TITUS 1:2 - Allah Wene Fano Wene Hupla Inane

² At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

TITUS 1:2 Referans Kwoze

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

1 YOHANES 2:25

Nen, at onggwaregen, ”Wokhisagain,” iluk abok yaganisasikhe a'nogo re, ninebe nabulal-habulal hilingninabigeluk isikhe o.

2 TIMOTIUS 1:9

At Allah nen ninebe telninafik, at onggwarek againafuri asuageluk ninayonggo figik, isikhe andi re, niren ekhe hilingituguba ninayonggo fesikhe fuk. Athe, Allah obabut fano nen, attak yi mene ti mene oan elalhi'lek logolik, hobuk Kristus Yesus hilingisigin oba fanotninabigeluk, onggwarek endawimo nen anggaluk ninayonggo fesikhe andi.

YUDAS 1:21

A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.

2 TIMOTIUS 1:1

Timotius nendawi mene namlogo e. Allah nen he, ”Hit Kristus Yesus hinom hundik were'ma hinelugethinaferek,” iluk, abok yaganisasikhe mene andi, an Paulus nen yagaisilik nikhi logouwageluk, endawimo anggasikheba Kristus Yesus nen nayonggo fesikhesik laknobagai wagaikhemo, yoma logolik wene yi lisu palogo hoba lakfei wagi andi o. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

TITUS 3:7

At Yesus obabut fano nen wene ninoba mene korogo wokhaluk, Allah ninom ninambotkwe hunogo ninobagasikhemo, nit ninendawimo nen he, ”Nineluk mondok logoguno,” iluk anggikhi lago andi higithogo eiseweregat asuageluk Allah Areagun wo'nisasikhe iluk,

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

2 TIMOTIUS 2:15

Allah nen he, ”Hat an faget fano hilingiti lagen,” iluk yagahesuagen he, ho mamerogoat hilingiti logoino. It ekhe yi mene ti mene hilingisuageluk inayonggo fugunem he, fanorogo hilingiti logolik, inenggali lekhogo hilingitarek andi hak, haren ebe wene andiat higithogo yagaisikhi logoino.

2 TIMOTIUS 2:13

Mene re, At onggwaregen, ”An nobabut attak welagi mene andi lego, iluk hunogoat munenagarek lek andi nen, nit At oba hundik logogun lek halok, aren nit ninoba hundik mondogat welagarego,” iluk, agarek andi eberogo aro.

1 SAMUEL 15:29

At Allah nit afuni Israel mene nineisena fogeratorek mene andi, nit afuni higit he lego, andi nen he eranen wene igik, yi'nogo hilingisigin ilugen, hobuk hunogoat mene igik, ikherek mondok lego,” iluk yagatikhemo,

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

TITUS 2:7

A'nogo komorinafunem, iren, hat hobabut wanhi logouwagen, yi mene ti mene faget hilingiti logolik hobabut higithogo hilingiti logoino. A'nogo hilingiti logolik, ”Wene yi esin mene,” iluk, higithogo eberogo wene nek yagaisikhi logoino.

1 TESALONIKA 5:8

Menere, nit selek oba welagorek mene yi, ninobabut hebelogo logolik he, afuni ekhe nen inoasinogo iluk sing inobakheba itarek hak, ninendawinggen Allahba himbirik logolik, afuni inebe ninendawirogo welagorek andi meneat ikhigik, inungguloa'ma inoasinogo iluk inunggulasu haro mene salharek hak, Allah nen telogo fanotninabigin iluk ninendawinggen fano welago andi meneat saligik ikhi logouwogo.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

WAHYU 17:8

Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

1 TIMOTIUS 6:19

A'nogo hilingiti logogun halok he, yi mene ti mene hobuk mene faget andogorogo fagarek hak, fano hilingiti logolik, hobuk mondok logogin mene fagerat fakhikhi logombik he, ninebe eberogoat ninelugetninabumo logogun andi meneat heloageluk komorinafi logoino o.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

KISAH PARA RASUL 15:18

a'nogo ninelu asuageluk fageat yaganisasikhemo, lisu palogo fesukwa andi.

YOHANES 10:28

Nombo'ne nugu kwelek, it ineluk mondok logouwageluk inelugerinafi logogin andi nen he, it inebe wa'lasimbik nong asugun lego. It an nenggiba werek kwelek, it ap ekhe nen telogo woginabumo elo'lego.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

YOHANES 6:54

Meneat he, ap sa nen an nebe ninggik, namep ninggik, ili'logo halok he, ineluk mondok logogun mene eisewerek asimbik were'ma, o wurep oba an nen elugerasigin o.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

1 TESALONIKA 2:15

It ap Yahuri mene nenat, it ap fageat Allah ane yagaisikhi lagaukwa mene inebe inoatik, ninoe Enupogot Yesus ebe watik isukwa hagat, nit yi enggin ti enggin hilingninabi'lagwi andi, Allah nen fano iluk anggikherek lek. It andi afuni inom weak enek logolik,

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

ROMA 5:4

Ninendawinggen wurik agaresik wurep oba re, Allah nen ninobabut palogo fano ikherek. A'nogo ikherek oba, hobuk eberogoat fano asigin, iluk ninendawimo ninagaiyek hikhi lago.

ROMA 5:2

Nit ninendawinggen Yesus oba himbiret fesugu andibaat, at Allah obabut fano nen fanotninaferek mene andi awe a'ma ninobagaikhe andiba himbiret fuluk welago. Logolik, Allah fogeratu mondok welagaikharek andi hak, nit a'nogoat fogetninabigin o, iluk ninendawimo ninagaiyegeti lago.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 1:2

Attagat Allah nen: ”Wene fano wene andi, hobuk weinam asigin o,” iluk abok it ap at ane yagaisikhi lagaukwa mene omanogo yagaisugunem, iren Allah ane palek a'nogoba lisu palogo fikhi lagaukwa.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

KOLOSE 1:27

At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.

MARKUS 10:30

andi ebe lombok obali'mo re, yogondak ya awi wurik inom, agaila'lak inom, erugwi inom, agaisa inom, againafuri inom, eabu siok inom, hokhorogoat 100 hangge wogetu kwelek he, afuni nen weagetfikhi logogun aro. Weagethinafu were'ma, hobuk o wurep oba hilinglasigin andi hilinglaga halok he, nabulal-habulal wogosigin aro.

MARKUS 10:17

Wene a'nogo yagaisaluk he, at Yesus o andoma nen kwe pikhit lageluk lagunem, ap ekhe fungusegat oba wagaikhe. Wagaikhesik eindep awi yagaisogo awe a'ma hu'lasi wagaikhesik he, mel yagatikhe: ”Guru noe. Wene yaganisikhi lagen andi, hat fano o. An nabulal-habulal hilingnabuagen he, an nobabut ninggi'nogo hilingiti logogin,” iluk yagatikhemo,

YESAYA 1:20

Oba nen he, hiren ambi An nane sagalogo fuluk hilingiti logogun halok he hinebe weim elema nen hinoasugun o, iluk An Hineisena Tuhan en nane arat igi o,” iluk ikhe.