ULANGAN 26:3 - Allah Wene Fano Wene Hupla Inane

³ A'nogo waluk lagep halok he, hinebe lombogen ap Allah eisewerek mene o andi sambul yabu Allah faget hilingitunem inoba laluk he, yi'nogo yagaisikhi logoino: Nit ninebe nineisena Tuhan Allah nen o nit wo'nisagain mene faget, hombuk palogo it ap nit ninombalak wene warisasikheba a'nogo arat kwi wagi o, iluk Allah yagati lagi, iluk yagaisikhi logoino.

ULANGAN 26:3 Referans Kwoze

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

IBRANI 10:21

Yatikhesik, at ebe Allah aiba andomaat eisewerek nit faget kain welagarego.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

ULANGAN 19:17

it wene wanhakwe inom, inoba fagakwe inom, at ap Allah eisewerek mene inom, ap wene inoba figik, kotik, agarek mene inom, andi inomen wene inoba figik, kotik, uagaluk, inebe o nineisena Enupogoren samban ikhi logouwagaluk wenagaisogo fagain oba andoma Allah faget yabu hilingitunem inoba laga logoino o.

KEJADIAN 26:3

An nen wene abok wene warogo heisena Abraham yagatigi mene a'nogo higithogo hilingiti logolik, hebe fetharek welagik, fanot hobagagik, ikhi logogin. Nen o kweang yoma hat inom haren tagongge mene inom wokhisagain.

KEJADIAN 17:8

An nen he, kweang o Kanaan hat hebe ap pok higit welagenma yoma, hat inom, haren tagongge mene inom, wokhesigin o. Mondogat haren tagongge mene eise asimbik mondok werek kwelek, An Allah it ineisenaat asimbik logogin o,” iluk wene waretikhe.

ULANGAN 26:2

Sumburu, yi mene ti mene, awi yasugun mene mondogat ebe attak-attak tatik, enggen palhik ugun mene andi re, andogorogo suba kwalogo fuluk, o nineisena Tuhan Allah enu fogerati logogun oba onggwaregen wenagaisogo fakhagain oba andoma waluk laga logoino.

ULANGAN 26:4

A'nogo yagaisugunem, it ap Allah eiseweregen he, hiren Allah faget fogoin mene su kwalek andi, hit hinenggiba nen wanimbik he, yi mene ti mene nineisena Tuhan Allah noleti logogun oba elokhoma andoma fikhi logouwago.

ULANGAN 1:8

An hineisena Tuhan nen hinombalak Abraham inom, Ishak inom, Yakub inom, yagaisikhi logolik, O andoma mondogat hit inom, hiren taginabugun mene inom wokhisagain, iluk wene arat warisasigimo. Ma re, o andoma sebeli kwino o, iluk yaganisasikhe anggigi,” iluk yagaisasikhe.