ULANGAN 1:1 - Allah Wene Fano Wene Hupla Inane

¹ Wene palek yi mondogat he, at Musa nen afuni Israel mene inom o leimo afuni le'ma o Yordan tonggwe andoma logolik yagaisasikhe mene lisu palek werek. O tonggwe andi re, i Yordan abel o mo liabi wagarek higit kota Paran liakhigik, nen kota Tofel inom, Laban inom, Hazerot inom, Di-Zahab inom, pelakhigik, tulem kota Suf horokhogo andoma.

ULANGAN 1:1 Referans Kwoze

1 SAMUEL 25:1

A'nogo hilingitukwasik inenggi aninurogo welagi'legat at Samuel a'nogo wa'lagaikhe. At wa'lagaikhemo it afuni Israel mene mondogat fong watunem inom wasugun iluk kabogetukwasik, at ebe onggwarek aiba o Rama omanogo salhukwa. A'nogo wa'lagaikhemo salfuluk he at Daud a'nogo o Param leimo andoma lagaikhe.

YOSUA 22:4

Arigini'more, hit hineisena Tuhan Allah nen wene wathisikhe higithogo re, it hinagaila'lak Israel inap amu mene andoma inoba re hambukhogo logouwageluk hilingisogo fisani o. Ma re, yogondak hit hinebe wilayah hiren mene i Yordan fena mo liabi wagarek fikhit attak Musa nen wokhisasikheba omanogo lani.

YOSUA 9:10

nen, ekhe Tuhan nen raja Amori mene inebe pire o i Yordan ima nen mo ero fikhit andoma werek mene, hun Sihon raja Hesybon agun andi inom, hun Og raja Basan agun o Asytarot werek mene andi inom inoba hilingfisasikhe mene andoma holhosik wago o.

YOSUA 9:1

Wene Yosua inom afuni Israel mene inom inomame aga logolik raja-raja mabenet fisilik laga lagaukwa mene omanogo faget he inabok wialarik laga logolik, raja i Yordan fena o mo ubuk ikherek fikhit werek mene inom, tomkwe welagaikharek mene inom, tonggokwe o abel fena-fena welagaikharek mene inom andoma i Laut Tengah huli andoma nen he tom Libanon soganogo eil ambolkwe andoma huli, o andoma it raja Het mene, Amori mene, Kanaan mene, Feris mene, Hewi mene, Yebus mene andoma nen holhukwa.

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

BILANGAN 35:14

o andem he henagan i Yordan fena timur fikhit figik, nen henagan ekhe re o Kanaan anggweang fikhit figik, ugun.

BILANGAN 34:15

Kweang it inangge eise agaukwa mene re i Yordan nen mo liabi weri'lago fikhit, o kota Yerikho horokhogo andomaba.” iluk yagaisasikhe.

BILANGAN 32:32

Nit he Tuhan nen wo'ninarek lagu kwelek o Kanaan kweang oba andoma lambik weim yabi logoin, oba nen he kweang i Yordan fena mo liabi weri'logo fikhit yi re nit ninanggweang mene asigin,” iluk isukwa.

BILANGAN 32:19

Nit he ninanggweang i Yordan fena mo wulibi wagarek fikhit yoma mondogat helogoin hilingi'mo re, it ninagaila'lak inanggweang i Yordan palogo fena fikhit andoma nit endebat iluk ogo ekhe helogoin lek,” iluk isukwa.

BILANGAN 32:5

kweang andoma nit ninaggweang mene asuageluk wo'nisobagaigen kino yagahisikhi lago. Nit he i Yordan esanggo fena fikhit a'lima lani iluk yaganisagubo,” iluk yagaisasukwa.

BILANGAN 13:3

A'nogo yagatikhemo At Allah nen isikhe mene a'nogo higithogo Musa nen o Paran leimo andoma logolik lakfisasikhe. Ap inebe andem mondogat he, it afuni Israel mene inogogwi kaindek inanggele'ma ferinarek logolik wene lenggalinafi lagaukwa mene nek lakfisasikhe: Inunggulenu lenggalinafi lagaukwa mene, Ruben mene Syamua hun Zakur amlogo Simeon mene Safat hun Hori amlogo Yehuda mene Kaleb hun Yefune amlogo Iskhar mene Yigal hun Yusuf amlogo Efraim mene Hosea hun Nun amlogo Benyamin mene Palti hun Rafu amlogo Zebulon mene Gadiel hun Sodi amlogo Manasye mene Gadi hun Susi amlogo Dan mene Amiel hun Gemali amlogo Asyer mene Setur hun Mikhael amlogo Naftali mene Nahbi hun Wofsi amlogo Gad mene Guel hun Makhi amlogo.

BILANGAN 12:16

A'nogo hilingitukwasik enek he it a'nogo o Hazerot herakfuluk he, o Paran leimo andoma inawi sabu wusi lagaukwa.

BILANGAN 11:35

A'nogo hilingi'luk, afuni omanogo o andoma nen he, o enu Hazerot wagaukwasik inawi su mene andoma wutukwa.

BILANGAN 10:12

A'nogo lagasikhemo re, it afuni Israel mene inebe hilingik higithogo attak mene nen he wurep kobokhogo mene huli laga logolik he, o Sinai leimo omanogo herakfuluk lagaukwa, Nen ohena a'nogo re it afuni omanogo o Paran leimo asi wagaukwa hak he o andoma kamo isikhe.

KEJADIAN 21:21

A'nogo were'ma, at agaisa nen he, he Mesir mene ekhe igetikhe.

BILANGAN 13:26

Wagaukwasik he, it Musa inom, Harun inom, afuni Israel mene inebe mondogat inom, o afuni le'ma Paran leimo o enu Kades andoma inebe andogorek were'ma inoba wagaukwasik he, ”Yi'nogo hogo, ti'nogo hogo,” iluk yagaisigik, e enggen palogo waluk wagaukwa mene omanogo inugisigik, isukwa.

HABAKUK 3:3

An neilenggen hiugunemen he neisena Allah Hebe Mondok Tegelek welagen mene a'nogo o Teman fikhiren wagik, nen o Paran tom fikhit andoma nen wagik ugunem hiigi o. Nen Hat hebe agaugwet hafarek mene a'nogo pogoroba mondogat sagare'ma re, kweangma yi awi ti awi mondogaren ogore Hat faget wuniba fogethafu welagaikharegat andi.

ULANGAN 2:8

Andi nen nit laga logolik, ebekwe o kota Elat kwe nen he, o Ezion-Geberi i hokho yenggelek mene enu Laut Mati werek fikhit lagarek mene a'nogo herakfuluk haningisogo re timur laut fikhit o Moab leimo lagagu.

YOSUA 3:16

aremnogoat, i waga lagaikhe mene a'nogo yaga'lagaikhesik mogo yenggelhikhe. A'nogo yagarogo yenggelhi logolik he, i a'nogo elesikwe higithogo yatkwe o Adam, o kota Sartan era'lu andoma huli yenggeli lagaikhe. A'nogo yagarogo yenggela-gaikhemo, i ambut laut yenggelek mondok welagare'ma pikherek mene firok isikhemo, afuni Israel mene i firokse'ma ial ebene nen, o kota Yerikho higit wulibi wagaukwa. It a'nogo wulibi wesuogoluk he, it ap imam peti Wene Warogo Allah nen wo'ninafikhe iluk hilingik a'nogo waluk i enggen tulem mendek mondok werek kwelek he, afuni Israel mene mondogat i palogo wulibi wagaukwa.

1RAJA-RAJA 11:18

Lagaukwasik it inebe o Midian nen he o Paran lagaukwa. Andoma nen ap fenakwe inom mangotukwasik inom seberogo re raja Mesir mene were'ma kwi lagaukwa. Kwi lagaukwama re at raja Mesir mene andi nen Hadad oba o inom, kweang at ebe werek oba inom, at ebe eluk logolik logogin mene inom wogetikhe.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.

ULANGAN 27:1

A'nogo yagaisasikhesik At Musa inom it afuni Israel mene inogogwi kaindek ferinarek mene omanogo inom he it afuni inunggulenu andoma mene inoba yi'nogo yagaisasukwa: ”Wene melalek an nen yogondak yagahisigi mene andi re hiren mondok hologo nek hilingiti logoino.

ULANGAN 29:1

At Tuhan nen Musa inom afuni Israel mene inom yagaisikhi logolik hinane yi'nogo wene warogo feino iluk yagaisasikhemo, it o Moab kweang oba logolik wene watukwa mene ebe yi: Wene warek fesukwa mene andi re wene attak o Tom Sinai ba nen At Tuhan inom it afuni Israel mene inomen watukwa mene a'nogo ambisangma wene watukwa.

ULANGAN 31:1

At Musa nen a'nogo yagaisasikhesik ekhe afuni Israel mene mel yagaisasikheat: