ULANGAN 1:4 - Allah Wene Fano Wene Hupla Inane

⁴ A'nogo yagaisasikhe andi re, at Musa nen ap kain enu Sihon, it afuni inunggulenu Amori mene inoe enupogot logolik o kota enu Hesybon welagaikhe mene andi inom, ap kain enu Og, o Basan tonggwe afuni o kota Asytarot mene inom, Edrei mene inom, inoe enupogot logolik ferinarek welagaikhe mene inom, emberegat mabenet fisasikhesik oba nen yagaisasikhe.

ULANGAN 1:4 Referans Kwoze

NEHEMIA 9:22

It afuni inunggulenu hunogo mene, nit ninombalak inawi wogisasigin oba yoma huliba welagaukwa mene mondogat mabenet fisaluk, inomame asuageluk hiliniginafigin andi. Andi re, o Hesybon ap raja Sihon nen ferinarek welagaikheba mene sebeli kwi wagik, o Basan ap raja Og en ferinarek welagaikheba mikha kwi wagik, isukwa andi.

ULANGAN 2:26

”A'nogo yagaisasikhesik ekhe yagaisikhi logolik, andi nen o Kedemot leimo nen an ap wenagaisogo hun Raja Sihon o Hesybon agun a'nogo ambit nit liolhu aple ningginik iluk yonggo lakfisikhi logolik,

MAZMUR 135:11

Ap Sihon Amori mene inoe raja a'nogo inom, hun Og o Basan mene inoe raja a'nogo inom, nen it raja-raja ekhe o Kanaan oba welagaukwa mene omanogo inom inoatikheat.

KEJADIAN 14:5

A'nogo wasuogeluk isukwa meneat he, tahun ekhe 14 oba re, at kain Kedorlaomer inom fanorogo lambul fesukwasik inagoromi tentara mene inom waga logolik he, afuni inunggulenu Refaim mene, o Asyerot-Karnaim andoma mabenetfisigik, afuni inunggulenu Zuzim mene o Ham andoma mabenetfisigik, afuni inunggulenu Emim mene, o Syawe-Kiryataim andoma mabenetfisigik,

ULANGAN 1:5

Musa nen wene a'nogo yagaisasikhe andi re, i Yordan abel mo liabi wagarek higit, afuni Moab mene inaiba higit andoma logolik, wene Tuhan nen, ”Yi'nogo hilingi'no, ti'nogo hilingi'no,” iluk komorinafik, yagaisigik, isikhe mene a'nogo eroba nen pilingisogo yagaisageluk isikhe.

ULANGAN 3:6

Niren raja Sihon o Hesybon agun a'nogo nen ferinarek welagaikheba o kota omanogo hilingfesugu hakhogo, o kota andoma mondogat he lilibuk-lalabakhogo hilingfikhi logolik ap inom hemi inom omalik yenggerugwi mene inom mondogat inoatugu.

ULANGAN 4:47

Iren o kweang at raja Sihon agun nen mene inom, raja Og awi Basan agun a'nogo nen mene inom, ap raja Amori mene misik amu mene i Yordan fena mo liabi wagarek fikhit andoma welagaikhe agun a'nogo nen mene fesukwa.

ULANGAN 3:1

A'nogo yagaisasikhesik ekhe yagaisikhi logolik he, ’Andi nen nit eil ambolkwe o Basan fikhit lagagusi'mo nen hun Og o Basan raja welagaikhe agun andi agoromi sikhe fisogo mene tentara inom monesi waga logolik o kota Edrei horokhogo andoma nen ninoba tok pisinghogo kwelabi wagaukwa.