WAHYU 16:2 - Allah Wene Fano Wene Hupla Inane

² Yagaisikhemo, it malaikat inebe 7 omanogo misik attak menere, Allah a'mage i hak hinago a'nogo mene ekhe kweisalogo afuni kweangma mene inoba pelabi wagunem he, it afuni fena ekhe mondogat inendawinggen wenggelogo mene olomene hokho a'nogo enu lisu palek a'nogo wanhik, inendawinggen ilirengge at ebe hangge hilingitarek a'nogo oba himbiret figik, aga mene halok, inebene pot mondok weak mene tugetunem yethigi.

WAHYU 16:2 Referans Kwoze

WAHYU 8:7

A'nogo hebelfuluk he, attak malaikat ekhe ambinggong anet hugunem he, meiso sogonggen inom, endu inom, mep inom, inom nanggelek-hanggelek hilingisogo kweangma woukhogo pelabi wagunem he, kweang inom, e hokhondek inom, ebe henagan oba minggilogo fagasik pire herakfikhi logolik, ekhe hali luphogo ninggik, engga helengga ket mene mondogat ninggik, ugunem yethigi.

WAHYU 16:11

inobabut inetogat logolik weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk Allah pogoroba mene enu weageratoat welagaikha isigi.

ULANGAN 28:27

At Tuhan nen afuni Mesir mene inoba hilingfesikhe higithogo hit hinoba ogore pot enggin mene hilinghinobagagin aro. A'nogo hilinghinobagaumo hinagap oba purak inom, kilip-kilibengge mene inom, agal-agalengge mene inom obat mondok lek mene hinoba asigin.

YESAYA 3:17

Andiba re An nen it unggum wogisagain, it inunggul ebene re inalulen inoumo nek sagarogo hilinglasimbik inunggul hogologo inagap enek hilinglasugun,” ikhe.

2 TAWARIKH 21:18

A'nogo hilingitukwama nen he, at Yehoram a'nogo Tuhan nen ou alabutmo mondok fano asu elo'lek mene oba fesikhe.

2 TAWARIKH 21:15

Nen noe honggwarek hebeba re ou halabutmo nilik kugunem enggin mondok hikhi logogin mene hoba asigin!” iluk palek were'ma hasikhe.

1 SAMUEL 5:9

A'nogo fei lagaukwa meneat he, peti a'nogo o andoma fei lagu kwelek inenggi andibaat, nineisena Tuhan nen afuni o kota andoma mene wene inoba fesikhesik, yenggerugwi inom, inaluendek inom, mondogat inebene tuk-tugengge hilinglasuageluk inoba fesikhe, a'nogo fugunem inailo nen inane mondok hokhorogo sagalik lagaukwa.

1 SAMUEL 5:6

Hobuk he, at nineisena Tuhan nen he, afuni Filistin mene o kota Asdod welagaukwa mene inom, o esanggokwe yi awi ti awi welagaukwa mene inom, wene inoba fikhi logolik, ou weak mene inebene tuk-tugengge hilinglasuagaluk inoba fesikhe.

ULANGAN 7:15

Hit hinebe nineisena Tuhan o Mesir oba logolik fethinarek were'ma Aren ou enggin mene hinoba figik, yi weak ti weak hinoba figik ugunem hit hineilenggen tomok hikhi lagagip andi hangge ekhe hinoba fagain mondok lego. We, it afuni hinaselei mene andi inoba fikhi logogin.

YESAYA 3:24

Yogondak he, iren amben-amben engge yuguli'lagwi, nen hobuk he it inamben weak mene sang igin. It yogondak inalinggin eil sakhorek meneba puksek oba nen hobuk helep tambang hak mene hinggi weak meneba pugeti logogun. It inunggulmo inesi fanorogo wulibik mene andoma re herogo lamo inunggul oak enek asigin. It inasu fano mene andoma hobuk su mondok pulal mene labeti logogun. Yogondak he it ineil alili fanorek oba nen hobuk he it inebeba enegenggerogo cap taget fisugunem he inebeba mondogat nonghongsek mene hilinglasugun.

MAZMUR 78:26

Nen Aren ogore o sogoi mo ero fikhiren funhoageluk mimingitikheat, At Omameba re sogoi selatan fikhiren wasi wagaikheat.

WAHYU 14:16

at ohena oba hurek welaga mene a'nogo enggarok a'nogo waluk he, kweangma enggen pali pi wagunem yethigi.

ULANGAN 28:35

At hineisena Tuhan Allah nen hineisok oba purak ou mondok weak mene, weak-weak agambut asu lek mene hilinghinobagaumo, hineisok oba nen pikhit hinunggul oba andi re mondogat pot enek selelemsek logogin.

WAHYU 13:12

Weinam agasik, mene olomene hangge attak mene a'nogo eisewerek logolik hilingiti laga mene, at mene olomene hangge hobuk weinam aga mene andi eisewerek agasik, aren afuni yagaisikhi logolik he, ”Afuni kweangma welagep mene mondogat, at mene olomene hangge attak mene a'nogo watukwama re, ebe wa'lasu hak mene fano agaikhe mene andiat hinendawinggen oba himbiret fuluk fogerasugun o,” iluk ane ninghogo yagaisugunem holhi.

WAHYU 14:9

It malaikat inebe pire a'nogo agasi'mo nen, inombo'ne malaikat ekhe wagasik, ane hokhorogo mel ugunem holhi: ”Hit ekhe mene olomene hangge hokho andi inom, ebe higit ilirengge hilingik andi inom, hinendawinggen inoba himbiret fuluk fogerinafepsik, hinebe silorogo at enu palek hinelhaba he a? Hinenggiba he a, wanhep mene halok,

WAHYU 16:1

A'nogo yethigiri'mo nen, ombo'ne re, Allah awi wuri'mo a'nogo nen, at ane hokhorogo it malaikat inebe 7 nen omanogo mel yagaisugunem nesanggo holhi: ”An Allah na'mage i hak iwak ebe 7 ba hinago mene ari kweisalogo afuni kweangma mene inoba pelabi lani o,” iluk yagaisugunem holhi.