WAHYU 16:5 - Allah Wene Fano Wene Hupla Inane

⁵ A'nogo hilinglagunem he, at malaikat i eisewerek mene nen Allah mel yagate: ”Allah hebe attak welagagindik, yogondak hetok mondogat logolik, tegelek welagandek mene nen, afuni wene higithogoat inoba fegen o.

WAHYU 16:5 Referans Kwoze

WAHYU 11:17

”Allah Nineisena, Hat homame hokho mene, Attak welagagindik yogondak inomat welagen andiba, Yogondak hat hebe kain Henupogot logolik, Afuni mondogat hawe a'ma arat fisegendik, Ferinarek mondok welagen andi nen, Hai wathafi lago.

WAHYU 1:8

Nineisena Allah Enupogot omame hokho andi, etok mondok logolik, endam welagaikhe, yogondak weregat, hobuk mondok logogin mene wesigin a'nogo nen ikhi logolik he, ”Ero inom, erembul inom, an aro,” iluk ili'logo o.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.

MAZMUR 145:17

At Tuhan andi re Aren hilingiterek mene andoma mondok katokhogo nek hilingiterek, Aren yi'nogo ti'nogo hilingiterek mene andomaba re endawi hundik mondok welagarek.

WAHYU 4:8

It andi inebe enggaminogo mene re, inebe lombok inogolabi falfaligen were'ma re, inomak abel endakwe inom, a'makwe inom, ineilenggen mondok hokhorogo welaga, were'ma re, inane kamo igi'lek, lingge hundik, hup hundik, Allah apne wanhi logolik he, ”Nineisena Tuhan Allah omame hokho mene, Attak tegelek welaga, Yogondak tegelek werek, Hobuk tegelegat logogin,” iluk fogeratu mondok welagaikha.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

MAZMUR 129:4

Oba nen he At Tuhan mondok tiphogo nek hilingiterek mene a'nogo nen, an afuni nen sebelnarek were'ma fikhalogo nobagaikhemo welagi.

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

WAHYU 16:7

A'nogo ikhesi'mo nen, ombo'ne re, Allah anggo warogo noletarek oba nen mel ugunem holhi: ”Allah neisena, Tuhan homame mondok hokho yi mene ti mene hilingisu higit enek logolik, wene inoba figik, kotik eberogoat egendek a'nogo nen, higithogo hilingiten o, neisena,” iluk ikhi laga holhi.

ROMA 3:5

Menere, nit afuni nen he, ninobabut weak hilingitorek andiba nen he, Allah obabut higithogo hilingiterek iluk enegat hilinglagu halok, ninggi'nogo ugun. Afuni nen agarek hak ekhe ik. At Allah a'mage lagaluk weagerinaferek andi weak nogo?

DANIEL 9:14

Neisena Tuhan ALLAH hobabut higithogo nek hilingitendek andi nen he, Haren, Mondok weak mene ninoba lakfei wesigin iluk isigin mene arat wendeberogo fesigindik, ninoba higithogoat lakfei wagen. Meneat he, niren hat hane ninesanggo hologo hilingiti logou mondok ninabit andi.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

WAHYU 19:2

Haren wene inoba figik, kotik, Eberogoat enek egendek, Higithogo nek egendek a'nogo nen, Afuni o Babel mene inobabut, He yanani hilingirik nikherek mene hangge omanogo nen, Afuni o yi awi ti awi welagaikharek mene, Weak hilinginafarek andi nen, Wene inoba fegendik weagerinafen, Iren hamingmingengge mene inamep wulagaisogo inoatukwa mene faget, Inunggulmo inoaten andi nen, Fogethafi lago,” iluk wuni wati lagaikha.

WAHYU 16:4

A'nogo higiri'mo nen, ombo'ne re, at malaikat henaganek mene ekhe nen Allah a'mage i hak hinago a'nogo mene ekhe kweisalogo i elesikwe inom, nen i ebe hokho asi wagarekwe inom oba pelafunem he, i mondogat elokhonggen mep aga laga higi.

YOHANES 17:25

Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,