TITUS 3:1 - Allah Wene Fano Wene Hupla Inane

¹ Allah againafuri haren ferinarek welagen mene andoma nen, inogogwi pemerintah mene kaindek inawe a'ma were'ma, iren yi mene ti mene higithogo hilingisuageluk ugunem, ”Io,” iluk inane hologo hilingiti logouwageluk komorinafi logoino.

TITUS 3:1 Referans Kwoze

PENGKHOTBAH 10:4

Hat hoba ap ekhe omame logogin mene nen wenakhetu halok he, yabu hilingiti logogin mene herak fisagain iluk yagasu fuk. Hat weak hilingiten mene hokhorogo werek kwelek oba nen, hafe morogo sebel haluk logogin halok he aren sagalogo legetfisagain.

AMSAL 24:21

Namlogo e, Tuhan faget hailorogo logolik raja legeisogo fikhi logoino. It ekhe nen, awea'ma logogun ninabit iluk agarek mene andoma inoba hinom he muginarek laga logou fuk.

MATIUS 22:21

iren he, ”Ari Kaisar aro,” iluk yagatukwama, at Yesus nen he, ”Kaisar mene halok he, Kaisar at wogetik, Allah mene halok he, Allah at wogetik, ikhi logoino o,” iluk, yagaisasikhemo re,

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

2 TIMOTIUS 2:21

Andi hak he, sa nen onggwaregen weak hilingitarek mene andi horogo herakfisaluk, ebe Allah faget fisaluk were'ma, arenat yi mene ti mene fano mene hilingisigeluk, ”Arat fano,” iluk, ayonggo fagain andi.

2 TIMOTIUS 1:6

A'nogo himbirik welagen andi nen he, an nen nenggi hunggul sebelhunem, Allah obabut fano nen, ”Hat yi'nogo hilingiti logoino,” iluk hobabut wokhetikhe mene andi, endu nonggwalharek hak, hendawimo aganhan asimbik logoinogeluk hendawimo kagalogo yagaheti o.

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

1 KORINTUS 15:58

Andi nenat, nerugwi nagaila'lak. Hinebe nendawi e. Hinendawinggen en wurikhogo, hambukhogo logoino. Ninoe Enupogot ninom hundik logolik he, at faget yi mene ti mene hilingitunem alomat lasigin lego, iluk, hundik-handik ninghogo hilingitu mondok logoino o.

YEREMIA 27:17

hiren it inane holu fuk! Hit hinagap telek logobagaigen he raja Babel mene a'ma sebei we'ni o. Nenahalok o kota yi wolelenggen esigin nogo?

ULANGAN 17:12

Ap sa nen ekhe it imam mene omanogo ogo, at wene katokhogo palherek agun yabu hilingiti logolik werek mene a'nogo ogo inane sagalhu halok he, ap andi oba wene fuluk ebe pinggi wa'no. A'nogo hilingisugun andiba re kwanirek mene hit Israel mene hinanggele'ma hilingiri'lagwi mene andi legasigin.

2 PETRUS 1:12

Andi nen he, wene ebe wene hinelu agagipsik hinendawinggen wurikhogo fisogo welagep meneat he, an nen wene igi andi faget hundik-handik hinendawimo ebethisikho mondok logogino.

TITUS 3:8

igi andi eberogo aro. Haren it ekhe inendawinggen Allah oba himbirik werek mene nen, afuni ekhe faget fanorogo leberisagarek andi mene esinet fuluk anggilukhogo hilingiti logoumo, afuni mondogat faget fano mondok, iluk, a'nogo hilingiti logouwageluk, ninghogo komorinafi logoinogeluk, an nendawimo anggigi mene yagaheti andi.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

YESAYA 43:26

Wene andi eberogo nen iluk ninelu asuogen he, o inanema wanigin oba lambik, Hit eberogoat egep, iluk enegat asuagen he, Yi'nogo isigin anggigi, iluk ebetneano o.

YUDAS 1:5

Wene yagahisagain yi, attagaren hinelu meneat he, hobuk hinendawimo ebethisagain andi. Ninoe Enupogoren againafuri Israel mene o Mesir were'ma telinafikhe meneat he, hobuk it mene ekhe inendawinggen at oba himbirik welagaukwa lek mene re inebe inoatikhe.

TITUS 3:14

Afuni nit Allah againafuri mene ekhe, e enggen fano mene iti'lek welagarek hak, it andi fano mene eise agi'lek tulemat alemarogo logoinogo iluk, it ekhe yi mene ti mene legen nong a'luk were'ma, it inonggwarek fano hilingiti logolik leberisikhi logouwogeluk, andi mene esinet fuluk yanggulhi logouwago.

2 TIMOTIUS 2:14

Wene yagaheti mene andi mondogat it ekhe inendawimo eberogo yagaisikhi logoino. Yagaisikhi logolik, we, inane mene fagerat wene pali'lagwi andi Allah eilhanem fanorogo komorinafi logoino. A'nogo wene pali'lagwi andiba, fano hilinglasigin lego. We, it ekhe inesanggo holiluk, weak asugun aro.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.