WAHYU 11:13 - Allah Wene Fano Wene Hupla Inane

¹³ O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.

WAHYU 11:13 Referans Kwoze

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.

WAHYU 6:12

A'nogo yerisigiri'mo nen, ombo'ne yethigi hak he, suesingga uan meneba silo fagarek andi hak, amusu te'merogo fesukwa a'nogo mene Domba Eak a'nogo nen enggi fuap oba arat fikhalhesigen, ekhe fikhalhunem he, lugul hokhorogo lang-fanget higik, o mo elokhonggen mum hal-hali warek hangge hilinglagik, tugi elokhonggen afuni inamep hangge agik,

YOSUA 7:19

A'nogo oba agaikhemo Yosua nen hun Akhan oba ikhi logolik he, ”Namlogo, haren hilingiten mene andoma afuni Israel mene ineisena Tuhan Allah eilhanem fage'luk selekhogo nek ya nen in. Ekhe sebelhi'lek fakhogoat an yaganom o.” iluk yagatikhe.

WAHYU 15:4

Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 11:11

Inenggi henagan oba re a'nogo hilingiti logombik, inenggi ekhe linggene a'nogo hilingitu were'ma, Allah Areagun inelugerinaferek mene a'nogo it ap pire andem inendawimo kugunem ineluget fisamo menlasumore, afuni mondogat ineilenggen isambik he, inailo hokhorogo asugun o.

WAHYU 8:5

A'nogo hilingitesik, hobuk he, at malaikat a'nogo nen endu yi mene ti mene Allah faget noletarek a'nogo mene wanhesik, lemesak a'nogo elonggoma kwalogo re, kweangma woukhogo pelakfisa waga laga. A'nogo pelakfisa wagunem he, eilabut hobugalep yararethikhi logolik, unggunggu ane hokho mene pak ilugen ane lulu lagik, lugul hokho lang-fanget higik, ugunem higi o.

YEREMIA 13:16

Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.

WAHYU 19:7

A'nogo logolik, Domba Eak agwe ikhageluk awi arat wei ikhemo, at agwe a'nogo onggwaregen arat lombologo fakhikhemo andi nen he, ebe arat isigiluk logolik ninendawimo ninagaiyegen ninanggilukhogo at fogerati logouwogo.

1 SAMUEL 6:5

Andi nen he, hiren hinebene tugerik laga mene andi faget alik hilingitik, nen o hit were'ma yoma wusikham sakhogo kwi wagasik weak-peakhogo hilingiri'lago andi nen he, wusikham alik ekhe hilingitik, ini o. Hiren afuni Israel mene ineisena Allah agaukhogo a'nogo hilingisugun andi nen he, Aren hit hinebe inom, hinandugwi kembu inom, hinawi inom, wene hinoba fikhe mene andi korogo leget fagain anggikhi lago o.

KEJADIAN 6:4

O huli attak andem oba inom, hobuk oba inom, afuni kweangma inobakhe hokhondek mene ekhe welagaukwa. It afuni inebe inobakhe hokhondek andi re, hemi fano mondok it ap Allah againafuri mene nen woginafukwa mene omanogo nen taginafukwa mene. It ap inobakhe hokhondek andi re, attak welagaukwa andem oba inasialok weak logolik, inenu werek welagaukwa andi.

WAHYU 3:4

A'nogo meneat he, hit afuni o Sardis mene hinebe endebat ekhe, afuni nen inasu sobalek mene muli mene oba labulasinogo iluk tegelogo welagaikharek andi hak, weak ekhe hilingiti'lek werek andi, inasu kut mene labesugun obaat laberogo nen an ninom nikhi logogun o.

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

YESAYA 29:6

Tuhan Omame Mondok Hokho mene a'nogo nen o kota andi sogoi sielu hokho meneba nen inom, lugul hokho meneba nen inom telogo fagain. Aren sielu inom, endu amulok inom, herogo tak ikherek mene lakfei wesumo re mondogat libunghogo nagain.

YOHANES 9:24

A'nogo isukwama iren he, attagat eilenggen mumat ta'lagaikhesik welagaikhe mene a'nogo hobuk, ”Eme o,” iluk wolhasukwama wagaikhemo re, mel yagatukwa: ”Ap andi ebe weak hilingiterek mene nit ninelu andi nen he, hat honggwaregen hane eberogoat Allah enu hombuk palogo yaganisan o,” iluk yagatukwama,