WAHYU 17:4 - Allah Wene Fano Wene Hupla Inane

⁴ Nen, he andi asu ekhe elokhonggen mep hangge, nen, ekhe elokhonggen kibi-kibi warek hangge, mene laberek. Nen, alilingge re, emas mene inom, helebenggen homboninggen onggo hokho palharek mene enu permata inom, mutiara inom, palek logolik, obabut weak hilingitik, pailak fakfouwageluk hilingitik, a'nogo yanani nilik nikherek mene andi, iwak emas meneba hinago enggimo fisogo welaga yethigi.

WAHYU 17:4 Referans Kwoze

WAHYU 18:16

”Hit Babel mene hinasu kain lenan su mene elokhonggen mep hangge mene inom, kibi-kibi warek hangge mene inom, labetfuluk, hinalilingge emas mene inom, helebenggen onggo hokhorogoat palharek mene enu permata inom, mutiara mene inom, wanhi lagep a'nogo re, we, misigam faget arat alomat lagaikha yi eige, ihi!” iluk inobaget li le aga lagaikha. It a'nogo ugu kwelek, it afuni kapal hokho mene waluk nikharek mene inogogwi ap kaindek inom, inagoromi kapal ebe waluk lagaikharek mene inom, it afuni ekhe woginarek lagaikharek mene inom, it ekhe i laut yenggelek kwe yi mene ti mene herarik nikharek mene inom. mondogat, it afuni Babel mene inebe endu nunggunem inesi hule yatma nen mendek logolik ineilenggen yerogo logolik, mel ikhi lagaikha:

YEREMIA 51:7

Attak Babel he piala emas hakhogo An nenggiba were'ma o kweangma mondogat lugu-lugwit fisikhi lagaikhe. Ap inunggulenu mene re piala emas mene andiba anggur agai nenggarek engge nen lugu lugwi palhi lagaukha.

WAHYU 19:2

Haren wene inoba figik, kotik, Eberogoat enek egendek, Higithogo nek egendek a'nogo nen, Afuni o Babel mene inobabut, He yanani hilingirik nikherek mene hangge omanogo nen, Afuni o yi awi ti awi welagaikharek mene, Weak hilinginafarek andi nen, Wene inoba fegendik weagerinafen, Iren hamingmingengge mene inamep wulagaisogo inoatukwa mene faget, Inunggulmo inoaten andi nen, Fogethafi lago,” iluk wuni wati lagaikha.

WAHYU 18:12

A'nogo le aga logolik, ”Yi mene ti mene andi ebe re, onggo hokho palharek mene emas inom, perak inom, helebenggen onggo hokhorogoat palharek mene enu permata inom, mutiara inom, su kain sutera inom, lenan su inom, elokhonggen he, mep hangge inom, kibi-kibi warek hangge inom, e amben fano mene inom, wam hangge enu gajah aik mene yi mene ti mene hilingitarek mene inom, yi mene ti mene e onggo hokho palharek mene hilingitik, tembaga mene hilingitik, posie mene hilingitik, helep enu pualam mene hilingitik, agarek mene inom,

RATAPAN 1:9

At ebe emerek mene re mondogat eneksek, oba nen at ebeba asigin mene faget he aren fut fili'lago lek. At ebe mondogat wililinggin wolelenggenhogo taik ikhe, oba nen ap misigen ogo ekhe koni'lagwi lek. At aselei mene mondogat inalong agaikha andiba re aren Tuhan nen endawit nabuageluk kinori'lago.

WAHYU 14:8

A'nogo ikhesi'mo nen ombo'ne re, at malaikat ekhe wagasik, mel ugunem nesanggo holhi: ”Afuni ekhe nen it ekhe lugulugwi palik a'luk, agasabu nen pailak fakfisikhi logouwageluk, anggur enggen amusu wogisagarek andi hak, it afuni o kota Babel mene agasabu nen afuni inunggulenu lombogen pailak fakfisikhi logouwageluk, inendawimo kagalharek mene a'nogo, inebe arat wolelenggen tagalagaikha yi, weing!” iluk ugunem holhi.

DANIEL 11:38

Aren agamhogo re, dewa it ombawi nen ogo fogerati lagaukwa lek mene, dewa agalep leget kagalek werek mene a'nogo fogerati logogin, a'nogo hilingiti logolik he aren emas, perak, permata inom nen fugungge amu mene inom, dewa it ombawi nen ogo apne wanhi lagaukwa lek mene andiba obaget fuluk wogeti logogin.

YEHEZKIEL 24:13

Yerusalem yei, haren mun weak ina'meilo mene hilingiti lagagin mene andomaba hat hebe emetfakhasigin o. Ma re An nen horogo hobagagin iluk walhikhi lagiba nen, hat mondogat emetlagaginmo a'luk he hilingisu re elo'lek aple ari'logo. Hat hebe oan horogo hilingfakhigi'lek werek kwelek enek he An nanini a'nogo hat hoba fagain huli asigin.

YEHEZKIEL 24:11

Yogondak he waruk perunggu mene elema selek werek mene andi endu amboloba fembik herakfisamo aik halianggenhogo hilinglasuak. Ibesigin mene a'nogo mondogat nilik lagunem, waruk andi nekhengge ebe weneba melalek werek higithogo asigin.

1RAJA-RAJA 14:24

Iren obalik wutukwa kwe andoma re kembu dewa obaget hilingiti lago iluk he hemi hesangge hilinginafarek mene omanogo re andoma nen hilinginafi lagaukwa. It aben ogore hesangge hilinginafu mene iluk andoma hilingiti lagaukwaat. It inunggulenu Yehuda mene andoma nen ogore inunggulenu amu mene nen afuni Israel mene o kweang andoma kwi lagaukwa sambul andem Tuhan nen mugusogo wulak fisasikhe mene omanogo nen mondok weak ina'meilo mene hilingiti lagaukwa omanogo hakhogo hilingiti lagaukwa.

HOSEA 9:10

Tuhan nen ikhi logolik, ”Attak An nen Israel herakhasigi sambul andi re, afuni o leimo nen anggur enggen herakhaluk inagaiyek agaikharek hak hilingitigi. An nen attak hinombawi isasigi sambul andem he, afuni nen e ara enggen attak mene ineilenggen haluk inagaiyek agarek hak nagaiyek hasigi. Oba nen he, it inebe tom Peor oba laluk kembu baal fogeratunem, dewa iren inendawi hundik hilingiri'lagwi mene andi ebe emerek hak emetlagunem he An nen nabit anggikhi lagi o.

EZRA 9:11

it hamingmingengge nabi omanogo bene nen wo'nisegen mene omanogo herak fogosik hilingitu welagoma o. Kweang nit welagoba andi faget he iren yaganisikhi logolik, afuni mondogat unggut fena nen fenaba werek mene andoma weak mondok mene hilingitik, nalek falek mene nek hilingitik, hilingitunem he kweang andi pugun sek lego, iluk yaganisikhi lagaikha.

YEHEZKIEL 20:30

Enggere An Tuhan Allah Nebe Lego Mondok welagirek mene nen afuni Israel mene inoba nane igi mene yi yagaisano, ”Nenahalok weak elokhe ariginik mene andi it hinambu hinombalagen hilingiti lagaukwa higit mene andoma hilingiti lagep nogo? Iren hilingiti lagaukwa higit he hiren ogo kembu hinebe emethinobagali'logo mene andoma murok laga lagep andi.

2 RAJA-RAJA 21:2

At menlagaikhesik logolik he, it afuni Israel mene o kweang andiba oan kwi lagi'lek logolik, afuni inunggulenu Kanaan inap were'ma Tuhan nen mugusogo wulak fisasikhe mene omanogo inobabut kwanirogo hilingiti lagaukwa higithogo re aren ogo a'nogo nek hilingitu mandok logolik he, Tuhan elokhoma weak mene mondok hilingiti lagaikhe.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

ULANGAN 29:17

It andoma nen amu mene faget apne wanhi lagaukwa mene helep inom, e inom, perak, emas mene inom mondok hilingisu lek inabit mene omanogo hiren ogo hikhi lagagip aro.

YESAYA 66:3

Oba nen he it afuni inunggulenu andoma mene nen he it inendawimo inamolo anggagarek mene nek hilingirik lagaikharek. Iren hilingitarek mene re mondok weak mene hebak inafe asu hak mene omanogo faget hinagaiyekhogo kabogetfuluk hilingitarek. A'nogo hilingiti logolik he iren sapi ai mene watik, ap watik, hilingitu mene inom, domba eak watik, mene alonggop perelogo watik, hilingitu mene inom, gandum figik, wam amep figik, ugu mene inom, amben engge kemenyan nolhik, tugwi kembu fogeratik, ugu mene inom andoma re peneti'lek we yugunat hilingitarek.

YEHEZKIEL 28:13

Hat hebe re o Eden, Allah eabu yagoma welagagin. Hasu re, alilingge elokhe yinik hunik mene, helep permata onggo hokho mene: Helep delima inom, intan, topas inom, helep pirus helep yakut, ratna, cempaka inom, helep nilam, zamrud inom, helep alkali eil mene inom, meneba porogo wurik mene welagagin. Hangge halilingge emas mene ogo hokhorogo welaga. Hangge yi mene ti mene andoma re hat hobaget hebe walhafigi sambul andi elalhigi mene.

WAHYU 9:21

afuni ekhe inebe anggwe werek inoatik, anggwelek inoatik, pailak fakfisigik, inenggi abisak wanhik, ikhi lagaikha mene herakfisaluk inobabut hebelagi'lek logolik he, weak hundigat mondok hilingiti lagaikha isigi o.

WAHYU 21:21

Nen, kwe ambe palek ebe 12 nen omanogo kwe sou ebe lombok helep onggo hokho mene enu mutiara andi mene hilingitarek. Nen, o kota andi kwe nikherek kwe mondogat he, emas mene elokhonggen muli weak fano inafumak hangge mene talek were'ma higi.