Biblia Todo Logo
Bib sou entènèt

- Piblisite -




TITUS 1:4 - Allah Wene Fano Wene Hupla Inane

4 Titus namlogo e. Hendawinggen nit ninom higithogoat Allah oba himbiret fuluk welagen andiba, an nonggwarek namlogo harat agagin andi. Nineisena Allah inom, ninoe Kristus Yesus telninaferek mene inom, emberek inobabut fano a'nogo nen, fano mene wokhetik, hendawinggen hambugethafik, ikhi logouwago.

Gade chapit la Kopi




TITUS 1:4
31 Referans Kwoze  

Nerugwi nagaila'lak. Hinebe nendawi e. Wene Allah nen hit ninomat telninafikhe a'nogo faget wene lisu palogo hinoba lakfei wesigeluk nendawinggen eberek mondok welagirik he, hobuk nendawinggen sebelu elo'lek agama re, wene mel faget lakfei wagi andi. Andi re, it afuni ekhe Allah ebe inabit mene nit ninonggot werek kwelek ninanggele'ma kwi wesimbik he, Allah obabut fano nen wo'ninaferek mene andi, iren lagakhogo wene hunogo mene yagahisikhi logolik he, ”Weak mene hesanggeat hilingiti logogun,” iluk, ninoe Enupogot Yesus Kristus omame hokho a'nogo ebe herakfisaluk, hilingiri'lagwi andi. A'nogo hilingiri'lagwi andi nen, Allah nen he, ”Wene yi'nogo inoba fagain,” iluk isikhemo fagearen lisu palogo fesukwama werek. Wene Allah nen misigam faget nit againafuri wo'nisasikhemo ninendawinggen oba himbirik welago andi mene, it andi nen legetfouwogeluk ugunem, hiren elele waganogo hinomamerogo fisogo logobagaigeluk hinendawimo kagalogo lakfei wagi andi.


Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.


Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.


Meneat he, nagailak Titus a'nogo nemberek ambi agi'legen he, nendawinggen firik welagagisik afuni andoma mene hai warinapluk o Makedonia wagagi.


Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.


Nen, at Titus andi re, an nagailak hit lebethisouwogeluk nemberek yabu misik hilingitorek mene. Nen, ninagaila'lak ekhe at inom wagaikha andi re, fano hilingitunem it afuni ekhe nen inobabut palharesik Kristus fogerari'lagwi mene, Allah againafuri nen inayonggo fesukwasik lakfisa wagaikhama wagaikha andi.


An wokhisa we'le anggikhi lagi andi re, hit inom, an inom, ninendawinggen Yesus Kristus oba eberogoat himbiret fesugu mene andiba, ninendawinggen ago wat-wat uogeluk wesigeluk anggikhi lagi o.


he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.


Nen, nit yi mene ti mene Allah endawimo amolo anggikherek mene higithogo, aren wo'nisoageluk kino yagatunem ninane esanggo holheregat andi, iluk futfuluk, at eilhanem ninailo legat kino yagati logoguno.


Wene andi, it ap attagat Allah nen inayonggo fesikhemo at ane yagaisikhi lagaukwa mene nen isukwaat. Nen, ninoe Enupogot ninebe telninaferek mene a'nogo nen wene komotninafikhe mene, nit ninayonggo fesikhesik hinoba lakninobagai wagaikhemo yagahisasuguat.


Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.


Yogondak wene andi weinam asigin higithogoat weinam asuageluk, at Allah telninaferek mene a'nogo nen, ”Haren wene andi afuni yagaisikhi logoino,” iluk, nayonggo fesikhesik, noba fesikhe andiba ebe weinam ari'logo andi.


Nineisena Allah ninoe Tuhan Yesus Kristus emberek inobabut fano a'nogo nen, fano mene wokhisigik, hinendawinggen hambugethinafik, ikhi logouwago.


At Titus andi re, ebe Yunani mene ninom lagagu meneat he, it inogogwi kaindek omanogo nen, ”Hagap henggalimo mene palugun,” iluk ninghogo yagati'lek.


At Titus hinoba wesuageluk endawimo kagalhigisik he, ninagailak Allah amlogo ekhe at emberek lakfisa wagagimo wagaukwa a'nogo, wagaukwasik he, at Titus nen hiren fesigip mene ekhe munenogo helasikhe nogo? Mondok legaro. An Titus nemberek he, ninobabut misigat hilingiti lagagu lek nogo? It ekhe attak ineisok fuluk lagaikhare'ma re, it ekhe hobuk oba loukhogo fuluk lagaikharek hak, at Titus an nemberek yabu higit hilingiti lagagu lek nogo?


Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.


Wo'nisagama re, at Titus hit hinom logolik, hiren Allah againafuri ekhe hinendawi nen leberisouwogeluk isigip mene andi faget yagahisikhi laga hak arat andogosuageluk endawimo kagalho o.


Were'ma re, at Allah obabut he afuni nen, ”Ninggi'nogo hilingisugun,” iluk inendawimo weak agunem inendawimo fanorinaferek a'nogo nen, at Titus lakfei wagama andi nen nendawimo fanotnobagaikhe o.


At Allah aneba lisu palogo fikhi logolik he, mel isukwa: ”Nendawinggen at oba eberogoat himbirik logolik nane igio,” iluk isikhemo lisu palogo fesukwa higithogoat, nit he, ninendawinggen at oba eberogoat himbiret fuluk wene yagaisikhi lago andi.


Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.


Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.


Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.


Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.


An attak he, Yesus abok weak palhik, ebe nendawimo nen sebelfuluk Allah againafuri mene yi enggin ti enggin hilinginafik, ikhi lagagi meneat he, ninoe Enupogot Kristus Yesus endawitnafikhesik, ”Haren hobuk an faget hendawinggen lenurogo hilingiti logogin,” iluk, wene yi an noba fuluk nayonggo figik, omame wo'netik, isikhe andi. A'nogo weak hilingiti lagagi andem sambul he, an nendawinggen ninoe Enupogot Kristus Yesus oba himbiret figi'lek logolik, a'nogo hilingisu lek meneat he, nonggoren hilingiti lagagi andi nen, aren nebe endawitnafikhe andi nen, hai wati lagi o.


Timotius nendawi mene namlogo e. Allah nen he, ”Hit Kristus Yesus hinom hundik were'ma hinelugethinaferek,” iluk, abok yaganisasikhe mene andi, an Paulus nen yagaisilik nikhi logouwageluk, endawimo anggasikheba Kristus Yesus nen nayonggo fesikhesik laknobagai wagaikhemo, yoma logolik wene yi lisu palogo hoba lakfei wagi andi o. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.


Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.


Swiv nou:

Piblisite


Piblisite