ULANGAN 1:2 - Allah Wene Fano Wene Hupla Inane

² (O tom Sinaiba andoma nen he, o Kades-Barnea wesuogoluk o Edom kwe nen waga logolik he inenggi 11 nen nogo ilik wagaikharek.)

ULANGAN 1:2 Referans Kwoze

BILANGAN 13:26

Wagaukwasik he, it Musa inom, Harun inom, afuni Israel mene inebe mondogat inom, o afuni le'ma Paran leimo o enu Kades andoma inebe andogorek were'ma inoba wagaukwasik he, ”Yi'nogo hogo, ti'nogo hogo,” iluk yagaisigik, e enggen palogo waluk wagaukwa mene omanogo inugisigik, isukwa.

BILANGAN 32:8

O Kades-Barnea nen it hineisugwi inoba kweang andi ineil penesi loageluk an nen lakfisasigimo nen ogo, a'nogo nek hilingita.

ULANGAN 9:23

A'nogo hilingi'luk, At Tuhan nen hit o Kades-Barnea andoma herakfisaluk o hit wokhisagain oba andoma logouwogoluk waga logolik, nineisena Tuhan nen, yi'nogo sebeli kwino, iluk yagahisasikhe mene andi, eberogoat yaganisikhe, iluk hologo hilingisu hinabiren sagalogo weak hilingitigip andi.

YOSUA 14:6

Linggene misik sambul he it inunggulenu Yehuda mene at Yosua o Gilgal were'ma ambit wagaukwa. It wagaukwa mene andem ap misik ekhe enu re Kaleb hun Yefune amlogo ap Kenas mene a'nogo nen ikhi logolik he, ”Yosua ao! Nit inom hat inom faget o Kades-Barnea nen Tuhan at Musa Allah amingmingengge a'nogoba yagatikhe mene aremnogo re harogo helu o.

ULANGAN 2:8

Andi nen nit laga logolik, ebekwe o kota Elat kwe nen he, o Ezion-Geberi i hokho yenggelek mene enu Laut Mati werek fikhit lagarek mene a'nogo herakfuluk haningisogo re timur laut fikhit o Moab leimo lagagu.

ULANGAN 2:4

A'nogo isikhemo an nen wene melalek yi'nogo hilingiti logogun ti'nogo hilingiti logogun iluk Tuhan nen hit yagahisoageluk mimingnafi logolik he, yi'nogo isikhe: we hinenggi welagi'legat o Edom kweang oba hit Esau nen tagomangge mene were'ma kuogeluk welagep. Nen hit a'nogo kugunem iren hit faget inailot hinabugun aplerek logou hak.

ULANGAN 1:44

A'nogo lagagipmo it afuni Amori mene o tomkwe andoma welagaikharek inap wulibi laga logolik hit hinom weim yafigip. It inebe esa re kin awi meisalfugunem wulibi wagarek hakhogo hilingik logolik, iren hit mukhinarek o Horma horokhogo huli hinobagai wagaukwasik, it o Edom mene were'ma tom oba omanogo nen hit mabenet hinobagasukwa.

IMAMAT 9:23

Andi nen at Musa inom Harun inom Tuhan Awi Sabu sale'ma a'nogo kwisukwasik wulibi waga logolik it afuni Israel mene a'nogo inoba fanot fisugu kwelek, it afuni Israel mene mondogaren a'nogo nen Tuhan ombak-bak selegeraterek mene a'nogo weinam asi wagunem hasukwa.

IMAMAT 2:14

Nen, hiren he gandum enggen attak-attak mene palogo Tuhan faget fei wesuogeluk halok he, gandum ket sagalhu mene inom, iringitu mene inom halok fei waga logogun.

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

KEJADIAN 32:3

A'nogo arat salhikhesik, agoromi Esau oba o Edom wesuageluk attagat yonggo lakfisasikhe.

KELUARAN 17:6

A'nogo lagunem he, an nebe hit hinelokhoma tom Sinai era'lu helep hokho mene andiba mendek logogin o. Were'ma lambik, helep andi wa'no o. Watunem i wulibi wagunem he, afuni andi i elok noago,” iluk yagatikhemo, at Musa nen it afuni Israel mene inogogwi omanogo ineilenggen werek kwelek a'nogo watikhe.

ULANGAN 1:19

A'nogo yagaisasikhesik ekhe yagaisikhi logolik, ”Andi nen at nineisena Tuhan Allah nen melalninobagaikhe higithogo nit o tom Sinai oba omanogo herakfuluk o lei mondok liare'kwe, kwe mondogat uankwe waga lagagusik, o tom oba it afuni Amori mene werek kwe nen wagagu. Andoma kwe nen waga lagagusik o Kades Barnea huli asi wagagu.

ULANGAN 2:1

A'nogo welagagusik Tuhan nen wene yaganetikhe higithogo ninelokhe hebekhogo sugulogo kwe Teluk Akaba unggut halogo lagarek kwe andoma nen o leimo hobuk wulifugu. Wulifugusik o Edom tonggwe andoma leil warik nikhi lagagu.