WAHYU 11:6 - Allah Wene Fano Wene Hupla Inane

⁶ Nen, iren Allah ane yagaisikhi logolik, ”Meiso pogoroba nen pi wesigin lek,” iluk elogat yagatik, i mondogat mep asuageluk elogat hilingitik, nen inendawimo amolo anggogoin oba, ”Afuni kweangma mene yi ou ti ou inoba fouwok,” iluk elogat ou ero inoba figik, ikhi logouwageluk, Allah nen eisewerek fisikhemo a'nogo hilingisugun isigi.

WAHYU 11:6 Referans Kwoze

LUKAS 4:25

Nen, ap Elia welagaikhe andem higit he, meiso wagi'lek 3 tahun agaikhesik he, hobuk tugi 6 en folelhikhemo re, o andoma yi awi ti awi sumburu mondok ouwak agaikhe. Andem higit he, afuni Israel mene were'ma hemi sogwe mene hokhorogo welagaukwa meneat he.

1RAJA-RAJA 17:1

A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.

1 SAMUEL 4:8

Eberogoat weaget ninabugun o! Halok he, it ineisena dewa fogeratarek mene omame hokho andi nen ninoasinogoluk sa nen telninabigin anggegep? It ineisena fogeratarek mene andi nen endamat ap Mesir mene o leimo afuni le'ma nen wulil tagalogo inoatikhe lek nogo? Eberogoat inoatikhe aro.

WAHYU 8:8

Andi hak, at malaikat attak ambinggong anet hasikhemo nen, hobuk at ekhe ambinggong anet hugunem he, tom hangge hokho mene ekhe endu amulok wulifunem he, hambokhogo i laut yenggele'ma pelabi wagunem, i laut inom, Allah nen elalhikhe mene i laut elonggoma welagarek mene inom, kapal hokhondek mene inom, andoma mene henagan oba minggilogo fuluk, pire herakfikhi logolik, ekhe weagetfugunem he, i elokhonggen mep agik, yi mene ti mene ima mene ekhe wa'lagik, kapal weagerogo figik, ugunem yethigi o.

WAHYU 16:3

A'nogo higiri'mo nen, ombo'ne re, malaikat pirenek mene ekhe Allah a'mage i hak hinago mene a'nogo kweisalogo i laut yenggelek oba pelafunem he, i elokhonggen afuni inoatunem inamep hangge hilinglaga logolik he, yi mene ti mene i laut yenggelek elonggoma eluk welagarek mene mondogat wa'larik laga-laga higi.

WAHYU 16:4

A'nogo higiri'mo nen, ombo'ne re, at malaikat henaganek mene ekhe nen Allah a'mage i hak hinago a'nogo mene ekhe kweisalogo i elesikwe inom, nen i ebe hokho asi wagarekwe inom oba pelafunem he, i mondogat elokhonggen mep aga laga higi.