisasigindik, Nineisena Allah faget hilingiti logouwageluk, Inunggulenu, Allah eisewerek, salhigin, Inebe kainat menfisasiginmo, Iren afuni kweangma mene, Inawe a'ma fisaluk ferinarek logogun,” iluk endawi watunem isigi.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

2 TIMOTIUS 2:12

Nit ninafe morogo logogun halok, afuni At awe a'ma kuluk logogun mene andi, nit ninomenat ferinarek logogun o. Niren he, ”Yesus ninoe lego,” iluk, At ebe mondok herakfisogo halok, Aren he, ”It an nagoromi legaro,” iluk, herakninobagagin aro.

ROMA 8:17

Nit ninebe Allah againafuri halok he, at Kristus yi enggin ti enggin hasikhe hak, hogoin halok, Allah nen nit Kristus ninomat fogetninabigin andi nen he, Allah nen yi mene ti mene at againafuri wogisageluk abok yagaisasikhe mene andi, at Kristus ninomat wo'nisamo, eise logogun o.

DANIEL 12:12

Nen, it ekhe tiphogo hilingitu mondok werek kwelek inenggi 1.335 huli asi lagain mene andoma re inagaiyek anggikhi logouwak.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.

WAHYU 14:13

Wene a'nogo ugunem holhiri'mo nen, ombo'ne re, pogoroba nen ane yi'nogo yaganetunem nesanggo holhi: ”Yogondak afuni ninoe Enupogot inom hundik logolik, at faget fano hilingitunem inoasugun mene re, inendawimo inagaiyek asugun o, iluk lisu palogo feino o,” iluk yaganetunem Allah Areagun pogoroba nen ane hokhorogo mel yaganete: ”Andi eberogoaro. It afuni andi Yesus faget set kwil-kwalhogo hilingiri'lagwi mene andi, ebe hilingiri'lagwi mene waluk logoin andi nen, set fanorogo walogoin o,” iluk yaganetunem nesanggo holhi.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

LUKAS 14:15

At Yesus nen a'nogo yagaisasikhemo, afuni sumburu nouwogeluk hurek welagaukwa mene omanogo, ap ekhe nen esanggo holhikhesik he, Yesus mel yagatikhe: ”It afuni ekhe Allah nen awe a'ma fisikhere'ma andoma logolik sumburu nogoin mene andi, inendawimo inagaiyek hikhi logogun o,” iluk yagatikhemo,

YESAYA 61:6

Hit hinenu re, ”Allah amingmingengge igik,” imam nit nineisena Tuhan a'nogo nen mene igik, ikhi logogun. Hit he, afuni inunggulenu lombok inangge yi mene ti mene omanogo helaluk nunggu welagik, nen it mene inangge andoma faget hiren legeisogo fakhigik ugun o.

YESAYA 4:3

Afuni inebe lombok o Yerusalem andoma herakfisamo logogun mene re, Allah nen telinabigin iluk tegelogo fisamo logogun andi nen he, it andi faget horek mene ikhi logogun.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.